Novas

03-08-2023 -
03-08-2023 -
Benestar e igualdade

Aberto o prazo de inscrición na 10ª Edicicón da carreira solidaria da Muller

A Concellería de Igualdade, a través do Servizo Municipal de Atención á Muller do Centro de Servizos Sociais do Concello de Fene, informa da 10ª Edición da Carreira da Muller que terá lugar en A Coruña o vindeiro 24 de setembro de 2023, evento de carácter deportivo e lúdico que se celebra para apoiar a loita contra o cancro de mama.
Ver máis
02-08-2023 -
02-08-2023 -
Fene ao día

Regulación do tráfico durante o Felicia Pop Festival 2023

Durante este venres e sábado, Limodre acolle a  vixesima quinta edición do Felicia Pop.
Serán dúas xornadas ben intensas que requiren un grande esforzo organizativo e de coordinación, sobre todo en materia de tráfico. Neste sentido deseñouse un dispositivo especial que comezará este venres ás 19.30 e que se manterá até as 8.00h do domingo.
Ver máis
01-08-2023 -
01-08-2023 -
Fene ao día

Blues e soul no Parque da Hortiña o vindeiro sábado 5 de agosto.

O rock galego con acento máis americano chegan a Fene o sábado 5 de agosto, ás 13.30 h, para despregar a proposta coa que se abriron un camiño propio na música: unha sonoridad que bebe de ritmos como o rock and roll, o blues ou o soul, e que tamén dialoga con The Kinks ou The Beatles. Actuación enmarcada no Ciclo Cultura no Camiño da Xunta de Galicia.
Ver máis
27-07-2023 -
27-07-2023 -
Deporte

Horarios de adestramento de pretempada no campo de fútbol de Os Pinares

Rematado o prazo de solicitude de adestramento no Campo de Fútbol de Os Pinares para a pretemporada 2023-2024 para clubes federados do Concello de Fene (do 10 ao 24 de xullo), o Concello publica na web municipal os horarios definitivos. Así mesmo, as solicitudes de adestramento de pretempada 2023/2024 para o Pavillón Polideportivo de A Xunqueira para clubes federados do Concello seguirán abertas ata o 25 de agosto.
Ver máis
27-07-2023 -
27-07-2023 -
Cultura

Asinados os convenios de colaboración correspondentes ás subvencións nominativas para os festivais Felicia Pop e Fenerock

O alcalde de Fene, Juventino Trigo, o concelleiro de Cultura, Justo Ardá, e representantes das asociacións A.C. Felicia e Centolos A.C. reuníronse este xoves na Casa do Concello para asinar os convenios de colaboración entre o Concello de Fene e ámbalas dúas entidades ao obxecto de organizar os festivais Felicia Pop Festival e Fenerock 2023. Convenios que, no seu conxunto, suman 22.000€, a razón de 11.000€ para cada unha das sociedades. Con estas aportacións, o Goberno Municipal de Fene pretende apoiar a organización de dous certames que, pola súa traxectoria e especial interese, son xa un referente no calendario de festivais de música en Galicia.
Ver máis
22-07-2023 -
22-07-2023 -
Fene ao día

Ana Santiago reivindica a importancia da identidade, da tolerancia, da liberdade ou do feminismo no seu discurso polo Día da Patria Galega en Fene

Máis dun cento de persoas (membros da Corporación Municipal, representantes do movemento asociativo e veciños/as de Fene) reuníronse este mediodía no parque liñal do Río Cádavo para asistir á lectura da Declaración Institucional do Día da Patria Galega. O texto foi elaborado nesta ocasión pola presidenta da AVV de Limodre, exconcelleira e exdeputada Ana Santiago.
Ver máis
21-07-2023 -
21-07-2023 -
Cultura

Acto institucional e concerto coas bandas de gaitas Airiños de Fene e a de Ortigueira para festexar o 25 de xullo

O ciclo Xullo, mes da Patria pecha este sábado 22 de xullo cun programa que arrincará ás 13 horas no parque liñal do río Cádavo, coa lectura da Declaración Institucional polo Día da Patria a cargo da exconcelleira e exdeputada provincial Ana Santiago e cunha ofrenda floral. Pola noite, ás 21 horas subirán ao escenario da Praza do alcalde Ramón J. Souto González Airiños de Fene e a Banda de Gaitas de Ortigueira. Dúas citas con entrada libre e de balde ás que, dende o Goberno Municipal de Fene, animan a participar a toda a veciñanza de Fene e bisbarra.
Ver máis
21-07-2023 -
21-07-2023 -
Deporte

Xoga ao balonmán no verán

Coa idea de promocionar este deporte,o Club Balonman Pontedeume e a Federación Galega de Balonman, coa colaboración da Concellería de Deportes de Fene, presentan a actividade “Xoga ao balonmán no verán” que se desenvolverá durante o mes de agosto na pista municipal de Centieiras. As sesións, totalmente gratuítas, serán os martes, xoves e venres de 9:00 a 11:00 horas e van dirixidas a nenos/as de 6 a 16 anos. Para participar, cómpre anotarse no teléfono 661 70 59 28 ou no correo electrónico balonmanopontedeume@gmail.com
Ver máis
20-07-2023 -
20-07-2023 -
Cultura

Concertos de Ataque Escampe e Familia Caamagno na Praza do alcalde Ramón J. Souto González

Este venres 21 de xullo, ás 21 horas, será o segundo dos grandes concertos do ciclo Xullo, mes da Patria deste ano. Tralo paso por Fene de Trikitrí e Fillas de Cassandra (xoves 20 ás 21 horas) nesta ocasión subirán ao escenario da praza do alcalde Ramón José Souto González os grupos Ataque Escampe e Familia Caamagno. Entrada libre e de balde. Organiza: Concellería de Cultura coa colaboración da Deputación da Coruña (Rede Cultural).
Ver máis
20-07-2023 -
20-07-2023 -
Fene ao día

Cinco persoas desempregadas de Fene benefícianse este ano do Programa de Integración Laboral PEL Concellos 2023, da Deputación da Coruña

Catro peóns e unha auxiliar de biblioteca asinaron este luns os seus contratos para a mellora da ocupabilidade e a inserción laboral, a xornada completa cunha duración de seis meses. Outras duas peoas traballan xa na área de Servizos desde o pasado mes contratadas a través do programa APROL rural financiado pola Consellería de Emprego e Igualdade. A Deputación Provincial realiza unha achega de 52000 euros para este programa de fomento da empregabilidade. Os/as beneficiarios/as son catro peóns que reforzan a área de Obras e Servizos desenvolvendo labores de conservación en espazos municipais –mantementos e pequenas obras- ou nos servizos de recollida do lixo e limpeza. Ademais con cargo ao PEL incorporouse tamén unha auxiliar á biblioteca municipal. A relación laboral deste persoal prolongarase ate o 16 de xaneiro do vindeiro ano.
Ver máis
1 2 ...32 33 3435 36 ...319 320 >>