Desde hai unhas horas están en vigor as novas medidas decretadas pola Xunta para tentar frear o avance do coronavirus que se manterán, polo menos, até o próximo 17 de febreiro. O máis destacado é o mantemento do peche perimetral do concello e do toque de recollida entre as 10 da noite e as 6 da mañá, ademais da redución dos grupos só a persoas conviventes, o peche da hostalaría (que só poderá atender entregas e reparto a domicilio) e a obriga de baixar a persiana no comercio non esencial despois das 18.00h. A situación sanitaria do noso municipio é de extrema gravedade, tras comunicar o SERGAS esta mañá un total de 153 casos activos. De acordo coas normas preventivas, o Concello pechou todas as instalacións deportivas e culturais e, ademais, o Goberno local tamén decidiu clausurar os parques infantís e biosaudables de todo o territorio.
.jpg)
