Novas

21-03-2024 -
21-03-2024 -
Cultura

Este venres cambia o horario da Biblioteca, Museo do Humor Xaquín Marín e Casa da Cultura de Fene

Coa chegada Semana Santa, a Concellería de Cultura informa do cambio de horario da Casa da Cultura de Fene (Biblioteca Municipal, aula de estudo, Museo do Humor Xaquín Marín e sala de exposicións temporais) que coincidirá, como é habitual, co comezo das vacacións escolares. Así, dende o venres 22 de marzo e até o vindeiro 1 de abril, o horario da instalación será de luns a venres, de 10.00 a 14.15 horas. Os sábados, domingos e festivos, a Casa da Cultura de Fene permanecerá pechada.
Ver máis
20-03-2024 -
20-03-2024 -
Cultura

Nova sesión do Club de lectura da Biblioteca Municipal Xosemaría Pérez Parallé

Con máis de sesenta mil exemplares vendidos da súa obra e co recente Premio Xerais acadado pola súa última novela, Nadie contará la verdad, o autor Pedro Feijoo consolídase coma un dos autores máis sólidos da narrativa galega. E esta tarde, de 18.00 a 19.30 horas será o protagonista dunha nova sesión do Club de Lectura da Biblioteca Municipal de Fene.
Ver máis
20-03-2024 -
20-03-2024 -
Fene ao día

Concentración de condea e rexeitamento polo asesinato por violencia machista en Ribeira

Dende a Concellaría de Benestar e Igualdade do Concello de Fene, convócase para hoxe mércores 20 marzo ao persoal do Concello, ao persoal político e a todas as persoas que desexen unirse, a unha concentración silenciosa ás 12:00 h na porta da Casa do Concello para manifestar públicamente a condea e rexeitamento polo ASASINATO POR VIOLENCIA MACHISTA DE ANDREA YTURRY ALAVE de 25 anos e veciña de Ribeira.

Agradecemos de antemán a vosa asistencia como xesto de condea, repulsa e solidariedade.
Ver máis
19-03-2024 -
19-03-2024 -
Fene ao día

Fene conclúe os traballos de mellora na Rúa do Campanario

O Concello de Fene concluíu os traballos de incremento da sección de paso e a mellora na drenaxe na Rúa do Campanario, na parroquia de Limodre. Unhas actuacións que afectaron a 300 metros da pista que une a entidade de poboación do Campanario coa estrada provincial DP-3501.
Ver máis
18-03-2024 -
18-03-2024 -
Fene ao día

Medio Ambiente pon en marcha unha campaña informativa sobre o trampeo de velutinas

Stop Vespa Velutina. Baixo este lema, comeza a campaña da Concellería de Medio Ambiente de Fene para concienciar á veciñanza sobre a importancia de iniciar nestas datas o trampeo das novas raíñas fundadoras (xa que cada raíña cazada supón un niño evitado). E nesta época, ao redor da primavera é fundamental xa que, desde principios de marzo até o mes de maio, é cando as raíñas empezan paulatinamente a espertar da súa hibernación e comezan a súa actividade.
Ver máis
15-03-2024 -
15-03-2024 -
Benestar e igualdade

Impacto do uso precoz de pantallas no desenvolvemento do cerebro

O vindeiro luns, 18 de marzo, a Casa da Cultura de Fene acollerá a sesión “ O impacto do uso precoz de pantallas no desenvolvemento do cerebro”.

Para facilitar a asitencia das familias contamos, como xa ven sendo habitual nestas sesións, cun servizo de conciliación* que require inscrición previa.
Ver máis
14-03-2024 -
14-03-2024 -
Deporte

Máis de douscentos bailaríns tomarán parte este domingo no XI Trofeo de Baile Deportivo Concello de Fene

Volve unha das probas de baile deportivo máis importantes e consolidadas da tempada. O XI Trofeo de Baile Deportivo Concello de Fene celebrarase este domingo no pavillón de San Valentín co aliciente de ser a primeira proba puntuable do ranking nacional en Galicia. A competición iniciarase ás dez da mañá e desenvolverase durante toda a xornada, contando con 4 especialidades recoñecidas pola Federación: Standard/Latino, Single, Caribeños e Danza Coreográfica.
Ver máis
14-03-2024 -
14-03-2024 -
Benestar e igualdade

O concello ilumínase de amarelo o día da endometriose

O Concello de Fene tinguiuse de amarelo hoxe xoves 14 ao abeiro da conmemoración do Día Mundial da Endometriose. Deste xeito, a institución súmase ás reivindicacións de querENDO,  para conmemorar esta data e darlles visibilidade a todas aquelas que a padecen.
Ver máis
13-03-2024 -
13-03-2024 -
Cultura

Presentación de Cinza na Casa da Cultura de Fene

O ilustrador e editor de Demo Editorial, Manel Cráneo, e o escritor Xavier Alcalá, volven a Fene este venres para presentar na Casa da Cultura Cinza, novela gráfica inspirada na obra de Alcalá A nosa cinza. O acto, organizado pola Concellería de Cultura, comezará o venres ás 19.30 horas, con entrada libre e de balde até completar o aforo.
Ver máis
13-03-2024 -
13-03-2024 -
Fene ao día

A terceira charla da Escola de Hábitos Saudables abordará este venres os mitos sobre unha alimentación saudable

A Casa da Cultura de Fene acollerá este venres 15 de marzo, ás 12 horas, unha nova charla da “Escola de Hábitos Saudables” que organizan o Centro de Saúde de Fene e as Unidades de Apoio Nutricional de Atención Primaria en Ferrol, coa colaboración da Asociación Oncohematolóxica Por Máis Vida e do Concello de Fene. Nesta nova sesión, a dietista-nutricionista do Centro de Saúde de Fene Iria González falará sobre Mitos VS realidade sobre unha alimentación saudable. A entrada ao acto será libre e de balde até completar o aforo.
Ver máis
1 2 ...20 21 2223 24 ...321 322 >>