A Concellería de Medio Ambiente de Fene, en colaboración co Concello de Neda, a asociación Los Delfines e a empresa Tragsa, participou o pasado sábado nunha xornada de limpeza das beiras do río Belelle. A inciativa, que consistiu no desbroce de maleza e recollida de lixo, centrouse fundamentalmente nos treitos do río que abranguen dende a Fervenza cara o mirador, no Concello de Fene, e inmediacións do merendoiro, no Concello de Neda. Traballadores do Concello continuaron coa limpeza das beiras do Belelle ao longo desta semana.
