O concello de Fene dende a Área de Benestar Social e Igualdade, leva a cabo o proxecto “De peques a maiores: compartindo espazos”, no que se enmarcan os programa de ESPAZOS COMPARTIDOS e SUMA E SEGUE, subvencionado pola Deputación da Coruña.
Cento trinta parellas tomarán parte este domingo 24 de xaneiro no IV Trofeo de baile deportivo “Concello de Fene” que se celebrará a partir das 11:00 no pavillón polideportivo A Xunqueira de San Valentín. As entradas poderán adquirirse o mesmo día do torneo na taquilla do pavillón e terán un custe de 6 euros, sendo gratis para os nenos e nenas menores de 10 anos.
Achégate hoxe venres 22 de xaneiro, de 16.30h a 18:30h á Asociación de Veciños de Perlío. O grupo de 11 a 16 anos ten organizada para esta xornada actividades relacionadas con música, xogos, manualidades e moito máis.
Coa lectura do conto “Unha manchea de bicos” aos nenos/as de Infantil e primeiro de Primaria, a inspectora de Educación, Elena Urtiaga, abriu esta mañá no CEIP Centieiras de Fene o programa “Contamos”, iniciativa promovida pola dirección e o claustro deste centro coa que se pretende “abrir o colexio á comunidade educativa e estreitar lazos coas institucións e sociedades”.
As instalacións do CCRD de Perlío acollerán o vindeiro luns, 8 de febreiro, a partir das 18:00 h, un obradoiro de “Cociña Entroideira” impartido por 2 monitores/as.
O Fondo Galego de Cooperación e Solidariedade cofinancia con 25.000 euros un proxecto en Mozambique para que as mulleres embarazadas empreguen os servizos de saúde, antes, durante e despois do parto, superando as barreiras socioculturais. A actuación execútase da man da Fundaçao Encontro.
Abrir o centro á comunidade educativa, estreitar lazos coas institucións e sociedades e propiciar “que o colexio e o seu alumnado sexan tidos en conta na ampla comunidade educativa” son os principais obxectivos do programa “Contamos” que este venres comeza no CEIP Centieiras de Fene. O proxecto, impulsado pola dirección e o claustro do colexio, contará na súa primeira sesión coa participación do alcalde de Fene, Juventino Trigo, e da inspectora de Educación, Elena Urtiaga.
A concelleira de Cultura e Ensino, Amalia García Balado, informou da apertura do prazo de inscrición nos actos e da publicación das bases que rexerán as axudas.
