Novas

06-07-2023 -
06-07-2023 -
Benestar e igualdade

A Mocidade Activa de Fene, Mugardos e Neda xa está en marcha

Este martes botou a andar o programa Mocidade Activa que están a desenvolver as áreas de Benestar e Igualdade dos Concellos de Fene, Mugardos e Ares. A actividade enmarcase nun proxecto de prevención de condutas aditivas no eido local que se realiza coa colaboración coa Consellería de Sanidade. Mocidade Activa vai dirixido a mozos e mozas con idades comprendidas entre os 11 e os 16 anos. Dende os Servizos Sociais de Fene informan de que quedan dispoñibles dúas prazas libres que, no caso de que haxa persoas interesadas en participar, se cubriran por orde de inscrición. As solicitudes enviaranse ao correo electrónico: servizos.sociais@fene.gal
Ver máis
06-07-2023 -
06-07-2023 -
Museo do Humor Xaquín Marín

Borja Ramón López Cotelo, Lucía Rodríguez Cid e Iván Mouronte Barreiro son os gañadores do XXVII Concurso de Humor Gráfico Curuxa do Humor

Logo das oportunas deliberacións, na xuntanza celebrada este mércores, 5 de xullo, no Museo do Humor Xaquín Marín, o xurado do XXVII concurso de humor gráfico Curuxa do Humor acordou outorgar a Borja Ramón López Cotelo, “El primo Ramón”, o primeiro premio Curuxa (categoría para maiores de 25 anos), a Lucía Rodríguez Cid o primeiro premio Curuxa Nova (categoría de 16 a 25 anos) e a Iván Mouronte Barreiro o 1º premio na recén estreada categoría Caricatura (para maiores de 16 anos). Ademais, resultaron finalistas do certame Manuel Arriaga de León (Curuxa), Adrián Jamardo Fernández (Curuxa Nova) e Iván Mata Tamayo (Caricatura). E reciben mención especial polos seus traballos os debuxantes Carles Ponsí Dalfó (Curuxa) e Asier Sanz Nieto (Caricatura). O xurado estivo integrado, ademais de polo alcalde de Fene, Juventino Trigo, polo concelleiro de Cultura, Justo Martínez Ardá; pola responsable do Museo do Humor Xaquín Marín, Almudena Marcos, e polos humoristas gráficos Santy Gutiérrez, Manuel A. Vázquez Búa (gañador do 2º premio Curuxa 2022) e Pedro Bouza Bernárdez (gañador do 1º premio Curuxa Nova 2022).
Ver máis
06-07-2023 -
06-07-2023 -
Fene ao día

Entrega de premios do XIII Concurso de Tapas

A concelleira de Promoción Económica, Ángeles Coira, a de Seguridade, Alejandra Permuy e a de Igualdade, M.ª Carmen Martínez, fixeron entrega este mércores, no salón de plenos da Casa do Concello, dos 19 premios que se sortearon entre a clíentela que participou no XIII Concurso de Tapas. Os premios para as persoas afortunadas que selaron toda a Fenerruta foron cortesía de: Estrella Galicia (unha viaxe a Londres, Bérgamo, Barcelona ou Málaga), Ecolimpauto (limpeza da tapicería dun turismo) e da Asociación de Comercio, Hostalería e Servizos O Cruceiro (9 vales de 100 euros cada un para consumir en establecementos de hostalería asociados); mentras que os premios para as persoas que cubriron as tarxetas foron cortesía de: Electro Agro Fene (un artigo de decoración), Bodegas Barral (3 estuches de productos), Escola de Música Bellón-Maceiras (un mes de clase en calquera modalidade) e da Imprenta San Esteban (tres libros de cociña). O 78,95% das persoas agraciadas cos premios foron de Fene e o 21,05 % da comarca de Ferrol (Narón, Neda, Ferrol, San Sadurniño).
Ver máis
04-07-2023 -
04-07-2023 -
Museo do Humor Xaquín Marín

Santy Gutiérrez, Alejandro Vázquez Búa e Pedro Bouza forman parte do xurado dos Premios Curuxa 2023 que se reúne este mércores en Fene

O humorista gráfico Santy Gutierrez, o gañador do 2º premio Curuxa 2022, Manuel Alejandro Vázquez Búa, e o gañador do 1º premio Curuxa Nova 2022, Pedro Bouza Bernárdez, forman parte do xurado do XXVII Concurso de Humor Gráfico “Premios Curuxa 2023” que se reunirá este mércores, 5 de xullo, ás 12 horas no Museo do Humor Xaquín Marín de Fene. Tal e como se establece nas bases do certame, completarán o xurado o alcalde de Fene, Juventino Trigo, o concelleiro de Cultura, Justo Ardá, e a responsable do museo fenés, Almudena Marcos (que actuará como secretaria).
Ver máis
04-07-2023 -
04-07-2023 -
Deporte

Os clubs deportivos de Fene xa poden solicitar horas de adestramento de pretempada e tempada 2023-24 nas instalacións deportivas municipais

