Coincidindo coa conmemoración do Día dos Museos, o vindeiro mércores 18 de maio comeza no Museo do Humor de Fene o ciclo “Música con retranca”, organizado pola Concellería de Cultura e Ensino de Fene coa colaboración da Xunta de Galicia (Cultura no Camiño). O programa inclúe catro espectáculos que se caracterizan por combinar música e humor. Na primeira xornada, o mércores 18 de maio, actuará o grupo “De Vacas”. O venres 20 de maio subirá ao escenario da Casa da Cultura de Fene o dúo formado por Lucía Aldao e María Lado, “Aldaolado”, e no seguinte venres, o 27 deste mes, os protagonistas serán “Os da ría”. O ciclo pecharase o venres 3 de xuño co espectáculo de cabaré “Lilí Berlín”.
