Horarios de adestramento nos pavillóns polideportivos A Xunqueira e O Ramo durante a tempada 2024-25
27-09-2024
Unha vez rematado o prazo de solicitude de adestramento establecido para clubs/entidades de fóra de Fene e para particulares (26 de setembro) nos pavillóns polideportivos do Ramo e da Xunqueira para a tempada 2024 – 2025, o Departamento de Deportes do Concello de Fene concede os horarios definitivos.
A concesión das horas establécese tendo en conta toda a normativa aplicable sobre instalacións deportivas do Concello de Fene.
Estes horarios serán efectivos durante a tempada 2024/2025 que dará comezo o vindeiro 1 de outubro de 2024 e rematará o 30 de xuño de 2025.
Tanto entidades como particulares poderán solicitar ao longo da devandita tempada horas de adestramento nos ocos horarios que quedaron libres en calquera dos dous pavillóns.