Novas

11-05-2018 -
11-05-2018 -
Fene ao día

Fene activa www.fenevivo.gal, un escaparate único para a promoción de todas as propostas de lecer do municipio

Que Fene é un municipio cunha intensa actividade cultural, deportiva e asociativa ninguén o dubida e, agora, o Concello proponse promocionar e difundir esa ampla variedade de propostas de lecer nun escaparate único, accesible e sinxelo para calquer persoa. Ese escaparate único é www.fenevivo.gal. Un portal web que onte á tarde presentaban o alcalde, Gumersindo Galego; os concelleiros de Turismo, Juan José Franco, e de Promoción Económica, César Castro, e Manel Pan, responsable de Abertal, a firma encargada de desenvolver a ferramenta no marco do proxecto que leva o mesmo nome e que financia o Concello con axuda dos fondos do GALP Ártabro Norte. Unha presentación na que tomaban parte representantes do tecido asociativo e sector empresarial do municipio, claves todos eles para lograr o éxito da iniciativa.
Ver máis
11-05-2018 -
11-05-2018 -
Cultura

Homenaxe en Fene a María Victoria Moreno da man do colectivo literario Moraima

Fene rendirá homenaxe este luns, 14 de maio, á escritora María Victoria Moreno, a quen se dedica este ano o Día das Letras Galegas. E farao da man do colectivo literario fenés Moraima e dun innovador espectáculo multimedia no que se combinan proxeccións audiovisuais e recitado e lecturas dramatizadas de textos de Moreno. Un xeito diferente de achegar ó público a vida e obra da escritora.
Ver máis
10-05-2018 -
10-05-2018 -
Benestar e igualdade

Inaugurada en Fene a exposición “20 Anos a Fondo coa Solidariedade”

O alcalde de Fene, Gumersindo Galego; a directora do CPI A Xunqueira, Isabel Hermida, e a concelleira de Servizos Sociais, Juana Barro, inauguraron esta mañá no centro educativo a exposición “20 Anos a Fondo coa Solidariedade”. Unha mostra que poderá visitarse ata o 31 de maio.
Ver máis
10-05-2018 -
10-05-2018 -
Fene ao día

O Concello convida ó tecido asociativo á presentación da Axenda Online de Fene

O alcalde de Fene, Gumersindo Galego, e o concelleiro de Turismo, Juan José Franco, convidan ó tecido asociativo, sector empresarial e veciñanza do municipio a tomar parte no acto de presentación da Axenda Online de Fene, un espazo na Rede que aglutinará as múltiples e variadas actividades que, entre os preto de cen integrantes da Rede Fene Mar Vivo, se organizan na localidade ó longo do ano. O acto terá lugar este xoves, 10 de maio, ás 20,30 horas no salón de plenos da Casa do Concello.
Ver máis
09-05-2018 -
09-05-2018 -
Fene ao día

A unidade móbil de doazón de sangue desprázase a Fene este xoves

A unidade móbil de doazón de sangue desprazarase este xoves, 10 de maio, a Fene. Permanecerá diante do centro de saúde en horario de mañá –de 9,30 a 14,30 h- e de tarde –de 15,30 a 21 h- e, dende o Concello, anímase á veciñanza a tomar parte na campaña de doazón.
Ver máis
08-05-2018 -
08-05-2018 -
Cultura

Unha guía de luxo para os escolares que visiten en Fene a exposición Retrospectiva

A sala de exposicións temporais da Casa da Cultura acolle dende o pasado venres e ata finais de mes a mostra “Retrospectiva” da pintora fenesa Beatriz Seijo. Unha retrospectiva dos últimos dez anos de traballo da artista plástica, cunha selección de obras de tres das súas coleccións: “Gotas de Aire”, “Detalle sen Detalle” e “En que pensas?”, e na que tamén se inclúen obras actuais. Unha mostra coa que conmemorar, precisamente, os dez anos transcorridos da última exposición realizada por Beatriz Seijo en Fene. Pode visitarse de luns a venres de 10 a 13 horas e de 16 a 21 horas e, os sábados, de 10 a 13 horas.
Ver máis
08-05-2018 -
08-05-2018 -
Cultura

BellónMaceiras ofrece un concerto didáctico este mércores na Casa da Cultura

A Casa da Cultura de Fene acollerá este mércores, 9 de maio, un concerto didáctico a cargo de BellónMaceiras. Será a partir das 18 horas, con entrada libre ata completar aforo.
Ver máis
08-05-2018 -
08-05-2018 -
Fene ao día

Educación amplía os equipamentos informáticos do CEIP Plurilingüe de Centieiras

O xefe territorial da Consellería de Cultura, Educación e Ordenación Universitaria, Indalecio Cabana, xunto ó alcalde de Fene, Gumersindo Galego, e a edil de área, Ana Novo, realizaron o pasado luns 7 de maio unha visita ó CEIP Plurilingüe de Centieiras para manter unha xuntanza de traballo coa directora, Raquel Abella, e a xefa de estudos, Chus Martínez.
 
Ver máis
04-05-2018 -
04-05-2018 -
Deporte

O Concello de Fene abre a inscrición para os bautismos de mergullo para nenos, adultos e persoas con diversidade funcional

A Concellería de Deportes de Fene informou esta mañá de que o prazo de inscrición nos bautismos de mergullo para nenos/as, persoas adultas e persoas con diversidade funcional abrirase o vindeiro luns, 7 de maio, no pavillón polideportivo da Xunqueira, en San Valentín (de luns a venres de 9 a 13,30 h e os
mércores de 16,30 a 19 h). O programa, que impulsa o Concello, conta coa colaboración do Clube de Actividades Subacuáticas Nautilus.
Ver máis
04-05-2018 -
04-05-2018 -
Fene ao día

Fene homenaxea este sábado ás lavandeiras de Sillobre recreando o seu sacrificado traballo

Fene celebrará este sábado, 5 de maio, a quinta edición do Encontro das Lavandeiras de Sillobre. Unha auténtica homenaxe ás veciñas que realizaban este sacrificado traballo.
Ver máis
1 2 ...167 168 169170 171 ...302 303 >>