A Concellaría de Benestar Social e Igualdade, a través do Servizo Municipal de Atención á Muller e Promoción da Igualdade, convida a toda a poboación ao Acto Central para conmemorar o “Día Internacional Para a Eliminación da Violencia Contra as Mulleres” que terá lugar esta tarde a partir das 17:00 h na zona comercial da Avenida Marqués de Figueroa de Perlío, e que rematará sobre as 19:00 h. na Praza Verde, coa lectura do Manifesto Institucional a cargo de Mª Carmen Martínez Rodríguez, concelleira de Igualdade, e coa participación dos grupos políticos municipais.
