Novas

06-11-2018 -
06-11-2018 -
Benestar e igualdade

Teatro e fotografía para concienciar sobre a situación das persoas refuxiadas no IES de Fene

O IES de Fene acollerá ó longo desta semana unha exposición fotográfica e mais unha obra de teatro para concienciar sobre a difícil situación das persoas refuxiadas. As actividades encádranse no plan de sensibilización promovido polo Fondo Galego de Cooperación e Solidariedade, entidade da que é socio o Concello de Fene.
Ver máis
05-11-2018 -
05-11-2018 -
Fene ao día

Arrancan as obras de mellora do firme e sinalización no polígono de Vilar do Colo

Os Concellos de Cabanas e Fene iniciaron estes días unha actuación conxunta de mellora da rede viaria no polígono industrial de Vilar do Colo. Unha intervención adxudicada nuns 100.000 euros que os dous concellos financiarán ó 95% cunha achega procedente da Consellería de Economía.
Ver máis
02-11-2018 -
02-11-2018 -
Fene ao día

O Concello investirá uns 80.000 euros en obras na fachada do CPI A Xunqueira e nos vestiarios do campo dos Pinares

Tras conseguir deixar a cero a débeda bancaria, o Concello de Fene está en disposición de recurrir ó superávit para financiar obras e actuacións demandadas pola veciñanza. Con este obxectivo, o goberno local integrado por PP e Somos Fene levaba ó pleno do pasado mércores unha modificación de crédito que permitirá dotar de orzamento unha serie de actuacións en materia de obras e adquisición de equipamento.
Ver máis
02-11-2018 -
02-11-2018 -
Fene ao día

O Concello dá vía libre á licitación das obras para cubrir a pista deportiva do CEIP Centieiras e aglomerar a rúa Porto do Río

As obras para cubrir a pista deportiva do CEIP Centieiras e para acondicionar a rúa Porto do Río superaron o último trámite administrativo previo á súa licitación. O pleno, reunido o mércores pola tarde, daba o seu visto bo á proposta do goberno municipal que integran PP e Somos Fene para declarar ambas intervencións, como marca o procedemento, investimentos financieramente sustentables.
Ver máis
31-10-2018 -
31-10-2018 -
Museo do Humor Xaquín Marín

O Concello de Fene convida á veciñanza ó ciclo de monólogos "Novembro, mes do humor"

A concelleira de Cultura, Rocío Bértoa, avanzou esta mañá a posta en marcha do ciclo de monólogos "Novembro, mes do humor". Un ciclo que comezará este venres coa actuación do dúo Aldaolado e que terá continuidade nos seguintes venres de mes con monólogos de Marcos Pereiro, Carmen Méndez, Caxoto e Federico Pérez. Coma en anos anteriores, as entradas serán balde pero con necesaria retirada de convite.
Ver máis
30-10-2018 -
30-10-2018 -
Museo do Humor Xaquín Marín

A Casa da Cultura acolle este mércores a presentación do catálogo da exposición "Cerámicas Pérez Porto"

Francisco Pérez Porto presentará este mércores, 31 de outubro, o catálogo da exposición "Cerámicas Pérez Porto". Será a partir das 20 horas na Casa da Cultura de Fene e no acto estará acompañado polo editor e xestor cultural Pedro Blanco Llano e polo alcalde de Fene, Gumersindo Galego. Trátase dun acto con entrada libre, ó que está convidada toda a veciñanza, que recibirá un exemplar do catálogo.
Ver máis
29-10-2018 -
29-10-2018 -
Fene ao día

Ampliación de horarios e servizo especial de transporte ó cemiterio municipal con motivo do Día de Todos os Santos e Día de Defuntos

Con motivo do Día de Todos os Santos e o Día de Defuntos, o Concello de Fene informa da ampliación de horarios do cemiterio municipal, así como a posta en marcha dun servizo de transporte especial. En primeiro lugar, o camposanto permanecerá aberto o 1 e 2 de novembro, xoves e venres, de 8 a 22 horas, de forma ininterrompida. Así mesmo, o xoves día 1, infórmase que se oficiará unha misa ás 18 horas na capela sita no interior do recinto.
Ver máis
25-10-2018 -
25-10-2018 -
Benestar e igualdade

Obradoiro para a prevención da violencia de xénero no CEIP A Xunqueira

No marco da programación do 25 de Novembro, “Día Internacional para a eliminación da Violencia contra as Mulleres”, o Concello de Fene informa de que mañá venres, 26 de outubro, impartirase no CEIP A Xunqueira o Obradoiro para a prevención da violencia de xénero “Nas TIC Mandas Ti”.
Ver máis
25-10-2018 -
25-10-2018 -
Benestar e igualdade

Aberta a inscrición no curso gratuíto Xuntos nos coidados para familiares a cargo de persoas con alzheimer

 A aula de Formación do Centro de Servizos Sociais de Fene acollerá os días 6 e 8 de novembro o curso “Xuntos nos coidados”. Unha acción formativa dirixida a familiares ao coidado de persoas con alzheimer ou outro tipo de demencias organizada pola Federación Alzheimer Galicia en colaboración coa Consellería de Política Social da Xunta de Galicia, o Concello de Fene e AFAL Ferrolterra. A participación é gratuíta e as prazas limitadas, polo que as persoas interesadas en tomar parte poden anotarse na asociación (rúa Río Castro, 43-45 baixo Ferrol) ou chamando ao teléfono 981 37 06 92.
Ver máis
24-10-2018 -
24-10-2018 -
Museo do Humor Xaquín Marín

O Museo do Humor acollerá este venres a entrega dos Premios Curuxa 2018 e o monólogo de José Luis Gutiérrez "Guti"

Fernando Iglesias Mouta, “Kohell” (1º premio na categoría Curuxa), Manuel Arriaga de León (2º premio na categoría Curuxa), Ana Martínez Fernández (1º premio na categoría Curuxa Nova) e Cristian Fojón Caruncho (2º premio na categoría Curuxa Nova) recibirán este venres, 26 de outubro, os galardóns que os acreditan como gañadores dos Premios Curuxa 2018. Será nun acto no Museo do Humor que arrancará ás 19 horas, presidido polo alcalde, Gumersindo Galego, coa recepción ós gañadores e finalistas do certame. Así mesmo, e con entrada libre, ás 20 horas procederase á entrega dos premios ós nomeados gañadores e dos diplomas ós/ás finalistas do certame: Beatriz Rodríguez, Helena Fernández, Antía González, Antón Agra, Miguel Bouzas, Alejandro Viñuela e Marta Picallo.
Ver máis
1 2 ...168 169 170171 172 ...322 323 >>