O castiñeiro do Apalpador
09-12-2024
🔊 Por mor dunha indisposición do artista, aprázase para o mércores 18 de decembro, ás 18.30 horas, o espectáculo "O Castiñeiro do Apalpador", de Inacio Vilariño (Fantoches Baj). Agardámosvos a vindeira semana!!!
Co espectáculo O castiñeiro do Apalpador, a cargo de Inacio Vilariño, o Concello de Fene abre este xoves 12 de decembro o ciclo de actividades do Nadal 2024-25. A cita será no salón de actos da Casa da Cultura ás 18.30 h, cunha entrada de balde.
Neste espectáculo, creado a partir da tradición popular, un carboeiro que se alimentaba únicamente dos froitos do seu castiñeiro e que as xentes chaman o apalpador, conta aos miúdos porque no Nadal reparte castañas aos nenos e nenas que non teñen nada nas súas barriguiñas. O castiñeiro do Apalpador é un espectáculo de monicreques e teatro baseado na lenda do Apalpador. Un espectáculo orixinal e divertido que da man do titiriteiro Inacio Vilariño ofrece ás familias unha experiencia inesquecible.
Dirixido a público familiar (infantil e primaria)
Entrada de balde sen reserva de praza.
Patrocinado polo programa Rede Cultural da Deputación da Coruña.