Non pasa nada, pasa algo?

Non pasa nada, pasa algo?

Prevención condutas adictivas no obradoiro de emprego

O alumnado do obradoiro de emprego participará ao longo desta semana no programa  “Non pasa nada, pasa algo?”, subvencionado pola Consellería de Sanidade. Trátase dunha actividade encamiñada a manexar unha información obxectiva e veraz que lles axude a adoptar decisións autónomas e responsables en beneficio propio e no ámbito laboral, reforzando actuacións preventivas.


Programa enmarcado no proxecto de prevención de condutas adictivas, realizado conxuntamente coa agrupación de concellos de Neda e Mugardos e  subvencionado pola Consellería de Sanidade.


Esta actuación está encamiñada a mellorar a información sobre as adiccións, de maneira precisa e axeitada debido a baixa percepción do risco que existe na cidadanía sobre o consumo de sustancias e comportamentos adictivos, de aí que adquira sentido informar para axudar a entender as características xerais do fenómeno que nos ocupa, as súas implicacións na sociedade e a desterrar prexuízos, así como a establecer un maior coñecemento nesta materia.


Na intervención a realizar se marcan os seguintes obxectivos:


- Facilitar información sobre adiccións con sustancias e comportamentais
- Sensibilizar sobre as seguintes adiccións: alcohol, cannabis e ludopatías
- Informar e concienciar sobre os riscos que conlevan as adiccións.
- Formar sobre as consecuencias dos riscos laborais baixo efectos de sustancias

A sesión é impartida por unha técnica de ASFEDRO e a coordinadora do programa é a pedagoga municipal.


Para calquera información dirixirse a:


CENTRO MUNICIPAL DE SERVIZOS SOCIAIS - AREA DE BENESTAR SOCIAL E IGUALDADE
Avda.do Mar, Bloque 1, Baixo - San Valentín
Teléfonos: 981 492 706 / 981 342 607
Caixa electrónica: servizos.sociais@fene.gal