Novas

28-01-2019 -
28-01-2019 -
Deporte

Constituído o Consello Municipal de Deportes de Fene

O Concello de Fene acolleu a semana pasada a sesión de constitución do Consello Municipal de Deportes, un órgano que reúne a representantes dos clubes deportivos, entidades que desenvolven actividades neste ámbito e ANPAS da cidade. Con el, segundo explicou o edil de área, Xoán Manuel Bastida, búscase favorecer a súa participación efectiva na toma de decisións municipais e impulsar proxectos e iniciativas que permitan a Fene recuperar a súa posición protagonista no mundo do deporte. Así, nesta primeira xuntanza, presidida polo alcalde, Gumersindo Galego, abordáronse xa na orde do día asuntos de especial relevancia.
 
Ver máis
25-01-2019 -
25-01-2019 -
Fene ao día

O Concello conclúe os traballos de protección da marxe do río Cádavo

O alcalde, Gumersindo Galego, informou esta mañá do remate das obras de protección da marxe do río Cádavo, en Perlío, que contemplaron a construción da canalización do cauce, así como dun muro de contención en pedra e da beirarrúa que delimita o paso, o aglomerado e pintado do vial, a instalación dunha varanda de seguridade e a mellora da iluminación coa colocación de farolas con tecnoloxía LED.
 
Ver máis
25-01-2019 -
25-01-2019 -
Deporte

VII Trofeo de Baile Deportivo Concello de Fene este domingo no pavillón de A Xunqueira

O pavillón de A Xunqueira, en San Valentín, acollerá este domingo 27 de xaneiro a VII edición do Trofeo de Baile Deportivo Concello de Fene. Celebrarase en horario de 11 a 20,30 coa participación duns 300 bailaríns e bailarinas -90 parellas e 6 grupos de danza coreográfica-. Nenos e nenas a partir de 4 anos e adultos. Trátase dunha competición puntuable para o ránking nacional e autonómico, e probas Open Internacional e nela tomarán parte campións e subcampións de España de Baile Deportivo. Así mesmo, acudirán a Fene parellas de toda Galicia e doutros puntos do territorio nacional e, na proba internacional, contarase coa presenza de parellas de Portugal.
Ver máis
24-01-2019 -
24-01-2019 -
Benestar e igualdade

O Concello activa nos coles obradoiros para fomentar o uso responsable das TICs Celebraranse en xaneiro e febreiro, baixo o título “Desenrédate!”

A Concellería de Benestar Social e Igualdade que dirixe a concelleira Juana Barro vén de poñer en marcha nos centros educativos de Fene unha serie de obradoiros para fomentar o uso responsable das novas tecnoloxías baixo o título “Desenrédate! Prevención de adiccións e bo uso das TIC”. Comezaron este mes de xaneiro e prolongaranse ata febreiro. En concreto, os centros educativos acollidos ao programa son o CPI Xunqueira (11 e 18 de xaneiro e 1 de febreiro); CEIP Centieiras (23 de xaneiro e 6 de febreiro); Jorge Juan (24 e 31 de xaneiro); IES Fene (8 de febreiro) e CEIP O Ramo (12 de febreiro). Así mesmo, como complemento das sesións co alumnado tamén están previstas sesións para as familias naqueles centros escolares nos que exista demanda e se reúna a un grupo superior ás dez persoas.
Ver máis
24-01-2019 -
24-01-2019 -
Fene ao día

O Concello abre o prazo para solicitar as bonificacións nos recibos de IBI, rodaxe e lixo

O Concello de Fene vén de abrir o prazo para solicitar as bonificacións aprobadas recentemente nos recibos do Imposto de Bens Inmobles (IBI); Imposto de Vehículos de tracción mecánica (rodaxe) e Recollida de Residuos Sólidos Urbanos (lixo). Así, os veciños e veciñas interesados poden presentar a solicitude na primeira planta da Casa do Concello, onde se lles informará pormenorizadamente da documentación que deben presentar, ou ben en calquera das oficinas de Xestión Tributaria da Deputación provincial da Coruña, sitas en Narón, Ferrol ou A Coruña.
Ver máis
23-01-2019 -
23-01-2019 -
Fene ao día

Novos berces Montessori para os pequenos e pequenas da Escola Infantil de Perlío

O Concello de Fene dotou de novos berces á Escola Infantil de Perlío. Uns berces Montessori deseñados a partir dos bocetos trasladados polas educadoras do centro e baseados no modelo educativo ideado pola educadora e médica María Montessori para promover a autonomía dos máis pequenos e pequenas. Unhas infraestruturas ás que poden acceder eles mesmos para conciliar o sono cando así o precisen.
Ver máis
22-01-2019 -
22-01-2019 -
Fene ao día

O Concello completa a poda e saneado de 118 árbores en diferentes parques da cidade

O Concello de Fene, a través da Concellería de Servizos, vén de completar os traballos de poda de 118 árbores sitos en diferentes espazos públicos da cidade. Máis concretamente, no parque Rosalía, no parque Blanco Amor, no parque de Seguridade Vial de Barallobre, nas Vivendas de Sillobre e na Torre.
Ver máis
18-01-2019 -
18-01-2019 -
Deporte

O Concello de Fene recupera unha parcela en desuso de 5.000 m2 para habilitar un circuito de cross único na comarca

Fene contará antes de que remate o mes de xaneiro cun circuito de cross duns 5.000 metros cadrados único na comarca. Así o avanzou o concelleiro de Deportes, Xoán Manuel Bastida, tras o inicio das obras de acondicionamento da zona. A parcela, de titularidade municipal, está emprazada nas inmediacións do IES de Fene, en Barallobre, e linda coas recén recuperadas pistas de atletismo. Unha e outra infraestructura estarán conectadas e sumarán uns 12.500 metros cadrados para a práctica deportiva no Concello.
Ver máis
17-01-2019 -
17-01-2019 -
Fene ao día

O Concello executa as obras para acabar coas inundacións no peirao de Barallobre

O alcalde de Fene, Gumersindo Galego, informou do inicio dos traballos para dar solución aos recurrentes anegamentos rexistrados en vivendas da zona baixa da Ribeiroa, no peirao de Baralllobre. As obras, orzamentadas nuns 9.000 euros, contemplan a renovación das canalizacións nun tramo de 10 metros e prevese que estén concluídos este mesmo mes.
Ver máis
14-01-2019 -
14-01-2019 -
Fene ao día

A unidade móbil de doazón de sangue desprázase a Fene este xoves

A unidade móbil de doazón de sangue desprazarase este xoves, 17 de xaneiro, a Fene. Permanecerá diante do centro de saúde en horario de mañá –de 9,30 a 14,30 h- e de tarde –de 15,30 a 21 h- e, dende o Concello, anímase á veciñanza a tomar parte na campaña de doazón.
Ver máis
1 2 ...158 159 160161 162 ...319 320 >>