Novas

27-08-2018 -
27-08-2018 -
Fene ao día

A unidade móbil de doazón de sangue desprázase a Fene este martes e mércores

A unidade móbil de doazón de sangue desprazarase este martes e mércores a Fene. Permanecerá diante do centro de saúde en horario de mañá –de 9,30 a 14,30 h- e de tarde –de 15,30 a 21 h- e, dende o Concello, anímase á veciñanza a tomar parte na campaña de doazón. A doazón é un acto cómodo, sinxelo e que non perxudica a saúde, permitindo a moitas persoas resolver graves problemas de saúde e, mesmo, salvar a súa vida. 
 
Ver máis
22-08-2018 -
22-08-2018 -
Fene ao día

Fene celebrará este domingo as primeiras Rutas Indianas con todas as prazas cubertas

120 veciños tomarán parte nos percorridos, que se realizarán nun bus de época, contarán con representacións teatrais e as explicacións do arquitecto Carlos Ardá.
A resposta veciñal superou as mellores expectativas e o Concello de Fene viuse obrigado a ampliar o número de Rutas Indianas que celebrará o vindeiro domingo 26 de agosto, coincidindo coa Festa do Pote de Maniños. Nesta liña, o concelleiro de Promoción Turística, Juan José Franco, explicaba esta mañá que se trata dunha iniciativa novidosa, que se pon primeira vez en marcha este ano e que a excelente resposta ofrecida por veciños e veciñas xa fai pensar en reeditala o vindeiro ano. As Rutas Indianas inclúense no proxecto Fene Vivo, Vén a Fene, Vén a Maniños e, finalmente, realizaranse catro saídas no lugar das dúas previstas inicialmente. En total, participarán nas mesmas 120 persoas.
Ver máis
21-08-2018 -
21-08-2018 -
Benestar e igualdade

Concello e INICE colaboran na posta en marcha dos Obradoiros de Inicio ás Novas Tecnoloxías, dirixidos fundamentalmente a mulleres

Concello de Fene e Instituto de Investigacións Científicas e Ecolóxicas (I.N.I.C.E.) colaboran na posta en marcha dunha serie de Obradoiros de Inicio ás Novas Tecnoloxías, gratuítos e dirixidos principalmente ás mulleres. Tras a apertura do prazo de inscrición, as persoas interesadas nestas accións formativas, para as que quedan prazas vacantes, están convocadas a unha reunión informativa na que se explicará o programa, contidos e datas previstas de inicio de cada unha das actividades. Esa reunión terá lugar o martes, 28 de agosto, ás 10 horas, no Centro Municipal de Servizos Sociais (Avenida do Mar, bloque 1, baixo, San Valentín).
Ver máis
20-08-2018 -
20-08-2018 -
Fene ao día

O Concello adxudica a primeira fase das obras de aglomerado do camiño do Buio

O alcalde, Gumersindo Galego, informou esta mañá da adxudicación da primeira fase das obras de acondicionamento do camiño do Buio, na parroquia de Sillobre, por importe de 38.765 euros. Unha intervención que se realizará con cargo ó PEIM 2017 da Axencia de Galega de Desenvolvemento Rural (Agader).
Ver máis
17-08-2018 -
17-08-2018 -
Fene ao día

Fene rendiu homenaxe a Ramón Souto, último alcalde da República

Fene celebrou onte á tarde o acto de homenaxe e lembranza a Ramón Souto, o último alcalde da República, fusilado xunto a outros membros da corporación en 1936.
O acto desenvolveuse na antiga praza da casa consistorial, hoxe bautizada co nome do ex alcalde en recoñecemento e memoria da súa figura e, no mesmo, tomaron a palabra o rexidor, Gumersindo Galego, e Bernardo Fernández, alcalde de Pontedeume, deputado provincial e neto dun dos concelleiros fusilados xunto a Ramón Souto.
Ver máis
17-08-2018 -
17-08-2018 -
Benestar e igualdade

Aberto o prazo de inscrición na VI edición da Carreira Solidaria da Muller

Dende a Concellería de Benestar Social e Igualdade que dirixe Juana Barro, infórmase da celebración da 6ª edición da Carreira Solidaria da Muller. Un evento de carácter deportivo e lúdico que se desenvolverá na Coruña o vindeiro 16 de setembro para apoiar a loita contra o cancro de mama. Por quinto ano consecutivo, o Concello de Fene colabora coa Asociación Oncohematolóxica Por+Vida patrocinando dous autocares, asumindo o custe da publicidade, aportando persoal municipal e vehículo de transporte para a recollida do material da carreira das participantes e colaborando na recollida de inscricións e organización previa ó evento.
Ver máis
16-08-2018 -
16-08-2018 -
Fene ao día

Homenaxe a Ramón Souto, último alcalde da República, esta tarde en Fene

O Concello de Fene celebrará esta tarde, a partirdas 19 horas, un acto de homenaxe e lembranza a Ramón Souto, o último alcalde da República, fusilado xunto a outros membros da corporación en 1936. O acto terá lugar na antiga praza da casa consistorial, hoxe bautizada co nome do ex alcalde en recoñecemento e memoria da súa figura.
Ver máis
16-08-2018 -
16-08-2018 -
Benestar e igualdade

Festas de Fene libres de violencia sexista

O Concello de Fene, a través do Servizo Municipal de Atención á Muller e Promoción da Igualdade, vén de sumarse á Campaña de Sensibilización para minorizar a violencia sexista nas festas populares baixo o lema “De troula con sentido, as festas galegas libres de violencia sexista”.
Ver máis
16-08-2018 -
16-08-2018 -
Fene ao día

Festas de Fene libres de violencia sexista

O Concello de Fene, a través do Servizo Municipal de Atención á Muller e Promoción da Igualdade, vén de sumarse á Campaña de Sensibilización para minorizar a violencia sexista nas festas populares baixo o lema “De troula con sentido, as festas galegas libres de violencia sexista”.
Ver máis
16-08-2018 -
16-08-2018 -
Fene ao día

O Concello de Fene adxudica as obras de ampliación e mellora da rúa Ameneiral

O alcalde de Fene, Gumersindo Galego, informou esta mañá da adxudicación das obras de ampliación de beirarrúas na rúa Ameneiral e mellora dos viais de acceso á escola de Magalofes e estrada de entrada ó polígono industrial de Vilar do Colo. Intervencións incluídas no PAI 2016 Complementario da Deputación provincial da Coruña. En suma, o orzamento das intervencións ascende a 20.495,07 euros.
Ver máis
1 2 ...173 174 175176 177 ...319 320 >>