A área de Servizos do Concello de Fene ordenou hai uns días a tala de sete árbores situadas nas entremedias do Eroski Center e a ribeira do Cádavo. Varios exemplares deitaban as súas pólas no tellado do mercado e outros ameazaban con caer sobre o carreiro que conecta coa rúa paralela a San Estevo pasando polo lavadoiro das Cañotas. A medida adoptouse "por motivos de seguridade e de forma urxente" xa que, segundo asegurou o alcalde, "a prioridade é garantir a seguridade das persoas e dos bens próximos".
