Novas

03-07-2023
03-07-2023

O ciclo Xullo, Mes da Patria inaugúrase este venres cunha festa infantil a carón da Casa do Concello

A Praza do alcalde Ramón José Souto González será o escenario este venres, 7 de xullo, da primeira actividade do ciclo que engloba toda a programación organizada pola Concellería de Cultura ao redor da conmemoración do 25 de xullo, Día da Patria Galega. A festa infantil, a cargo de La Guagua, desenvolverase desde as 18 até as 21 horas e incluirá xogos acuáticos, festa da escuma, batallas con pó de cores, música, xogos xigantes, camas elásticas e inchables de auga. A entrada será libre e de balde. 
Ver máis
29-06-2023
29-06-2023

O Concello de Fene leva o circo de rúa de Kote Malabar á Romaría do Camiñante

A tradicional Romaría do Camiñante que organiza a Liga de Amigos de Barallobre celébrase este sábado, 1 de xullo. Como complemento aos actos programados pola sociedade fenesa, a Concellería de Cultura anuncia un espectáculo de circo de rúa a cargo de Kote Malabar. A función comezará ás 20 horas nos arredores do local da Liga de Amigos, con entrada libre e de balde.
 
Ver máis
28-06-2023
28-06-2023

A exposición Pacto Verde Europeo amosarase na Praza 10 de marzo durante a primeira quincena de xullo

A mostra Pacto Verde Europeo do centro Europa Direct da Deputación da Coruña inicia este venres o seu terceiro verán de xira por concellos da provincia co obxectivo de “achegar á cidadanía de maneira didáctica e sinxela os obxectivos e medidas da política medioambiental e climática da Unión Europea”. A exposición pasará en primeiro lugar por Fene, amosándose do 30 de xuño ao 14 xullo na “Praza do 10 de marzo”, en San Valentín. O acto de inauguración terá lugar o vindeiro luns, 3 de xullo, ás 21.00 horas, presentándose durante o mesmo a performance “Europa Verde” con danza, acrobacias e malabares, ao son do himno europeo; así como a grabación dun vídeo. A exposición tamén ten unha dimensión interactiva con "A Aventura do Pacto Verde Europeo", un escape-room virtual destinado á infancia e mocidade, ao que se accede a través dun código QR.
Ver máis
22-06-2023
22-06-2023

XXXVI edición do Premio Nacional de Poesía Xosemaría Pérez Parallé

O Círculo Mercantil e Industrial Unidade de Fene convoca, coa colaboración do Concello de Fene, a XXXV edición do Premio Nacional de Poesía Xosemaría Pérez Parallé. O certame, que naceu para homenaxear a quen fora un dos seus máis renomeados socios, ten como obxectivo premiar un libro de autor inédito en lingua galega, promovendo así a inclusión de novas voces no sistema literario galego.
Ver máis
22-06-2023
22-06-2023

Xullo, Mes da Patria no Concello de Fene

Cunha festa infantil na Praza do alcalde Ramón José Souto González comezará o venres 7 de xullo o ciclo “Xullo, mes da Patria” que engloba toda a programación organizada pola Concellería de Cultura de Fene ao redor da conmemoración do 25 de xullo, Día da Patria Galega. O ciclo incluirá o tradicional Festival de Habaneras e Canto Coral (13 de xullo), un espectáculo infantil a cargo de Fantoches Baj (14 de xullo en San Valentín), un monólogo a cargo de Xosé Touriñán (15 de xullo), concertos de Trikitrí e Fillas de Cassandra (20 de xullo) e Ataque Escampe e Familia Caamagno (21 de xullo). O programa concluirá o sábado 22 de xullo coa lectura, ao mediodía, da declaración institucional polo Día da Patria Galega -a cargo da exconcelleira, exdeputada provincial e actual presidenta da AVV de Limodre, Ana Santiago- e cun concerto pola noite de Airiños de Fene e da Banda de Gaitas de Ortigueira. Todas as actividades serán con entrada libre e de balde, agás o monólogo de Touriñán que será gratuíto pero con reserva previa de entradas e aforo limitado.
Ver máis
19-06-2023
19-06-2023

