Novas

18-03-2019 -
18-03-2019 -
Fene ao día

O Concello de Fene executa o desbroce de catro fincas particulares

Agora, a Policía Local emitirá os correspondentes informes para continuar coa tramitación dos expedientes. Esta pasa pola reclamación do custe dos traballos realizados aos seus propietarios. En caso de que se neguen ou declaren insolventes o Concello procedería ao embargo deste ou doutros bens.
 
Ver máis
14-03-2019 -
14-03-2019 -
Fene ao día

Concello e comercio promoven o Outlet de fin de tempada este sábado

Fene acollerá este sábado 16 de marzo o Outlet de fin de tempada e, esta mañá, o concelleiro de Promoción Económica, César Castro, presentaba a cita, incluída no programa “Merca en Fene, Todo queda na casa”. Avanzaba que a feira, que arrancará ás 10 horas e se prolongará ata as 20 h, contará coa participación de 25 comercios e máis dous establecementos hostaleiros, que ofrecerán tamén promocións especiais. Moda, textil, ópticas, calzado, produtos de agasallo ou labores concentran a oferta da feira. A Avenida do Concello, Avenida Naturais, rúa da Fraga e Marqués de Figueroa serán os escenarios do Outlet. E, baixo carpa, algúns negocios tamén ofrecerán os seus produtos na praza Verde.
Ver máis
14-03-2019 -
14-03-2019 -
Benestar e igualdade

O Concello de Fene organiza este venres a mesa de experiencias e debate “Mulleres traballadoras: vivencias”

Fene continúa coa programación de actos para conmemorar o Día da Muller e, mañá venres 15 de marzo, a Concellería de Benestar Social que dirixe Juana Barro organiza un maratón de lectura, inaugura exposición e convoca á cidadanía a seguir unha mesa de experiencias e debate que se celebrará baixo o título “Mulleres traballadoras: vivencias”.
Ver máis
12-03-2019 -
12-03-2019 -
Benestar e igualdade

O Concello de Fene conmemora este mes o Día da Muller con teatro, cine, exposicións, lecturas e moito debate

A concelleira de Benestar Social, Juana Barro, avanzou esta mañá que o Concello continuará conmemorando ao longo do mes de marzo o Día Internacional da Muller e, amais dos obradoiros en centros educativos, a programación deseñada incluirá toda unha serie de exposicións, obras de teatro, cine, lecturas e debates.
Así, este venres 15 de marzo a Biblioteca Municipal Xosemaría Pérez Parallé albergará, dende as 9 e ata as 14 horas, a XVII edición do Maratón de lectura “Fene Lendo Mulleres”; as instalacións da Casa da Cultura serán tamén escenario da mostra “As Mulleres alimentan o mundo” sobre comercio xusto, que poderá visitarse nesa mesma xornada, e a partir das 19 horas, o Concello celebrará unha mesa de experiencias e debate no salón de actos do centro cultural. Será baixo o lema “Mulleres Traballadoras. Vivencias” e nela tomarán a palabra a pediatra Josefa García Santiago; a traductora Olga Santiago Pérez; a panadeira Manuela Carneiro Fernández, a mediadora de seguros Amalia Botas Lamas e a matemática Erica Diz Pita. Unha interesante proposta con entrada libre.
Ver máis
11-03-2019 -
11-03-2019 -
Museo do Humor Xaquín Marín

A Casa da Cultura acolle a mostra “Pictografías” de Eduardo Hermida

A Casa da Cultura de Fene acolle a mostra de fotografía e pintura “Pictografías” do creador Eduardo Hermida. O pasado venres tiña lugar o acto oficial de inauguración coa presenza do artista e do alcalde, Gumersindo Galego, e dende entón pode visitarse de luns a venres de 10 a 13 h e de 16 a 21 h, e sábados de 10 a 13 h. Así será ata o vindeiro 27 de abril.
Ver máis
11-03-2019 -
11-03-2019 -
Benestar e igualdade