Xa está aberto o prazo para que os clubs de Fene soliciten horas de adestramento para a pretempada no campo de Fútbol Os Pinares e no pavillón polideportivo da Xunqueira, así como para a tempada 2023/2024 no campo de Fútbol e nos dous pavillóns. Os clubs que estean interesados deben remitir nas datas que se indican na normativa, a relación de horas que soliciten de cada instalación para a pretempada e para a tempada 2023 -2024, especificando o equipo (deporte e categoría) que vai utilizar cada hora. As solicitudes poderán entregarse: presencialmente, no Rexistro Xeral de entrada do Concello de Fene, no primeiro andar da Casa do Concello, ou telemáticamente, na sede electrónica municipal.
Ver máis
04-07-2023 -
04-07-2023 -
Cultura

O humorista Xosé Touriñán actuará na Praza do alcalde Ramón J. Souto González o sábado 15 no marco do ciclo Xullo, mes da Patria

O vindeiro luns, 10 de xullo, ás 10.00 horas, comezará na Casa da Cultura de Fene (Avda. De Conces, 20-22) o reparto de invitacións para asistir ao espectáculo “Aquí tou!” que o actor e monologuista Xose Touriñán presentará en Fene o sábado 15, organizado pola Concellería de Cultura coa colaboración da Deputación da Coruña (Rede Cultural). Entregaranse un máximo de 3 entradas por persoa ata esgotar as localidades dispoñibles. Dende a Concellería de Cultura lembran que a función, prevista para o día 15 de xullo, ás 22 horas, na Praza do alcalde Ramón José Souto González -a carón da Casa do Concello- está recomendada para público adulto.
Ver máis
03-07-2023 -
03-07-2023 -
Fene ao día

Nova organización do Goberno municipal de Fene

Trala constitución da nova Corporación municipal, froito das eleccións municipais do pasado 28 de maio, o Goberno local de Fene, co alcalde Juventino J. Trigo Rey ao fronte, vén de dar a coñecer a distribución das áreas de goberno para o mandato 2023-27, que se repartiron do seguinte xeito: Manuel Polo Gundín (BNG) estará ao fronte de Urbanismo, Vivenda e Obras; Justo Martínez Ardá (BNG) será o concelleiro de Cultura e Medio Ambiente; Alejandra Permuy Meizoso (BNG) será a de Benestar Social, Servizos, Persoal, Seguridade e Participación Veciñal; Formación e Emprego e o servizo de Radio municipal corresponderán á concelleira Cristina García Moroño (BNG); e Facenda e Patrimonio e Promoción Económica a Mª de los Ángeles Coira López (BNG); como nova incorporación ao Goberno municipal de Fene, o concelleiro Adán Chao Pardo (BNG) estará ao fronte de Xuventude e Deportes; e Igualdade e Ensino corresponderán a Mª Carmen Martínez Rodríguez (EU). 
Ver máis
03-07-2023 -
03-07-2023 -
Cultura

O ciclo Xullo, Mes da Patria inaugúrase este venres cunha festa infantil a carón da Casa do Concello

A Praza do alcalde Ramón José Souto González será o escenario este venres, 7 de xullo, da primeira actividade do ciclo que engloba toda a programación organizada pola Concellería de Cultura ao redor da conmemoración do 25 de xullo, Día da Patria Galega. A festa infantil, a cargo de La Guagua, desenvolverase desde as 18 até as 21 horas e incluirá xogos acuáticos, festa da escuma, batallas con pó de cores, música, xogos xigantes, camas elásticas e inchables de auga. A entrada será libre e de balde. 
Ver máis
29-06-2023 -
29-06-2023 -
Cultura

O Concello de Fene leva o circo de rúa de Kote Malabar á Romaría do Camiñante

A tradicional Romaría do Camiñante que organiza a Liga de Amigos de Barallobre celébrase este sábado, 1 de xullo. Como complemento aos actos programados pola sociedade fenesa, a Concellería de Cultura anuncia un espectáculo de circo de rúa a cargo de Kote Malabar. A función comezará ás 20 horas nos arredores do local da Liga de Amigos, con entrada libre e de balde.
 
Ver máis
29-06-2023 -
29-06-2023 -
Benestar e igualdade

Amplíase o prazo de inscrición no programa Mocidade Activa até o venres 30 de xuño

As Áreas de Benestar e Igualdade dos Concellos de Fene, Mugardos e Neda anuncian a ampliación do prazo de inscrición para participar no programa Mocidade Activa, dirixido á rapazada de 11 a 16 anos, no marco do proxecto de prevención de condutas adictivas que están a desenvolver coa colaboración da Consellería de Sanidade. As prazas (10 por grupo) repartiranse entre os catro grupos que se pretenden poñer en marcha: dous en Fene, un en Mugardos e outro en Neda, cunha duración quincenal en cada quenda.
Ver máis
1 2 ...34 35 3637 38 ...319 320 >>