O sábado 5 de Setembro o Concello de Fene, en colaboración coas sociedades, organiza a II Festa Mariñeira de Fene nos peiraos de Barallobre e de Maniños. Nesta segunda edición son dez as sociedades de Fene as que ofrecerán diferentes pratos de degustación de mariscos da ría en colaboración coa Cofradía de Barallobre e PescadeRías. Entre eles ofreceránse as seguintes preparacións: ameixas á mariñeira,fabas con ameixas, chocos da ría con arroz, berberechos, mexilóns de Lorbé ao vapor ou en salsa…
