Festival de Fin de Curso do alumnado da Escola Municipal de Guitarra este luns na Casa da Cultura de Fene
28-05-2018
A concelleira de Cultura, Rocío Bértoa, convida á veciñanza a asistir ó acto, que dará comezo ás cinco da tarde no salón de actos
O salón de actos da Casa da Cultura de Fene acollerá este luns, 28 de maio, o Festival de Fin de Curso do alumnado da Escola Municipal de Guitarra. Será a partir das cinco da tarde, con entrada libre. Nesta liña, a concelleira de Cultura, Rocío Bértoa, convida á veciñanza a acudir á cita e desfrutar dunha tarde coa mellor música.
O programa inclúe obras como o Vals de las Velas (Anónimo escocés); Oh Susana! (S.C. Foster); Day tripper (Lennon-Macartney); Black or White (Michael Jackson); The Pink Panther (Henry Mancini) ou La donna e mobile (Verdi). Un repertorio de altura para unha cita imprescindible.