Cambio de horario da Casa da Cultura de Fene

Coa chegada do verán, a Concellería de Cultura informa do cambio de horario da Casa da Cultura de Fene (Biblioteca Municipal, aula de estudo, Museo do Humor Xaquín Marín e sala de exposicións temporais) que coincidirá, como é habitual, co comezo das vacacións escolares. Así, a partir do xoves 22 de xuño (inclusive) e até o vindeiro 10 de setembro (inclusive), o horario da instalación será de luns a venres, de 10.00 a 14.15 horas. Os sábados, domingos e festivos, a Casa da Cultura de Fene permanecerá pechada. O luns 11 de setembro retomarase o horario habitual da instalación.
Ver máis
09-06-2023
09-06-2023

Listados Verán máis alá 2023

Rematado o prazo de matriculación provisional en Verán máis alá!, ao rexistrarse máis solicitudes que prazas dispoñibles por quincena, e aplicados os criterios de baremación (*) que rexen a adxudicación das prazas por cada quincena, procédese á publicación das persoas admitidas e excluídas na actividade:

-        Listado admitidos/as na 1ª quincena
-        Listado admitidos/as na 2ª quincena
-        Relación de persoas excluídas que conforman a lista de agarda
Ver máis
02-06-2023
02-06-2023

O luns 5 de xuño abre o prazo de matriculación provisional para o Verán Máis Alá 2023 de Fene

Programa  dirixido ao alumnado escolarizado en educación infantil e primaria nado entre os anos 2011 e 2019 (idades de referencia de 3 a 12 anos) e desenvolverase nas instalacións do CEIP de Centieiras do 3 ao 28 de xullo en horario de 8:00 a 14:30 h. Para participar cómpre ser veciño/a de Fene (empadroado/a en Fene) ou acreditar ter estado escolarizado/a nun centro de ensino do concello ao longo do presente curso escolar. Ademais, novamente, o criterio de selección non será o da orde de inscrición senón a situación socio-laboral das familias.
Para facer a matrícula provisional, cómpre achegar a documentación do 5 ao 7 de xuño ambos inclusive por medios telemáticos ou presencialmente para aquelas persoas que obtiveran a cita previa nestes días.
Ás 14.00 horas do 9 de xuño, se publicará na web a relación coa Matrícula Definitiva en Verán máis alá!
Ver máis
01-06-2023
01-06-2023

Festival de fin de curso das Escolas Municipais de Música

As Escolas Municipais de Piano e Guitarra 2022/23 do Concello de Fene chegan ao seu fin. Por este motivo, a Concellería de Cultura organiza para este venres, 2 de xuño, o festival de clausura de ámbalas dúas actividades ás que asistiron ao longo do presente curso escolar ao redor de 30 persoas. O certame comezará o venres ás 17 horas no salón de actos da Casa da Cultura de Fene e terá como protagonista ao alumnado infantil e xuvenil das devanditas escolas.

No decurso do Festival de Fin de Curso das Escolas de Música de Fene soarán temas clásicos e composicións tradicionais, todo un repertorio musical protagonizado polo alumnado da escola.

Actuación aberta ao público
Ver máis
24-05-2023
24-05-2023

Daniel Romero gañador, na categoría de persoas, do Premio Rosalía de Castro da Deputación

O Concello de Fene, e en especial o Departamento de Cultura, ten o pracer de compartir e difundir a nova da Deputación Provincial de A Coruña, onde da a coñecer os gañadores dos Premios Rosalía de Castro da Deputación. Gañadores entre os que se atopa Daniel Romero, xestor de actividades culturais do noso Concello. Un merecido premio que nos enche de fachenda.

O xurado recoñeceu o labor das catro propostas premiadas na promoción e dignificación social do patrimonio lingüístico de Galiza, tanto no ámbito territorial da provincia como no resto do país.

Na categoría de persoa, o xurado decidiu premiar a noso compañeiro Daniel Romero, xestor de actividades culturais e de normalización lingüística no Concello de Fene, por "abrir novos camiños e innovar en diferentes ámbitos sociais e de dinamización da lingua, realizando un traballo continuado durante décadas". No seu informe, o xurado tamén salienta que "o seu exemplo, coherencia e compromiso convérteo no faro das persoas dedicadas á normalización lingüística", tras máis de 40 anos traballando tanto desde o concello como desde outras responsabilidades profesionais nesta longa traxectoria. Da súa man, o galego chegou con forza ás tecnoloxías da información e á comunicación con iniciativas en que Daniel Romero participou como Ciberlingua, galego.org ou Vieiros.
Ver máis
1 2 ...8 9 1011 12 ...51 52 >>