Ao redor dunha trintena de persoas (membros da Corporación Municipal, representantes do movemento asociativo e veciños/as de Fene) reuníronse onte á tarde no parque liñal do Río Cádavo para asistir á lectura da Declaración Institucional do Día da Patria Galega. O texto foi elaborado este ano pola psicóloga, experta en igualdade e mestra do Ceip Centieiras de Perlío-Fene, Paloma Rodríguez Vázquez. A concelleira de Cultura e Ensino, Amalia García, foi a encargada de abrir o acto, lembrando que o Concello de Fene organiza o Ciclo do Día da Patria Galega e encarga a algún persoeiro vencellado con Fene a súa Declaración Institucional coma “un xeito de conservar para as vindeiras xeracións testemuños do noso pasado e proxectar o noso futuro en forma de homenaxe a unha data que, en palabras de Castelao, é a festa maior de Galicia”.
