O gaiteiro Daniel Bellón e o acordeonista Diego Maceiras presentan este sábado o seu terceiro disco, “Ten10”, un traballo co que conmemoran o seu décimo aniversario do dúo. Precisamente, dez anos despois da súa primeira actuación en Fene, o dúo Bellón&Maceiras actuará mañá sábado, 5 de decembro, na SCRD Agarimo de Sillobre a partir das 20 horas. A entrada ao concerto, que organiza a Concellería de Cultura e Ensino, será de balde ata completar o aforo.
