Novas

08-06-2023 -

08-06-2023 -

Museo do Humor Xaquín Marín

Entrega de premios do I Concurso de BD de Humor Demo Pequeno

Coincidindo coa conmemoración da semana dos museos en internet, tamén chamada Museum Week, o Museo do Humor Xaquín Marín e Demo Editorial entregan esta tarde en Fene os premios do I Concurso de BD de Humor “Demo Pequeno” que, nesta primeira edición, xirou en torno ao tema: “Galiza e a súa riqueza natural”. As obras presentadas ao certame e as gañadoras xa se poden ver na web museodohumor.fene.gal nunha exposición virtual. E no vindeiro mes de novembro, coincidindo co aniversario do museo, os debuxos gañadores formarán parte da exposición dos Premios Curuxa 2023.

07-06-2023 -

07-06-2023 -

Deporte

Reserva de prazas nas escolas deportivas 2023/2024

A Concellería de Deportes informa sobre o procedemento de reserva de prazas nas escolas deportivas municipais 2023/2024. Ésta tramitarase presencialmente no Pavillón A Xunqueira para alumnado matriculado no mes de XUÑO.

Os prazos son:

O alumnado de Fene poderá realizar a súa reserva entre o 12 e o 23 de xuño.
O alumnado de fóra de Fene e de Fene poderá realizar a súa reserva do 26 de xuño ao 5 de xullo.

As persoas interesadas poderán achegarse no seguinte horario de atención ao público, de luns a venres de 08:30 A 14:00 H e os mércores do mes de xuño 16:00 A 19:00 H.

06-06-2023 -

06-06-2023 -

Fene ao día

San Xoán e San Pedro 2023

O Concello de Fene abre o prazo de solicitude para a comunicación de fogueiras en terreos públicos e particulares para o San Xoán e San Pedro 2023.

05-06-2023 -

05-06-2023 -

Benestar e igualdade

O Concello de Fene e AFAL promoven dúas xornadas de formación sobre a Atención especializada no Alzhéimer e outras demencias

Serán os día 8 e 9 de xuño, na Casa da Cultura de Fene. A sesións tratarán aspectos como a aboradaxe terapéutica nas demencias e as mobilizacións e transferencia das persoas dependentes.

As persoas interesadas en asistir deberán de inscribirse previamente:
CENTRO MUNICIPAL DE SERVIZOS SOCIAIS DO CONCELLO DE FENE
R/ Avda. do Mar, bloque 1-baixo
15500 San Velentín-Fene
Teléfonos: 981492706/981342607

05-06-2023 -

05-06-2023 -

Benestar e igualdade

O Concello de Fene únese ao “apagón” para concienciar sobre o cambio climático

Unha ducia de concellos socios do Fondo Galego de Cooperación e Solidariedade únense este luns, 5 de xuño, ao apagón simbólico convocado pola entidade con motivo da conmemoración do Día Mundial do Medio Ambiente, que este ano se centra na contaminación por plásticos. Así, hoxe, a partir das 23 horas, suspenderase a iluminación pública de consistorios, prazas, torres e outros monumentos co fin de concienciar sobre o consumo de enerxía. A acción encádrase no proxecto europeo People and Planet, que implica á mocidade e aos gobernos locais na loita contra o cambio climático. No caso do Concello de Fene, o apagón afectará á Praza do alcalde Ramón José Souto González a partir das once da noite.

05-06-2023 -

05-06-2023 -

Benestar e igualdade

Concentración de condea e rexeitamento polo asesinato por violencia machista en Oia

Dende a Concellaría de Benestar e Igualdade do Concello de Fene, convócase para hoxe luns 5 de xuño de 2023 ao persoal do Concello, ao persoal político e a todas as persoas que desexen unirse, a unha concentración silenciosa ás 12:00 h na porta da Casa do Concello para manifestar públicamente a condea e rexeitamento polo ASASINATO POR VIOLENCIA MACHISTA DE ANA VANESSA SERÉN de 44 anos e veciña de Oia (Pontevedra)
Ana Vanessa foi violentamente asasinada pola súa ex parella, Víctor G.D., este sábado no seu lugar de traballo no municipio pontevedrés de Oia en presenza de varios menores que xogaban preto do lugar, pagando coa súa vida a discriminación e a desigualdade que padecemos todas as mulleres polo mero feito de ser mulleres.

