O Concello de Fene e o movemento asociativo do termo municipal conflúen un ano máis na conmemoración do Día das Letras Galegas, “data consagrada á exaltación e promoción da nosa literatura e da nosa lingua”.
O 2016 ademais de ser o Ano Manuel María é o centenario das Irmandades da Fala e o Ano Castelao. Para conmemorar estas efemérides a Concellería de Cultura e Ensino difunde o programa "Maio, mes das Letras" a través dun folleto que ven de ser distribuido polas oito parroquias de Fene. O programa inclúe, ademais de conferencias, recitais poéticos, actuacións musicais, exhibicións de danza, exposicións, representacións teatrais, excursións, etc., dende este sábado ata o sábado 28 de maio.
