O Concello de Fene, a través da Concellería de Promoción Económica, organiza este sábado, 27 de abril, a tradicional Xuntanza de Palilleiras e outras labores tradicionais. A día de hoxe, máis de 400 palilleiras de diferentes localidades da xeografía galega teñen confirmada a súa asistencia á cita, que dará comezo ás 10,30 horas coa apertura do pavillón da Xunqueira, en San Valentín, e a recepción aos participantes. Así mesmo, a inauguración da xuntanza está prevista para as 11,30 horas e, a partir dese momento, o público asistente poderá comprobar a depurada técnica e traballo de palilleiras de todas as idades.
