Novas

19-04-2023 -
19-04-2023 -
Deporte

O Concello de Fene construirá unha pista pump track en Perlío

O pump track é unha disciplina deportiva que nos últimos anos espertou un grande interese entre a mocidade, sobre todo nos ámbitos urbanos. Basicamente consiste nun circuíto que pode percorrerse en bicicleta ou patín utilizando unicamente o impulso do propio corpo, cun trazado que combina pequenas subidas e baixadas que permiten completalo entre saltos e viraxes espectaculares. O Concello de Fene deseñou unha destas pistas enfocada á iniciación e o nivel medio que se construirá en Perlío, nunha parte da parcela que ocupa actualmente o antigo circuíto de coches radio control. O investimento previsto ascende a 48.350 euros e o consistorio agarda cofinancialo cunha achega da Xunta para equipamentos deportivos.
Ver máis
18-04-2023 -
18-04-2023 -
Deporte

Xogando co atletismo

Ao redor de cincocentos rapaces e rapazas de 1º a 6º de primaria dos colexios A Xunqueira, O Ramo, Centieiras, Os Casais e Jorge Juan participarán, entre os días 18, 19 e 20 de abril, nas xornadas "Xogando co atletismo" que organiza a Concellería de Deportes de Fene.
A actividade esta a realizarse nas pistas de atletismo do Pazo, en Barallobre.
Ver máis
18-04-2023 -
18-04-2023 -
Museo do Humor Xaquín Marín

O Museo do Humor Xaquín Marín acolle este venres a presentación dun monográfico adicado ao debuxante fenés

A piques de facer 80 anos, Xaquín Marín é, sen dúbida, o humorista gráfico galego en activo de maior constancia das últimas décadas. “Cronista gráfico non oficial da Galicia popular dos últimos 50 anos”, o artista salienta pola súa “obra, con base no compromiso social e nos valores humanistas, que pode lerse como manual da nosa Historia máis recente, como unha viaxe retrospectiva pola nosa propia memoria colectiva como (im)país”. Así o define o seu fillo, Alexandre Marín -que en 2022 comisariou a exposición retrospectiva Volta á orixe- no monográfico X.Marín. O libro, que se presenta este venres en Fene, foi editado polo Museo do Humor coa colaboración da Consellería de Cultura, a través do programa de axudas destinadas a centros museísticos da Comunidade Autonóma de Galicia 2023. A presentación de X.Marín terá lugar no salón de actos da Casa da Cultura-Museo do Humor Xaquín Marín (Avda. de Conces, 20-22, Fene) este venres, 21 de abril, ás 20 horas, con entrada libre. 
Ver máis
17-04-2023 -
17-04-2023 -
Benestar e igualdade

Vacacións en paz 2023

O concello de Fene, dende a Área de Benestar Social e Igualdade, súmase un ano máis o proxecto VACACIÓNS EN PAZ da man da Asociación Galega Solidaridade co Pobo Saharaui.
Se estás interesada en ser familia acollledora podes contactar cós Servizos Sociais de Fene.
Se precisas información podes chamar ao teléfono da Asociación Solidaridade Galega co Pobo Saharauí no teléfono 986262637
Ver máis
17-04-2023 -
17-04-2023 -
Cultura

O ciclo Contando Ciencia aborda este xoves o cambio climático en Galicia

A meteoróloga e divulgadora científica Bea Hervella é a protagonista da penúltima sesión do Ciclo Contando Ciencia que organiza a Biblioteca “O Segrel do Penedo” do IES de Fene coa colaboración da Concellería de Ensino. A cita será o xoves, ás 19.30 horas, no salón de actos da Casa da Cultura con entrada libre e de balde até completar o aforo. O tema a tratar desta vez será o do “Cambio climático en Galicia”.
Ver máis
14-04-2023 -
14-04-2023 -
Fene ao día

Pitusa na lembranza

A SCRD O Pote de Maniños acolle este sábado un xantar popular en homenaxe á xornalista fenesa María Xesús Arias, “Pitusa”, falecida hai un ano. O encontro -organizado por amigos e familiares coa colaboración de Radio Fene, O Pote e Concello de Fene- completarase cun recitado de poesía, cartas de amizades, música, etc. Traballadora da emisora munipal do Concello de Fene, Pitusa foi unha das voces dos informativos e de A Fenestra de Radio Fene durante máis de tres décadas. Ademais foi autora de varias publicacións sobre a historia local: “Maniños no Pasado”, “Barallobre no Pasado”, "Perlío no Pasado" e "Fene vai de Antroido"; e coautora do cómic “Galiza acorda. Andrés de Barallobre”.
Ver máis
13-04-2023 -
13-04-2023 -
Fene ao día

