O mércores 16 de setembro cambia o horario na Casa da Cultura de Fene, Biblioteca Municipal e Museo do Humor
14-09-2020
A partir do día 16 retómase a atención presencial sen necesidade de cita previa en toda a instalación
Coa fin do verán, a Concellería de Cultura informa dos cambios no horario de apertura e atención ao público na Casa da Cultura, Biblioteca Municipal Xosemaría Pérez Parallé e Museo do Humor.
A partir deste mércores, 16 de setembro, a biblioteca de Fene abrirá as súas portas de luns a venres, de 16 a 21 horas, e os sábados de 10 a 13 horas. Ademais, o servizo municipal retoma ese día a atención aos usuarios/as sen necesidade de solicitar cita previa. Manteranse, iso si, as demais medidas de protección fronte á Covid 19 como a obrigatoriedade do uso de xel hidroalcohólico ao acceder á instalación, uso da mascarilla durante todo o tempo no que se permaneza nela ou a necesidade de manter a distancia interpersoal de 2 metros cos demais usuarios/as do servizo e co persoal da instalación.
Tamén cambia o horario este mércores na sala de exposicións temporais da Casa da Cultura, aula de estudo e Museo do Humor que abrirán as súas portas de luns a venres, de 10.00 a 13.00 horas e de 16.00 a 21.00 horas, e os sábados, de 10.00 a 13.00 horas. Tamén neste caso, poderá accederse á instalación libremente, sen necesidade de solicitar cita previa, pero deberán cumprirse todas as normas e recomendacións sanitarias derivadas da pandemia da Covid 19.