A Concellería de Cultura do Concello de Fene lembra que ata o vindeiro 15 de novembro poden solicitarse visitas guiadas para grupos (escolas, asociacións, etc) á exposición “O humor do país”, de Luís Davila, que se amosa no Museo do Humor de Fene (Avda. de Conces, 20-22, Fene). As visitas guiadas realizaranse de luns a venres en horario de mañá, podendo complementarse cun percorrido pola exposición permanente do Museo do Humor. Custe da actividade: gratuito.