O Concello de Fene habilita unha nova canle informativa a través do WhatsApp

Trátase dun novo servizo de difusión de novas de interese xeral para a veciñanza como actividades (culturais, deportivas, sociais...), bandos municipais, calendario fiscal, alertas ou situacións de emerxencia, convocatorias, incidencias ou avisos urxentes. A canle é unidireccional e non servirá para atender demandas, queixas ou suxerencias. Polo tanto, non se responderán mensaxes nin se atenderán chamadas neste número de teléfono. Para recibir a información proporcionada a través do novo servizo de Whatsapp do Concello de Fene, as persoas interesadas deberán gardar como contacto no seu dispositivo o número 648 913 528 e, a continuación, enviar un WhatsApp co texto “ALTA FENE”. Unha vez recibida a mensaxe de confirmación de alta no servizo, os usuarios/as comezarán a recibir as mensaxes, até un máximo de dúas ao día (a non ser que existan avisos urxentes). Se nalgún momento, algunha persoa quere darse de baixa, bastará con comunicalo seguindo o mesmo procedemento, enviando unha mensaxe ao WhatsApp co texto “BAIXA FENE”.
Ver máis
12-04-2023 -
12-04-2023 -
Cultura

A viaxe de volta de Bieito Cupeiro

A filla do mestre e escritor fenés Bieito Cupeiro (Barallobre, 1914 – Bos Aires, 1993) reuniuse esta mañá co alcalde de Fene, Juventino Trigo, e co concelleiro de Cultura, Justo Ardá, aos que solicitou a colaboración do Concello para que traer de volta e que repousen en Fene os restos mortais do seu pai. Aproveitando a súa estadía en Galicia, Marina Cupeiro achegouse a Fene para coñecer a terra natal do seu proxenitor e o paseo que leva o seu nome na ribeira de Barallobre. “O motivo da visita é saldar unha débeda pendente xa que o meu pai en vida non puido voltar e gustaríame que puidera descansar en paz na súa terra de orixe que tanto añorou porque a morriña o perseguiu toda a vida”, afirmou.
Ver máis
11-04-2023 -
11-04-2023 -
Fene ao día

Fene, capital do tapeo durante as tres primeiras fins de semana de maio

Os establecementos hostaleiros de todo o territorio fenés volverán ter unha oportunidade de lucir as súas habilidades culinarias durante as tres primeiras fins de semana do mes de maio. E é que os venres, sábados e domingos entre o 5 e o 21 de maio vai desenvolverse o XIII Concurso de Tapas, organizado pola Concellaría de Promoción Económica e Turismo. O certame ten por obxectivo continuar dinamizando o sector co argumento do sabor, a calidade e a aparencia duns petiscos que se servirán ao prezo único de 1,5€.  Os bares e restaurantes do municipio que desexen participar deben presentar a súa solicitude o día 18 de abril como moi tarde, algo que poden facer pola sede electrónica (obrigatorio se se trata de persoas xurídicas) ou presencialmente no rexistro municipal. As bases e o formulario encóntranse aquí. 
Ver máis
10-04-2023 -
10-04-2023 -
Fene ao día

Aberto o prazo de inscrición no XIII Concurso de Tapas de Fene

O Concello de Fene coa finalidade de promover e dinamizar a actividade do sector da hostalería, convoca o XIII Concurso de Tapas de Fene.

Poderán participar todos os establecementos de hostalería do ámbito municipal de Fene, legalmente establecidos  previa inscrición no prazo e forma establecido nas bases aquí publicadas.

Establécense dúas modalidades: Tapa Tradicional e Tapa Creativa, entendéndose como tapa creativa a que utilice productos, técnicas de elaboración ou presentación innovadoras.

Por cortesía de Icook Escuela de cocina, as persoas interesadas que queiran recibir asesoramento para a elaboración da tapa, poden solicítalo antes de inscribirse. 

O prazo de inscrición remata o 18 de abril de 2023.
Ver máis
1 2 ...42 43 4445 46 ...319 320 >>