A Casa da Cultura de Fene acolle este venres ás 20 horas un concerto do grupo Xardín Desordenado, con Marlene Rodrigues (voz), Santiago Ferragud (voz e guitarra) e Isaac Garabatos (guitarra). O recital, organizado pola Concellería de Cultura e Ensino, incluirá poemas musicados de diversas escritoras galegas -dende Rosalía de Castro a Marica Campo, Luz Pichel ou Marta Dacosta- pero tamén cancións do programa “Manuel María entre amigos”, sobre o autor das letras galegas do presente ano. A entrada ao concerto será de balde ata completar o aforo.