Ana Vanessa é a segunda vítima mortal da violencia machista en Galicia no 2023 sendo 21 as mulleres asasinadas en España no que levamos de ano (Fonte: MInisterio de Igualdade)
Agradecemos de antemán a vosa asistencia como xesto de condea, repulsa e solidariedade.

02-06-2023 -

02-06-2023 -

Cultura

O luns 5 de xuño abre o prazo de matriculación provisional para o Verán Máis Alá 2023 de Fene

Programa dirixido ao alumnado escolarizado en educación infantil e primaria nado entre os anos 2011 e 2019 (idades de referencia de 3 a 12 anos) e desenvolverase nas instalacións do CEIP de Centieiras do 3 ao 28 de xullo en horario de 8:00 a 14:30 h. Para participar cómpre ser veciño/a de Fene (empadroado/a en Fene) ou acreditar ter estado escolarizado/a nun centro de ensino do concello ao longo do presente curso escolar. Ademais, novamente, o criterio de selección non será o da orde de inscrición senón a situación socio-laboral das familias.
Para facer a matrícula provisional, cómpre achegar a documentación do 5 ao 7 de xuño ambos inclusive por medios telemáticos ou presencialmente para aquelas persoas que obtiveran a cita previa nestes días.
Ás 14.00 horas do 9 de xuño, se publicará na web a relación coa Matrícula Definitiva en Verán máis alá!

01-06-2023 -

01-06-2023 -

Benestar e igualdade

O papel da familia na prevención das adiccións

Aínda podes inscribirte na xornada sobre o papel da familia na prevención das adiccións que se desenvolverá o vindeiro mércores día 7 de xuño ás 18.30 h na Casa da Cutura de Fene.

Xornada enmarcada no programa familiar “Máis que un teito”, subvencionado pola Consellería de Sanidade e promovidas polo concello de Fene e a agrupación de concellos de Mugardos e Neda; encamiñadas a sensibilizar, mellorar e complementar a información sobre a prevención familiar das condutas adictivas de maneira precisa e axeitada.

01-06-2023 -

01-06-2023 -

Cultura

Festival de fin de curso das Escolas Municipais de Música

As Escolas Municipais de Piano e Guitarra 2022/23 do Concello de Fene chegan ao seu fin. Por este motivo, a Concellería de Cultura organiza para este venres, 2 de xuño, o festival de clausura de ámbalas dúas actividades ás que asistiron ao longo do presente curso escolar ao redor de 30 persoas. O certame comezará o venres ás 17 horas no salón de actos da Casa da Cultura de Fene e terá como protagonista ao alumnado infantil e xuvenil das devanditas escolas.

No decurso do Festival de Fin de Curso das Escolas de Música de Fene soarán temas clásicos e composicións tradicionais, todo un repertorio musical protagonizado polo alumnado da escola.

Actuación aberta ao público

30-05-2023 -

30-05-2023 -

Benestar e igualdade

A unidade móbil do programa “Coidados porta a porta” visitará Fene a mediados de xuño

As persoas maiores de 55 anos son as destinatarias do programa “Coidados porta a porta” da Consellería de Política Social da Xunta de Galicia que ten como obxectivo prestar gratuitamente distintos servizos como: prevención da xordeira (atención básica, informativa e de prevención); podoloxía (para a prevención, diagnóstico e tratamento das principais patoloxías dos pés como eliminación de durezas, control de unllas ou calosidades); e prevención do alzhéimer e outras demencias neurodexenerativas (probas de valoración cognitiva e estimulación da memoria). O prazo de solicitude de cita previa para beneficiarse destes servizos xa está aberto.