Fene inaugura este venres unha mostra sobre a Declaración Universal dos Dereitos Humanos do Museo da Imprensa de Portugal
20-12-2018
Permanecerá ata o 31 de xaneiro no salón de plenos da consistorial
No marco da programación de Nadal, o Concello inaugura este venres 21 de decembro no salón de plenos da consistorial unha exposición sobre o 70ª aniversario da Declaración Universal dos Dereitos Humanos (efeméride que se conmemorou o pasado 10 de decembro, Día Internacional dos Dereitos Humanos).
A concelleira de Cultura, Rocío Bértoa, explica que esta mostra xorde do convite que recibiu o Concello de Fene dende o Museo da Imprensa de Portugal (institución que organiza o prestixioso certame de humor gráfico Porto Cartoon) para formar parte da denominada Rota do Humor polos Dereitos Humanos e que consiste nunha serie de exposicións simultáneas sobre o tema, con obras de autores dos cinco continentes, en diversos países do mundo.
A mostra poderá visitarse en Fene ata o 31 de xaneiro de 2019 de 10 a 14 horas.