Novas

24-03-2023 -
24-03-2023 -
Fene ao día

O Concello de Fene colaborará con Portos de Galicia na renovación da fachada marítima de Barallobre

Responsables de Portos de Galicia e do Concello de Fene visitaron esta mañá as obras de reurbanización que se están desenvolvendo na contorna do peirao de Barallobre co obxectivo de mellorar os usos públicos da zona. O proxecto autonómico céntrase na ampliación de prazas de aparcamento e no aglomerado das vías de acceso. O consistorio tamén  será partícipe da actuación por medio da sinatura dun convenio que recollerá, entre outras cuestións, a dotación do paseo con iluminación pública con tecnoloxía led e o paso a mans municipais do parque infantil, cuxo acondicionamento xa está contratado pola Concellaría de Servizos dentro dun paquete de restauración de espazos lúdicos que abrangue todo o territorio municipal.
Ver máis
23-03-2023 -
23-03-2023 -
Fene ao día

430 amantes dos bolillos de 52 agrupacións participarán este sábado na Xuntanza de Palilleiras de Fene

Fene será o sábado a capital indiscutible do encaixe. Unha arte tradicional que goza dunha saúde estupenda en toda Galicia, tal e como testemuña o alto número de inscricións rexistradas para a Xuntanza de Palilleiras que se celebrará durante toda a xornada no Pavillón da Xunqueira. No espazo reuniranse desde as 10:30h un total de 430 persoas para compartir tempo de aprendizaxe e mostraren a súa habilidade cos bolillos e o fío, de onde saen obras primorosas por si mesmas ou como remate exquisito de pezas de roupa -camisas, saias, chaquetas etc.-, pero tamén de panos, manteis, sabas e outros enxovais. O evento regresa despois de tres anos de parón pandémico cunha elevada participación de artesás e artesáns pertencentes a 52 escolas de toda Galicia, ademais de contar coa presenza dunha vintena de postos relacionados co mundo do tecido.
Ver máis
22-03-2023 -
22-03-2023 -
Fene ao día

Na primavera, trampeo contra a velutina

A primavera é o mellor momento para tentar atallar a praga das velutinas xa que danse as condicións perfectas para que as raíñas fundadoras de novas colonias de velutina saian do seu letargo e empecen a construír os niños embrionarios nos que criar a primeira xeración de obreiras.

Porén, a Agrupación de Voluntarias/os de Protección Civil de Fene está a instalar trampas en distintos puntos do municipio. Un trampeo selectivo en zonas onde se tivera detectado a velutina anteriormente.
Ver máis
21-03-2023 -
21-03-2023 -
Benestar e igualdade

Charla e exposición fotográfica sobre o dano cerebral adquirido en Fene

A Casa da Cultura de Fene acollerá o vindeiro xoves 30 de marzo, ás 17.30 horas unha charla sobre “O dano cerebral adquirido”, froito da colaboración dos Servizos Sociais municipais coa Federación Galega de Dano Cerebral (FEGADACE). No acto falarase das posibles causas desta doenza (ictus, accidente de tráfico, tumor cerebral, anoxia, etc), así como da prevención e rehabilitación. O mesmo día abrirá ao público no salón de actos da Casa da Cultura unha mostra fotográfica titulada “Punto e seguido. A vida despois do dano cerebral adquirido”, mostra que se poderá visitar até o 14 de abril en horario: de luns a venres, de 10 a 13 e de 16 a 21 horas (o horario durante a Semana Santa será de luns a venres, de 10 a 14.15 horas).
Ver máis
17-03-2023 -
17-03-2023 -
Fene ao día

O concello instala casetas para a xestión e control das colonias felinas

A concelleiro de Medio Ambiente, Justo Ardá, ven de anunciar a implementación dun programa de xestión e control das colonias felinas, que ten como obxectivo mellorar da calidade de vida dos gatos, diminuír os problemas de superpoboación e promover unha adecuada integración das colonias no concello.

