Novas

12-11-2015 -

O Concello de Fene e a sociedade de Agarimo organizan unha andaina nocturna coa Santa Compaña por Sillobre

Xa está aberto o prazo para apuntarse á marcha nocturna coa Santa Compaña que organizan a Concellería de Cultura e Ensino e a SCRD Agarimo de Sillobre para o sábado 21 de novembro. As persoas interesadas en participar deben anotarse antes do vindeiro xoves 19 de novembro no local de Agarimo, no teléfono 981 340 694 ou a través do enderezo electrónico agarimosillobre@gmail.com
12-11-2015 -

Acordo do tribunal para a creación dunha lista de aspirantes para futuras coberturas das prazas de conserxe

Publicado o anuncio do acordo do tribunal de selección do proceso selectivo para a creación dunha lista de aspirantes para futuras coberturas como funcionario/a interino/a das prazas de conserxe grupo: agrupacións profesionais; escala: administración especial; subescala: servizos especiais mediante o sistema de oposición libre
12-11-2015 -

Actividades mes de novembro contra a violencia machista en prol da igualdade

Dende a Concellaría de Benestar Social e Igualdade do Concello de Fene que dirixe Joaquín Ayala Garrido, a través do Servizo Municipal de Atención á Muller infórmase das actividades programadas este mes para conmemorar o 25 de novembro, Día Mundial contra a Violencia Machista.
12-11-2015 -

Taller presentación do libro "Pablo & Jane en la dimensión de los monstruos", de José Domingo, na Biblioteca Municipal

A biblioteca municipal Xosé María Pérez Parallé acollerá o vindeiro xoves 19 de novembro, ás 18 horas, un taller-presentación do novo libro do debuxante e ilustrador José Domingo "Pablo & Jane en la dimensión de los monstruos". Para participar nesta actividade, dirixida a nenos/as maiores de 7 anos e acompañantes, cómpre inscribirse previamente na biblioteca, no teléfono 981342302 (de luns a venres, de 16 a 21 horas, ou o sábado, de 10 a 13 horas) ou enviando un enderezo electrónico a fene.rbgalicia@eidolocal.es. Segundo informan dende a Concellería de Cultura e Ensino, será unha presentación "moi especial, orientada tanto @s pequen@s como @s maiores, con actividades e xogos derivados do propio libro".
11-11-2015 -

Nova sesión do obradoiro "Recuperación da memoria" no Centro Municipal de Servizos Sociais

Mañá mércores, 12 de novembro, realizarase o Obradoiro de “Recuperación da memoria” que contará con dous grupos: un grupo específico para as persoas con perdas de memoria e un grupo de apoio ás familias.
11-11-2015 -

O actor Luís Zahera no "Novembro do Humor" do Concello de Fene

A segunda sesión do ciclo “Novembro, Mes do Humor” trae este venres ao Museo do Humor de Fene ao coñecido actor e monologuista Luís Zahera co seu último espectáculo, “Chungo”. Nel, Zahera fai repaso en clave de humor das súas vivencias como actor e da traxectoria que o foi levando a interpretar “papeis de raro, de non moi listo e sempre de chungo”.
10-11-2015 -

Últimos días para anotarse no Obradoiro de Maquillaxe con feridas da "I Festa Zombie do Samín"

A actividade, organizada pola Concellería de Xuventude de Fene, está recomendada para persoas maiores de 6 anos
09-11-2015 -

Aberto o prazo de solicitude das axudas ás familias para a festividade de reis

Publicadas no BOP do 6 de novembro as bases que regulan a convocatoria do programa municipal de axudas ás familias para a festividade de Reis.
09-11-2015 -

O 11 de novembro remata o prazo de solicitude de subvencións, en réxime de concorrencia competitiva, a entidades sen fins de lucro

Tal e como vimos informando, publicáronse no BOP do 29 de outubro de 2015 as bases da convocatoria da concesión de subvencións, en réxime de concorrencia competitiva, a entidades sen fins de lucro para actividades desenvolvidas durante o ano 2014.
09-11-2015 -

Curuxa do Humor para o debuxante Manuel Arriaga de León

A entrega do premio coincidiu co comezo do ciclo “Novembro, Mes do Humor” que o próximo venres trae a Fene ao coñecido actor Luís Zahera