Concentración violencia machista

Dende a Concellaría de Benestar Social e Igualdade do Concello de Fene, convócase para hoxe luns 11 de marzo ao persoal do Concello, ao persoal político e a todas as persoas que desexen unirse, a unha concentración silenciosa ás 12:00 h na porta da Casa do Concello para manifestar públicamente a condea e rexeitamento polo ASASINATO POR VIOLENCIA MACHISTA DE MARIA JESÚS ABOY de 43 anos, veciña de Valga (Pontevedra).
Ver máis
08-03-2019 -
08-03-2019 -
Cultura

Mostra bibliográfica para visibilizar a muller na historia na Biblioteca Municipal

Para conmemorar o Día Internacional da Muller, a Biblioteca Municipal Xosemaría Pérez Parallé ofrecerá ata 16 de marzo unha mostra bibliográfica na que se atoparán materiais relacionados coa visibilización da muller na historia, sobre a igualdade e, ademais, unha pequena selección de libros en homenaxe a grandes mulleres coma Rosalía de Castro, María Victoria Moreno, Frida Kahlo, Concepción Arenal, Ángeles Alvariño, Malala Yousafzai, Virginia Woolf, Clara Campoamor...
Estará dispoñible durante o horario de apertura da biblioteca: de luns a venres, de 16:00 a 21:00 e sábados de 10:00 a 13:00 horas.
Ver máis
07-03-2019 -
07-03-2019 -
Museo do Humor Xaquín Marín

Eduardo Hermida inaugura este venres en Fene a súa mostra “Pictografías”

“Pictografías” é o título da mostra de fotografía e pintura que este venres 8 de marzo inaugura o artista Eduardo Hermida na Casa da Cultura de Fene. Trátase do traballo dos dous últimos anos do creador nos que, tal e como sinala, tenta “buscar un diálogo entre a fotografía e a pintura”. Un encontro que non é casual xa que, asegura, “como estudiei deseño gráfico na Escola de Artes e Oficios Pablo Picasso, considérome pintor de oficio pero sen a teoría do arte”. Así, no seu traballo busca “esa relación directa que existe entre a materia e o arte manual que inspira as miñas composicións”. E sen esquecerse das súas influencias do pop art, nos últimos tempos ten evolucionado cara un expresionismo figurativo. Así, busca a forza da fotografía nun marco diferente e, neste sentido, as súas fotografías son moi pictóricas para os fotógrafos e moi fotográficas para os pintores.
Ver máis
06-03-2019 -
06-03-2019 -
Cultura

Cancelado o desfile de comparsas de Entroido por mor das inclemencias meteorolóxicas

As dezasete comparsas que participan este ano no Entroido de Fene concentraranse finalmente  ás seis do serán na Praza do alcalde Ramón Souto González, a carón da Casa do Concello. Perante as previsións meteorolóxicas que anuncian choiva durante toda a tarde, a Concellería de Cultura do Concello de Fene tomou a decisión de cancelar o desfile de comparsas que tradicionalmente se desenvolvía polas rúas de Perlío e Fene. Mantense, segundo o previsto, o Festival de Comparsas e a verbena coa orquestra Olympus e, se o tempo o permite, a queima do Meco e a sesión pirotécnica. 
Ver máis
05-03-2019 -
05-03-2019 -
Cultura

Dezasete comparsas participarán mércores no desfile e festival do Entroido de Fene

A Canteira, Oje de Ferrol, Paso a Paso, Os argalleiros, A revolta de Trasancos, Os parrandolos, As científicas de Centieiras e Os Scratchados. Son as comparsas que este ano actuarán no festival que o Concello de Fene organiza para o Mércores de Cinza, día grande do Entroido fenés. Previamente, e canda elas, tomarán parte no tradicional desfile de comparsas polas rúas do concello: Os colludos, Troupele troupele, As Xoaniñas de Chao, Colexio Belén, Retrinche mexicano, A comparsa da Semente, Os mecos, Patrulla verde de Domus Vi e Domus Vi.
Ver máis
1 2 ...156 157 158159 160 ...322 323 >>