O 20 de marzo de 1963, coincidindo co centenario da publicación de Cantares Gallegos, de Rosalía de Castro, os académicos de número Francisco Fernández del Riego, Manuel Gómez Román e Xesús Ferro Couselo propuxeron á Real Academia Galega a celebración, o 17 de maio, do “Día das Letras Galegas”, como data consagrada á exaltación e promoción da nosa literatura e da nosa lingua. Neste 2016, a Academia dedica o “Día da Letras” a Manuel María, un dos poetas máis importantes da segunda metade do século XX.
