O anterior goberno local de Fene deixou sen pagar o servizo de saneamento prestado polo Concello de Ares –que ten encomendada a xestión, explotación e mantemento da EDAR de Punta Avarenta- durante os anos 2016 e 2017. En suma, a débeda ascende a 216.000 euros (correspondentes a dúas facturas, unha por exercicio, por importe de 108.000 euros cada unha). Unha irresponsabilidade, según sinala o alcalde, Gumersindo Galego, xa que había partida orzamentaria e retención de crédito suficiente para proceder ó abono sen necesidade sequera dunha modificación de crédito.
