Novas

26-11-2025 -
26-11-2025 -
Museo do Humor Xaquín Marín

Isabel Risco pecha este venres o Novembro, mes do humor 2025 co espectáculo Nabiza Girl II, a incrible historia da cultura minguante

“Pensabades que morrera, pero estaba de parranda!” Aturuxando desde o cumio do monte Pindo, volve a máis importante superheroína galega, Nabiza Girl, acompañada nesta aventura polo seu fiel escudeiro, Don Galizo, para loitar contra as inxustizas e os problemas que asolagan a nosa terra. Este venres, 28 de novembro, Nabiza Girl, personaxe interpretado pola actriz e humorista Isabel Risco, visita Fene para pechar o ciclo de monólogos Novembro, mes do humor. A cita será novamente ás 20.00 horas e a entrada de balde, aínda que con invitación que se poderá recoller (máximo dúas por persoa adulta) na conserxería da Casa da Cultura de Fene ese mesmo día a partir das 19 horas. Aforo limitado.
Ver máis
25-11-2025 -
25-11-2025 -
Benestar e igualdade

Mil flores de gancho para conmemorar o 25 de novembro no Concello de Fene

O Concello de Fene celebrou esta mañá o acto central do Día Internacional da Eliminación da Violencia contra as Mulleres, no que se inaugurou unha emotiva instalación artística composta por mil flores lilas de gancho, elaboradas durante semanas por veciñas do municipio. A obra, situada na Casa do Concello, converteuse nun símbolo colectivo de apoio, resistencia e memoria para todas as mulleres que sofren ou sufriron violencia machista.
Ver máis
25-11-2025 -
25-11-2025 -
Museo do Humor Xaquín Marín

O IV concurso de Banda Deseñada de humor Demo Pequeno convida á mocidade galega a facer unha historia curta sobre o cambio climático

A alcaldesa de Fene, Sandra Permuy, foi a encargada de presentar este luns no Museo do Humor Xaquín Marín as bases do IV concurso de Bd de Humor Demo Pequeno, un certame que, segundo explicou, “naceu co obxectivo de fomentar a creatividade, apoiar o talento novo e reivindicar o humor como unha ferramenta indispensable para comprender o mundo e para transformalo”. Neste acto, no que tamén se presentaba a unidade didáctica do Museo “Mal! Pero de humor ben”, a primeira rexedora fenesa estivo acompañado polo debuxante e director de Demo Editorial, Manel Cráneo, coautor do cartel do certame xunto co seu fillo Roque Show.
Ver máis
25-11-2025 -
25-11-2025 -
Museo do Humor Xaquín Marín

O Museo do Humor presenta a súa primeira unidade didáctica na que convirte en personaxe de cómic a Xaquín Marín

Coincidindo coa conmemoración do seu aniversario, o Museo do Humor Xaquín Marín presentou este luns a unidade didáctica Mal! pero de humor ben, impulsada pola Concellería de Cultura de Fene coa colaboración da Xunta de Galicia, a través do programa de axudas destinadas a centros museísticos da comunidade autónoma 2025. A responsable do Museo do Humor, Almudena Marcos, e o debuxante de bd e director de Demo Editorial, Manel Cráneo, foron os encargados de presentar a publicación nun acto no que tamén participaron a alcaldesa de Fene, Sandra Permuy e o fundador do Museo do Humor, Xaquín Marín (ao que se sorprendeu desvelándoselle no acto que o protagonista da obra era él mesmo, transformado en personaxe de cómic).
Ver máis
25-11-2025 -
25-11-2025 -
Benestar e igualdade

Ningunha agresión sen resposta. Ningunha muller soa

Declaración institucional 25 de novembro do 2025- Día Internacional para a Eliminación da Violencia contra as Mulleres
Ver máis
24-11-2025 -
24-11-2025 -
Deporte

Fene homenaxeará o sábado 29 de novembro aos mellores deportistas da tempada 2024-2025

