O Concello convida a nenas e nenos a participar como paxes reais na Cabalgata
16-12-2022
Aberto o prazo de inscrición no Rexistro Xeral para nenos/as de 6 a 12 anos
Fene recibirá ás Súas Maxestades os Reis Magos de Oriente o vindeiro 5 de xaneiro e, coa vista posta nesta data, o Concello de Fene convida ás nenas e nenos a tomar parte na Cabalgata como paxes reais. Para iso, é preciso anotarse no Rexistro Xeral, entregando a ficha de inscrición –disponible aquí-. É requisito ter entre 6 e 12 anos cumpridos e o aforo está limitado, cubríndose por orde de solicitude. O prazo pecharase o 29 de decembro. En total seleccionaranse 24 paxes reais (8 por carroza) e o criterio será por orde de solicitude.
A Cabalgata partirá ás 17,30 horas de Perlío –fronte a Aguilar- para percorrer a Avenida Marqués de Figueroa, Cruce de Fene e Avenida de Naturais rematando na Praza do Concello onde se lles dará a benvida aos Reis.
Así mesmo, a organización contactará o 3 de xaneiro coa familia (vía telefónica e correo electrónico) para indicarlles a carroza correspondente e comunicarlle indicacións.
Sinalar que os paxes dos Reis Magos instalarán o vindeiro día 27 de decembro na casa consistorial de Fene un buzón real para que as nenas e nenos do municipio poidan depositar as súas cartas. Nesta liña, o Concello anima aos máis pequenos a escribir as súas peticións e desexos e entregar as misivas as cales serán recollidas polos mesmos paxes para a súa entrega aos Reis Magos.