Novas

29-12-2023 -
29-12-2023 -
Fene ao día

Fene ultima os preparativos da Festa de Fin de Ano

O Concello de Fene está a ultimar os preparativos para a Festa de Fin de Ano, que decorrerá nas primeiras horas do 2024 na Praza do Alcalde Ramón Souto, coa instalación de elementos estruturais e a decoración que adornará o espazo. Trátase da segunda edición deste evento, tras o grande éxito colleitado na edición que deu a benvida a este 2023. A festa comezará unha hora despois das uvas coa actuación da Orquestra Finisterre, unha formación que durante a súa traxectoria de máis de 15 anos foi bebendo dos diferentes xéneros da verbena, e cuxo repertorio inclúe tanto os temas do momento como tamén os clásicos aclamados polo público. A continuación, será o DJ Frank Fairlane o encargado de amenizar a festa até o amencer, cunha sesión que percorrerá estilos como o rock, pop, disco, latino e temas actuais, entre outros.
Ver máis
29-12-2023 -
29-12-2023 -
Deporte

Perto de 500 participantes na IX San Silvestre Concello de Fene 2023

A proba terá lugar este sábado, 30 de decembro, a partir das 17:00 horas con saída/meta situada diante do Concello de Fene (na Avenida do Concello). Os/as participantes poderán retirar o dorsal – chip hoxe venres no Salón de Plenos do Concello de Fene (Praza do alcalde Ramón José Souto González) en horario de mañá, até as 13:00 h, e de tarde, de 16.00 a 20.00 horas. Tamén se poderán recoller mañá sábado no salón de Plenos do Concello, de 10.00 a 13.00 e de 15.30 a 16.30 h.
Ver máis
26-12-2023 -
26-12-2023 -
Fene ao día

Fene avanza nas obras de mellora do firme no Camiño do Redondo

O alcalde de Fene, Juventino Trigo, e o concelleiro de obras, Manuel Polo, visitaron as obras de mellora do firme que o Concello de Fene está a executar no Camiño do Redondo, na parroquia de Magalofes, consistentes na mellora e adaptación do firme para incrementar a seguridade e accesibilidade do mesmo.
Ver máis
26-12-2023 -
26-12-2023 -
Cultura

As bailarinas de Gloria López recalan na Casa da Cultura de Fene

Este venres, 29 de decembro, ás 12.30 horas, inaugúrase na Casa da Cultura de Fene a exposición “Mujeres envueltas en poesía”, de Gloria López. Trátase dunha mostra de pintura na que as protagonistas son as “bailarinas”, personaxes que sempre chamaron a atención da artista “pola súa beleza, dificultade e sacrificio”. A exposición complétase cunha serie de poemas, inspirados nas pinturas. “Mujeres envueltas en poesía” permanecerá na sala de exposicións temporais da Casa da Cultura até o vindeiro 30 de xaneiro. Poderá visitarse ao longo do Nadal en horario de mañá, de luns a venres (agás festivos), de 10.00 a 14.15 horas. E, a partir do 8 de xaneiro, o horario será de luns a venres, de 10.00 a 13.00 e de 16.00 a 21.00 horas, e os sábados, de 10.00 a 13.00 horas.
Ver máis
22-12-2023 -
22-12-2023 -
Cultura

O martes 26 de decembro Fantoches Baj contará “A viaxe feliz de Ramón Sanfiz” na Casa da Cultura

Ramón Sanfiz, aventureiro e percusionista dunha orquestra de baile da mariña, disponse a percorrer un novo itinerario co seu triciclo. No encontro co público, conta a viaxe que realizou desde a súa vila natal ata San Andrés de Teixido fiando diferentes historias que aprendeu dos habitantes que atopou polo camiño. Con este punto de partida, Fantoches Baj relatará en Fene “A viaxe feliz de Ramón Sanfiz” o vindeiro martes, 26 de decembro, ás 12 horas, no salón de actos da Casa da Cultura. Sesión dirixida ao público familiar (recomendada para maiores de 5 anos). A entrada será libre e de balde, sen reserva, até completar aforo. Actividade incluída no programa “Nadal en Rede”, da Secretaría Xeral de Política Lingüística da Xunta de Galicia.
Ver máis
21-12-2023 -
21-12-2023 -
Fene ao día

Comeza o Obradoiro dual de emprego Reinicia X

Esta semana deu comezo o Obradoiro dual de emprego Reinicia X, promovido polo Concello de Fene, xunto cos concellos de Ares e Mugardos. Conta con dúas especialidades, e nel participan un total de 20 alumnos/as traballadores/as, 10 por cada especialidade.
Ver máis
21-12-2023 -
21-12-2023 -
Cultura

Horario da Casa da Cultura de Fene durante o Nadal

Do venres 22 de decembro ao domingo 7 de xaneiro cambia o horario de apertura e atención ao público na Casa da Cultura de Fene. Así, desde mañá, a Biblioteca Municipal Xosemaría Pérez Parallé, o Museo do Humor Xaquín Marín, a aula de estudo e sala de exposicións temporais da Casa da Cultura abrirán unicamente en horario matutino, de luns a venres, de 10.00 a 14.15 horas. Ademais, durante as festas, as instalacións permanecerán pechadas os sábados, domingos e festivos (23, 24, 25, 30, 31 de decembro, 1, 6 e 7 de xaneiro).
Ver máis
14-12-2023 -
14-12-2023 -
Fene ao día

Nova edición do Programa Integrado para o Emprego de Galicia dirixido a mulleres desempregadas de Fene, Narón, Neda, Cabanas, Ares, Mugardos, Cedeira e Valdoviño

A Xunta de Galicia vén de conceder á Mancomunidade de Concellos da Comarca de Ferrol unha nova edición do Programa Integrado de Emprego de Galicia, financiado pola administración autonómica e o Servicio Público de Empleo Estatal con 220.000 €. O programa vai dirixido a mulleres en situación de desemprego inscritas na correspondente Oficina de Emprego e empadroadas nos Concellos de Fene, Cedeira, Valdoviño, Narón, Neda, Cabanas, Ares ou Mugardos. As persoas interesadas en participar (que estean debidamente inscritas como demandantes de emprego) poden ampliar información contactando co equipo técnico do programa nos seguintes números de teléfono 613 10 85 35 / 613 10 85 30 ou ben no enderezo de correo electrónico piemancomunidade@ferrol.es.
 
Ver máis
14-12-2023 -
14-12-2023 -
Fene ao día

Fene prepara un Plan de Acondicionamento de Beirarrúas que chegará a todas as parroquias

O Concello de Fene está a ultimar os detalles do Plan de Acondicionamento de Beirarrúas que comezará a comezos de ano, e que chegará a todas as parroquias co obxectivo de amañar as beirarrúas cunha duración duradeira. Executarase empregando medios propios e operarios municipais, mediante a aplicación da técnica do formigón impreso.
 
 
Ver máis
14-12-2023 -
14-12-2023 -
Cultura

XXI Festival de Panxoliñas Concello de Fene no CCRD de Perlío

Terá lugar este sábado, 16 de decembro, ás 20.00 horas, nas instalacións do Casino de Perlío. Contará coa participación da Coral Polifónica Agarimo de Sillobre, Coral Polifónica O Pote de Maniños, Tradicoro, Rondalla Estrelecer e Rondalla Perla del Río. Entrada libre e de balde, sen reserva previa.
Ver máis
1 2 ...7 8 910 11 ...302 303 >>