O Concello de Fene finalizou hai escasos días o proceso de implantación da nova plataforma de xestión do seu arquivo. Trátase dunha ferramenta que permite organizar a inxente cantidade de información xerada pola administración local -expedientes, actas, documentación histórica, etc.- tanto en soporte físico como dixital. Ademais, o aplicativo axústase á normativa arquivística internacional, co que se facilitará o intercambio documental con outras administracións e institucións e mesmo o acceso aos fondos públicos por parte da veciñanza.