Reunir ás persoas e entidades do deporte fenés ao redor dun día de festa no que salientar o labor de quen contribúen a desenvolver e ampliar a práctica deportiva no noso Concello” é o principal obxectivo do evento que a Concellería de Deportes de Fene está a organizar para este sábado, 29 de novembro, ás 20 horas, no pavillón da Xunqueira de San Valentín. Nesta V Gala do Deporte están convocados ao redor de 130 deportistas de Fene ou de clubs de Fene que salientan, en palabras da concelleira de Deportes, Alba García, polo seu “esforzo, dedicación, entrega e, en definitiva, polos valores que transmiten a través do deporte”. As persoas que queiran asistir ao acto e arroupar aos nosos deportistas poderán facelo porque a entrada será libre e gratuíta.
Ver máis
24-11-2025 -
24-11-2025 -
Fene ao día

O Concello de Fene intensifica os traballos de limpeza preventiva dos ríos para reducir o risco de inundacións

O Concello de Fene intensificou nas últimas semanas os traballos de limpeza preventiva nos ríos do municipio co obxectivo de minimizar o risco de inundacións durante a tempada de chuvias. Estas actuacións, desenvolvidas pola área de medio ambiente, inclúen a retirada de pólas, restos vexetais e materiais arrastrados pola corrente, mellorando así o fluxo da auga e a capacidade de drenaxe das canles.
Ver máis
23-11-2025 -
23-11-2025 -
Museo do Humor Xaquín Marín

Bases do IV concurso da banda deseñada de humor Demo Pequeno

Coa publicación das bases, o Museo do Humor Xaquín Marín e Demo Editorial abren o prazo de presentación de obras para o IV concurso de bd de humor Demo Pequeno. O premio convócase co obxectivo de achegar os escolares galegos ao mundo da banda deseñada, fomentando a súa creatividade desde unha perspectiva humorística. Poderán participar no certame mozos e mozas de 8 a 16 anos, residentes en Galicia. Os autores/as participantes presentarán unha única historia curta de banda deseñada (máximo 1 páxina) ou tira cómica, con enfoque humorístico e temática centrada no cambio climático.
Ver máis
21-11-2025 -
21-11-2025 -
Deporte

Fene acolle este sábado o 21º Slalom Scratch, que bate récord histórico de participación con 94 equipos

O Concello de Fene acolleu este xoves a presentación da 21ª edición do Slalom Scratch, unha das citas máis destacadas do calendario galego do automobilismo, que este ano fará historia ao reunir 94 equipos participantes, a cifra máis alta rexistrada nunca no Campionato Galego de Slalom. A proba celebrarase este sábado, no circuíto urbano de San Valentín, nunha xornada que promete emoción, velocidade grande ambiente.
Ver máis
19-11-2025 -
19-11-2025 -
Fene ao día

O Concello de Fene culmina as melloras en Buios e avanza nos traballos da senda peonil do Regueiro

O Concello de Fene continúa avanzando no seu plan de mellora integral das infraestruturas municipais, cunha aposta clara pola renovación de vías, a mellora da drenaxe e a creación de espazos máis seguros e accesibles para a veciñanza. Nos últimos meses intensificouse o ritmo de execución de obras fundamentais nas parroquias, atendendo demandas históricas e actuando en puntos sensíbeis tanto desde o punto de vista da seguridade viaria como da mobilidade peonil.

No marco deste plan, esta semana realizouse unha visita técnica para supervisar o resultado das obras xa finalizadas en Buios e comprobar o avance da nova senda peonil do Camiño do Regueiro. A alcaldesa, Sandra Permuy, acudiu acompañada da concelleira de obras, Mª Carmen Martínez, e do primeiro tenente de alcaldesa e edil de urbanismo, Manuel Polo, nun percorrido que puxo de manifesto o impacto positivo destas intervencións no día a día da cidadanía.
Ver máis
1 2 ...9 10 1112 13 ...133 134 >>