Para elo o Concello instalou recentemente dúas casetas nas colonias felinas na zona urbana de Fene, unha na zona do Eroski e outra pola costa do Calvario. Se o proxecto ten uns resultados adecuados instalaranse máis casetas noutras ubicacións.
Ver máis
13-03-2023 -
13-03-2023 -
Benestar e igualdade

Un total de 20 escolares participan no programa Refórzate

O programa dirixido ao alumnado de primaria e secundaria, desenvolverase até o mes de  xuño no CPI A Xunqueira, de luns a xoves, en horario de tarde.

Refórzate, ta e como vimos informando, é un programa que  combina  a atención educativa; mediante sesións de apoio escolar en alumnado con dificultades de aprendizaxe xeneralizada e ou que precisen apoio nas áreas instrumentais;  e o espazo socioeducativo de lecer saúdable; utilizando o uso responsable das novas tecnoloxías, prevención en ludopatias, así como obradoiros de alimentación saúdable entre outros.
 
Ver máis
10-03-2023 -
10-03-2023 -
Fene ao día

O Concello pasará a led a maior parte da iluminación pública das parroquias

A Concellaría de Servizos acaba de encargar os traballos para renovar a rede de farois públicos pasándoos a tecnoloxía de led, máis duradeira e aforradora. O investimento total alcanzará os 35.250 euros e suporá o cambio de 165 puntos de luz, cos que o Concello agarda reducir un 75% o consumo eléctrico e rebaixar os custes de mantemento.
Ver máis
09-03-2023 -
09-03-2023 -
Fene ao día

Fene prepárase para recibir o sábado 25 a centos de palilleiras chegadas de toda Galicia

O Pavillón da Xunqueira acollerá o próximo 25 de marzo unha nova edición da tradicional Xuntanza de Palilleiras. Un evento que se vén desenvolvendo desde 1996 e que só se viu interrompido nos últimos tres anos por causa da pandemia. Agora, con folgos renovados, a xuntanza arredor dos bolillos agarda sobrepasar o medio milleiro de participantes  procedentes de toda Galicia, aínda que a cifra definitiva de asistentes non se coñecerá até o peche das inscricións, que poden facerse até este venres 10 de marzo a través do 981 492 767. En vésperas de que remate o prazo xa ían anotadas preto de 400 palilleiras e palilleiros pertencentes a unha trintena de agrupacións. O evento contará, ademais, con vinte postos de artesanía e materiais relacionados co tecido.
Ver máis
08-03-2023 -
08-03-2023 -
Benestar e igualdade

A Concellería de Benestar Social e Igualdade organiza un curso de mantemento básico de vehículos para mulleres

No marco das actividades organizadas ao redor da conmemoración do Día da Muller, a Concellería de Benestar Social e Igualdade de Fene organiza un curso teórico-práctico de mantemento básico de vehículos, dirixido a mulleres. Dita acción formativa desenvolverase na Casa da Cultura (parte teórica) e pista de Fonte do Campo (parte práctica) os luns e mércores, desde o 27 de marzo ao 8 de maio, en horario de 16.30 a 19.30 horas. Inscricións abertas até o 22 de marzo, chamando ao teléfono dos Servizos Sociais municipais en horario de mañá: 981 492 706. As prazas (12) cubriranse por orde de inscripción, podendo quedar en lista de agarda as persoas que se inscriban logo desas doce primeiras.
Ver máis
08-03-2023 -
08-03-2023 -
Deporte

San Valentín acolle este sábado o Campionato de Galicia Junior de Judo

Cento cincuenta e catro judokas de 27 clubs de toda Galicia tomarán parte este sábado no Campionato Galego Junior de Judo que organiza a Federación Galega de Judo e D.A. coa colaboración da AD Judo Ferrolterra, Artes Marciais Fene e Concello de Fene. O certame desenvolverase en horario de tarde, de 16.00 a 19.30 horas, aínda que o mesmo día en horario de mañá (só para os/as participantes) realizarase a pesaxe, de 13.00 a 14.00 horas. Dende a Concellería de Deportes anímase á veciñanza a asistir como público a este campionato no que se enfrontarán os/as mellores judokas junior de Galicia. A entrega de medallas realizarase ao redor das 19.00 horas.
Ver máis
1 2 ...44 45 4647 48 ...319 320 >>