Novas

04-03-2018 -

04-03-2018 -

Benestar e igualdade

Actos conmemorativos 8 Marzo, "Día Internacional da Muller"

A Concellería de Benestar Social e Igualdade, a través do Servizo Municipal de Atención á Muller e Promoción da Igualdade invita a toda a cidadanía a participar nos actos que terán lugar no Concello de Fene co gallo da conmemoración do “Día Internacional da Muller”.

02-03-2018 -

02-03-2018 -

Museo do Humor Xaquín Marín

A exposición "A mar a mares", da sección de fotografía do Grupo Bazán, amósase en marzo en Fene

“A mar a mares” poderase visitar do martes 6 de marzo ao luns 2 de abril de 2018 na sala de exposicións temporais da Casa da Cultura. Horario: de luns a venres, de 10.00 a 13.00 horas e de 16.00 a 21.00 horas, e sábados, de 10.00 a 13.00 horas.

28-02-2018 -

28-02-2018 -

Fene ao día

O Concello licita a reparación do camiño do Cádavo ás Chancas e outras tres pistas da rede municipal

O Concello de Fene ten en marcha os procesos de contratación de dous proxectos de mellora da rede viaria incluídos no POS+ provincial de 2017. O primeiro deles servirá para reparar as infraestruturas soterradas e aglomerar un tramo de 235 metros entre a rúa Río Cádavo e a das Chancas, en Perlío, mentres que o segundo programa de obras abrangue o amaño do Camiño de Mundín -tamén en Perlío-, da Rúa Unión -Maniños- e do Camiño de Lourenzá, que comunica en Limodre a estrada de Cabanas coa de Redes. O total económico de ambos proxectos ascende a algo máis de 146.000 euros.

28-02-2018 -

28-02-2018 -

Deporte

A selección galega chama a porta do Clube Atletismo Fene

A Federación Galega de Atletismo ven de publicar os nomes dos atletas que defenderán a selección galega no Campionato de España de campo a través o próximo 11 de marzo en Mérida.

27-02-2018 -

27-02-2018 -

Fene ao día

O Concello entrégalle un desfibrilador á Agrupación de Protección Civil

A Agrupación de persoas voluntarias de Protección Civil de Fene recibiu esta mañá de mans do alcalde, Juventino Trigo, un equipo desfibrilador externo automático (DESA) doado pola Xunta de Galicia.

26-02-2018 -

26-02-2018 -

Fene ao día

Ti das o tipo. Doa Sangue

Hoxe luns 26 de febreiro achégate a San Valentín e doa sangue. Unha unidade móbil da Axencia de Doazón de Órganos e Sangue de Galicia (ADOS) estará aparcada diante da farmacia en horario de 15.30 h a 21.00 h.

22-02-2018 -

22-02-2018 -

Fene ao día

A Comunidade de Montes de Marraxón, Sillobre, conmemorará o Día da Árbore cunha plantación de 100 castiñeiros no Coto do Rei

Este venres, 23 de febreiro ás 10 da maña, a Comunidade de Montes de Marraxón de Sillobre conmemorará o Día da Árbore cunha plantación de 100 castiñeiros no Coto do Rei, nas inmediacións dos Asentos Máis Duros Do Mundo.

21-02-2018 -

21-02-2018 -

Fene ao día

Fene Mar Vivo

O xoves 22 de febreiro a Rede Fene Mar Vivo realizará a súa primeira xuntanza no Salón de Plenos municipal ás 20.00 h
A convocatoria fixada para este xoves vai dirixida a aloxamentos, restaurantes, empresas de actividades, asociacións culturais ou veciñais, e calquera persoa que estea interesada en participar na rede, xa sexa para achegar a súa experiencia ou para propor ideas e inquedanzas susceptibles de ser incorporadas ás liñas de traballo.

19-02-2018 -

19-02-2018 -

Benestar e igualdade

O programa para persoas maiores “Tardes Activas” inicia os seus obradoiros itinerantes ao longo desta semana

Tardes Activas é un proxecto incluído no programa de Envellecemento activo que vén desenvolvendo a Concellaría de Benestar Social e Igualdade de Fene, co obxectivo de que as persoas que xa están na madureza poidan encher parte do seu tempo libre con actividades encamiñadas a manter esperta a cabeza. O programa é itinerante e prolongarase desde esta semana até o mes de decembro con propostas centradas na memoria, pero tamén no coñecemento do municipio, xa que nun dos obradoiros os avós e avoas deseñarán rutas turísticas que despois percorrerán facendo de guías para o alumnado dos centros de ensino. Todas as sesións irán comezando nos distintos locais sociais do territorio durante esta semana.

16-02-2018 -

16-02-2018 -

Fene ao día

Visita a Navantia Fene do Obradoiro de emprego INICIA II

A directora e o alumnado traballador do Obradoiro de emprego de garantía xuvenil INICIA II, na especialidade de “Fabricación e montaxe de instalacións de tubaxe industrial”, visitaron onte as instalacións de Navantia Fene (antiga ASTANO)