Máis de 500 persoas tomarán parte na Carreira e Andaina de San Silvestre de Fene

Máis de 500 persoas tomarán parte na Carreira e Andaina de San Silvestre de Fene

Partirá este sábado da casa consistorial ás 16,30 h e o circuito, con distancias de entre os 100 metros e os 5 kms, discurrirá polas rúas do municipio

Un total de 529 persoas inscribíronse na Carreira e Andaina de San Silvestre que celebrará este sábado 28 de decembro o Concello de Fene. Será polas rúas do municipio, con percorridos que oscilan, segundo a idade, entre os 100 e os 5 kms. En todo caso, arrancará ás 16,30 horas da casa consistorial, cun marcado espírito festivo.

Na carreira absoluta anotáronse 275 atletas, namentras que nas categorías menores están apuntados 151, e a andaina contará con 103 participantes.

Saída e meta están fixadas na casa consistorial e as categorías son as seguintes: Pitufos (nenos/as nados/as en 2014 e 2015) cun percorrido de 100 metros; Sub 8 (2013-2012) e distancia de 200 metros; Sub 10 (2011-2010) e 400 metros; Sub 12 (2009-2008) e 800 metros; Sub 14 (2007-2006) e 1.200 metros; Sub 18/Sub 16 (2002-2003-2004-2005) e 2.500 metros; Absoluta (2001 e anteriores) e 5.000 metros e Andaina para todas as idades e un percorrido de 2.500 metros. A saída irase realizando de forma
escalonada, segundo a categoría e comenzando pola absoluta.

O circuito, sobre asfalto, estará pechado ao tráfico e controlado por Policía Local e Agrupación Local de Voluntarios de Protección Civil, así como membros da organización. Así mesmo, as persoas participantes deberán retirar hoxe venres 27 o seu dorsal-chip no pavillón da Xunqueira en horario de 9 a 13,30 horas e de 16 a 22 horas ou mañá día 28 no salón de plenos da casa consistorial de 10,30 a 13,30 ou de 15 a 16 h.

Os tres primeiros clasificados da categoría absoluta masculina e feminina e da Sub 18/Sub 16 tamén masculina e feminina recibirán un trofeo ou obsequio e todos os participantes, un agasallo. Así mesmo, o primeiro clasificado masculino e a primeira clasificada feminina da categoría absoluta recibirán ademáis un lote de produtos cedidos por “Torre de Núñez”. E, unha vez rematadas as carreiras, realizarase un sorteo de dous lotes de produtos “Torre de Núñez” entre todas as persoas participantes tanto na carreira como na andaina.