Novas

14-10-2025 -
14-10-2025 -
Fene ao día

O Concello de Fene abre o prazo de inscrición para o encontro interxeracional do proxecto Fene 1941

O Concello de Fene vén de abrir o prazo de inscrición para participar no encontro interxeracional do proxecto “Fene 1941. A historia viva desde o estaleiro”, que se celebrará o sábado 25 de outubro ás 18:00 h na ACRD O Pote de Maniños.
O evento porá o broche final ao proxecto e servirá como punto de encontro entre xeracións arredor da memoria viva do estaleiro e da cultura mariñeira. Durante o acto presentarase un vídeo resumo das actividades realizadas, farase entrega dun recoñecemento ás persoas e entidades participantes, e presentarase unha exposición e publicación fotográfica con imaxes recollidas durante o desenvolvemento. A xornada rematará cunha degustación de produtos do
mar.
O proxecto Fene 1941 desenvólvese nos anos 2024 e 2025 e está financiado polo Programa FEMPA a través do GALP Golfo Ártabro Norte, cun 70% de fondos da Unión Europea e un 30% da Consellería do Mar (Xunta de Galicia).

Inscricións: https://forms.gle/Lfp7rLi9tdirexMy8
Ver máis
14-10-2025 -
14-10-2025 -
Cultura

“O Museo de Historia Natural Ferrol, un museo cidadá” protagoniza este xoves a primeira charla do ciclo Contando Ciencia deste curso

A conferencia terá lugar este xoves, 16 de outubro, ás 19.30 horas no salón de actos da Casa da Cultura de Fene con entada libre e de balde. E correrá a cargo do delegado da SGHN-Ferrol Xan Rodríguez Silvar. No devir desta charla, o biólogo, naturalista e activista ambiental falará das orixes e da historia do museo ferrolán que naceu “como resultado da actividade de decenas de socios e colaboradores da entidade e que, na actualidade, ten unha das mellores coleccións naturistas da península ibérica”.
Ver máis
13-10-2025 -
13-10-2025 -
Fene ao día

O Concello de Fene foi beneficiario en 2025 de varias axudas da Deputación da Coruña para o mantemento de persoal técnico das Concellerías de Cultura e Deportes

Ver máis
13-10-2025 -
13-10-2025 -
Fene ao día

Presentación en Fene do libro Memorial e monumento ás vítimas do franquismo en Ferrolterra, Eume e Ortegal"

A Casa da Cultura de Fene acollerá este mércores, ás 19.30 horas, a presentación do libro de Antonio Blanco Carballo "Memorial e monumento ás vítimas do franquismo en Ferrolterra, Eume e Ortegal". Trátase dunha "obra imprescindible para manter viva a memoria histórica da nosa terra e de todas as vitimas que loitaron pola liberdade e a democracia". No acto, o autor estará acompañado pola alcaldesa de Fene, Sandra Permuy. E as persoas que asistán recibirán de balde un exemplar desta publicación que contou coa colaboración da Deputación da Coruña. "Memorial e monumento ás vítimas do franquismo en Ferrolterra, Eume e Ortegal" nace a raíz da instalación dunha escultura de Manuel Patinha no parque Antón Varela de Canido. O libro afonda tanto na instalación do monumento en homenaxe ás vítimas do franquismo como en toda a historia que afectou aos veciños e veciñas da zona, dende o inicio da ditadura, atendendo á cronoloxía, e dando voz a diversas testemuñas. 
Ver máis
13-10-2025 -
13-10-2025 -
Fene ao día

O proxecto Fene 1941 continúa este martes coa segunda das conversas abertas coa veciñanza

O proxecto “Fene 1941. A historia viva desde o estaleiro” continúa este martes, 14 de outubro, coa segunda das conversas abertas coa veciñanza, que terá lugar ás 19.30h na Casa da Cultura. Nesta ocasión, participarán representantes das parroquias de Sillobre, Limodre, Magalofes e Maniños, completando así o percorrido polas oito parroquias do concello iniciado a pasada semana.
Ver máis
10-10-2025 -
10-10-2025 -
Cultura

Contacontos ilustrado na Biblioteca Municipal para homenaxear ás cantareiras galegas

