Novas

21-08-2019 -

21-08-2019 -

Deporte

O Concello clausura as escolas deportivas de verán de tenis e kaiak

O alcalde, Gumersindo Galego, e a concelleira de Deportes, Tamara Miragaya, participarán na clausura das escolas deportivas de verán de tenis e kaiak, nos que tomaron parte máis de 80 rapaces e rapazas.

21-08-2019 -

21-08-2019 -

Fene ao día

O alcalde recepciona o novo vehículo de atestados e con oficina móbil adquirido polo Concello para a Policía Local

O alcalde, Gumersindo Galego, vén de recepcionar o novo vehículo de atestados e oficina móbil adquirido polo Concello para a Policía Local de Fene. O vehículo requeriu dun investimento de 46.627,57 euros e, na práctica, permitirá aos axentes elaborar in situ os atestados, ofrecendo unha mellor atención á veciñanza e facilitando o traballo que realizan a pé de rúa, axilizando a tramitación.

20-08-2019 -

20-08-2019 -

Fene ao día

O Concello conclúe as obras de acondicionamento das rúas Peirao e Hortelá

O alcalde de Fene, Gumersindo Galego, informou esta mañá do remate das obras de acondicionamento das rúas Peirao e Hortelá, na parroquia de Perlío. Explicou que nas mesmas investíronse un total de 62.590 euros, que se financiaron con cargo ao POS+ 2018 da Deputación provincial.

19-08-2019 -

19-08-2019 -

Fene ao día

Dispoñibles os Dvd´s do campus lingüístico Verán Máis Alá

A partir de hoxe, luns 19 de agosto, xa están dispoñibles os Dvd´s do campus lingüístico Verán Máis Alá, que poderán recollerse de balde no Departamento de Cultura e Deportes (Avda. Naturais 44, entresollado) de luns a venres en horario de 09,30 a 13,30 horas.

O DVD contén unha escolma de fotos e vídeos dos/as participantes nas distintas actividades realizadas ao longo do pasado mes de xullo, nas instalacións do CEIP Centieiras, piscina municipal e distintos exteriores.

14-08-2019 -

14-08-2019 -

Fene ao día

Homenaxe a Ramón Souto González, último alcalde fenés da República

O Concello de Fene celebrará este venres 16 de agosto, a partir das 19 horas, un acto de homenaxe e lembranza a Ramón Souto González, o último alcalde da República en Fene, fusilado xunto a outros membros da corporación en 1936. O acto terá lugar na antiga praza da casa consistorial, hoxe bautizada co nome do ex alcalde en recoñecemento e memoria da súa figura.

No acto, aberto á participación de toda a veciñanza, tomarán a palabra o xornalista fenés Ramón Loureiro e o senador ferrolá Julio Barros Casal. O acto pecharase cunha actuación musical.

13-08-2019 -

13-08-2019 -

Deporte

O Concello de Fene executa a reforma dos vestiarios do campo de fútbol dos Pinares

O alcalde de Fene, Gumersindo Galego, avanzou esta mañá que o campo de fútbol dos Pinares, en Perlío, contará cun vestiario para mulleres, aseos accesibles e uns vestiarios renovados e sen humidades. Será unha vez conclúan as obras necesarias, na actualidade en execución, cun investimento de 39.914,87 euros que o Concello financia con cargo ao superávit.

09-08-2019 -

09-08-2019 -

Fene ao día

Conclúen as obras de acondicionamento do Camiño da Lameira, en Maniños

O alcalde, Gumersindo Galego, informou esta mañá da conclusión das obras de acondicionamento do Camiño da Lameira, no tramo entre Piqueiro e Vrea, na parroquia de Maniños. A actuación, segundo explicou o rexidor, contou cun orzamento de 24.767,09 euros e financiouse con cargo ao superávit municipal.
As obras contemplaron a limpeza de cunetas e a pavimentación do camiño ao longo de 403 metros, así como tarefas de sinalización.

08-08-2019 -

08-08-2019 -

Fene ao día

O Concello de Fene habilita un punto de encontro na Escola Infantil Galiña Azul

O alcalde, Gumersindo Galego, informou esta mañá do remate dos traballos para dotar a Escola Infantil Galiña Azul dun Punto de Encontro que servirá de reunión dos/as usuarios/as en caso de emerxencia.

07-08-2019 -

07-08-2019 -

Fene ao día

O Concello de Fene conclúe as obras de reparación da fachada do CPI A Xunqueira

O Concello de Fene vén de concluír os traballos de mantemento e reparación da fachada do CPI A Xunqueira, en San Valentín. Así o explicou o alcalde, Gumersindo Galego, para engadir que a intervención contou cun orzamento de 37.340,30 euros que se financiaron con cargo ao remanente de tesourería.

Nesta liña, o rexidor explicou que os traballos contemplaron a eliminación do material danado e a reconstrucción do recubrimento, limpeza e saneado da fachada.

02-08-2019 -

02-08-2019 -

Fene ao día

O Concello acondiciona o inmoble dos vestiarios da pista de Magalofes e realiza traballos de mellora en 4 parques infantís

O alcalde, Gumersindo Galego, informou esta mañá do remate das obras de acondicionamento e mellora do edificio anexo á pista polideportiva de Magalofes e a adecuación de 4 áreas de xogo infantil (Plaza do Ameneiral en Perlío; plaza 10 de Marzo en San Valentín, Rosalía de Castro en Perlío, e parque da Hortiña en Limodre). Nesta liña, o rexidor explicou que, no seu conxunto, as intervencións contaron cun orzamento de 38.193,64 euros, incluído no Plan de Acción Social (PAS).