A Concellaría de Benestar Social e Igualdade, a través do Servizo Municipal de Atención á Muller e Promoción da Igualdade do Concello de Fene, porá en marcha hoxe luns 28 de novembro as “Pintadas pola igualdade e contra a violencia machista”, continuando coa programación do 25 de novembro, Día internacional da eliminación da violencia contra da Muller. Na iniciativa participan os centros de ensino locais e con ela preténdese sementar as principais rúas do municipio con mensaxes reivindicativas dunha sociedade igualitaria e libre das agresións de todo tipo que sofre a muller polo feito de ser muller.
