A violencia machista é unha realidade vixente e firmemente arraigada na nosa sociedade. Ten a súa orixe nas relacións de poder e desigualdade existentes entre homes e mulleres, respaldada por unha organización social asentada no patriarcado. Este é un problema estrutural e multidimensional, que afecta a mulleres de todas as idades e culturas do mundo e, polo tanto, esixe un compromiso de todos os sectores sociais e políticos, como símbolo da responsabilidade compartida real, firme e activa.