Xa está aberto o prazo de inscrición para asistir á función de “Cantareiras. A poesía popular nas Letras Galegas 2025”, de Polo correo do vento, que anuncia Biblioteca Municipal de Fene para o vindeiro xoves, 16 de outubro, ás 18 horas. Para anotarse cómpre facelo presencialmente ou por teléfono (981 342 302) no horario de apertura da instalación: de luns a venres, de 16 a 21 horas ou o sábado, de 10 a 13 horas. Aforo limitado. Actividade dirixida a público de todas as idades.
Ver máis
09-10-2025 -
09-10-2025 -
Fene ao día

Primeira fin de semana da ruta de tapas “O estaleiro nas tabernas”, ao abeiro do proxecto Fene 1941

O proxecto “Fene 1941. A historia viva desde o estaleiro” arrinca esta fin de semana coa primeira cita gastronómica da ruta “O estaleiro nas tabernas”, unha proposta que combina tradición mariñeira, gastronomía e música popular, e que forma parte do programa promovido polo Concello de Fene.

Nesta primeira quenda, que se desenvolverá os días venres 10 e sábado 11 de outubro, entre as 20.00 e as 22.00 horas, participarán os locais O Enxebre, Arrecendo, A Ponte, Lembranza e CMIU Fene (estes dous últimos só o venres). Cada establecemento ofrecerá unha tapa elaborada con produtos do mar ao prezo de 2,50 euros, inspirándose nas receitas e sabores tradicionais da nosa ría.
Ver máis
08-10-2025 -
08-10-2025 -
Cultura

Cunha conferencia do delegado da Sociedade Galega de Historia Natural Ferrol arrinca a quinta edición de Contando Ciencia

Volve Contando Ciencia, un programa que retoma a súa actividade co inicio do curso escolar “co obxectivo de achegar a ciencia á poboación en xeral”. Aberto a todo tipo de público, todas as conferencias terán lugar na Casa da Cultura, un xoves ao mes e sempre ás 19:30 con entrada gratuíta. Ciclo organizado pola Biblioteca O Segrel do Penedo do IES de Fene coa colaboración da Concellería de Ensino de Fene. Coordina a mestra Violeta Miraz Seco.
Contando Ciencia 2025-26 principiará o xoves 16 de outubro co relatorio “O Museo de Historia Natural Ferrol, un museo cidadá”, a cargo do delegado da SGHN-Ferrol Xan Rodríguez Silvar. No devir desta charla, o biólogo, naturalista e activista ambiental falará das orixes e da historia do museo ferrolán que naceu “como resultado da actividade de decenas de socios e colaboradores da entidade e que, na actualidade, ten unha das mellores coleccións naturistas da península ibérica”
Ver máis
07-10-2025 -
07-10-2025 -
Benestar e igualdade

Os Seráns Activos do Concello de Fene promoven un ano máis o entrenamento da mente e o corpo das persoas maiores

O vindeiro 13 de outubro arrinca una nova edición dos Seráns Activos, programa impulsado pola Concellería de Benestar Social que inclúe os obradoiros de Espazo da memoria e Lembranzas: o banco da memoria. Dúas actividades que se desenvolven de forma itinerante polas diferentes parroquias do termo municipal, en locais sociais e veciñais, namentres que o obradoiro de Recuperación da memoria realízase no centro Sociocomunitario de Fene.
Para participar no programa é preciso ter cumpridos os 55 anos e estar empadroado/a no Concello de Fene. A matrícula, por orde de inscrición, realizarase no centro municipal de Servizos Sociais ou por correo electrónico (servizos.sociaisfene.gal), entregando a fica cuberta. Aínda que, unha vez iniciados os obradoiros, poderán incorporarse máis persoas se os grupos non se completan (15 prazas/grupo).
Ver máis
06-10-2025 -
06-10-2025 -
Fene ao día

O proxecto “Fene 1941” arrinca este martes coa primeira conferencia aberta coa veciñanza

O Concello de Fene convida a toda a veciñanza a participar este martes, ás 19.30h na Casa da Cultura, na primeira das Conversas Abertas coa Veciñanza, incluída no proxecto “Fene 1941. A historia viva desde o estaleiro”.
Este primeiro encontro reunirá a veciños de San Valentín, Perlío, Fene e Barallobre, que compartirán as súas lembranzas e experiencias arredor do estaleiro, a vida nas parroquias e o papel que esta industria tivo no desenvolvemento económico e social do municipio.
Ver máis
1 2 ...16 17 1819 20 ...137 138 >>