Novas

11-09-2023 -
11-09-2023 -
Deporte

Xornada portas abertas Tiro con Arco (EVENTO APRAZADO)

O sábado 16 de setembro o Concello, xunto co Club de  tiro con arco ADARVE, organizarán  unha xornada de portas abertas de tiro con arco, na que tódolos asistentes poderán practicar TIRO CON ARCO de forma totalmente GRATUÍTA. Será de 17.00 h a 19.00 h no Pavillón A Xunqueira.

A organización proporcionará todo o material necesario, así como o monitorado que dará as instrucións precisas aos asistentes para que proben esta modalidade deportiva se así o desexan.

O tiro con arco é unha das novidades que presenta este ano o Concello de Fene entre as súas escolas deportivas, que pode practicaarse tamen en familia, xa que a escola que está destinada a persoas adultas e tamén a nenos e nanas maiores de 6 anos.  O prazo para inscribirse nesta escola, no caso de estar interesados/as remata o día 21 de setembro.
ACTUALIZACIÓN 14/09/2023. EVENTO APRAZADO ATÉ NOVO AVISO
Ver máis
09-09-2023 -
09-09-2023 -
Fene ao día

Fene sabe a mar

A campaña promovida pola Consellería do Mar, Galicia sabe a mar, para promocionar os produtos do mar en poñer en valor o labor das persoas profesionais da pesca e do marisqueo, aparcará a súa foodtruck en Fene o vindeiro luns 11 de setembro. Todas aquelas persoas interesadas en degustar de balde petiscos  realizados con produtos do mar e da terra galegos deberán achegarse á Praza Alcalde José Ramón Souto González de 12:00 a 15:00 e de 18:00 a 21:00.
Ver máis
08-09-2023 -
08-09-2023 -
Cultura

Horario inverno Casa da Cultura de Fene

A partir vindeiro luns, 11 de setembro, có inicio do curso escolar, cambia o horario de apertura e atención ao público nas dependencias da Casa da Cultura, Biblioteca Municipal “Pérez Parallé” e Museo do Humor de Fene Xaquín Marín.  

Con este novo horario, que se manterá durante o curso 2023/24, agás períodos de vacacións escolares, a Casa da Cultura (aula de estudo e sala de exposicións temporais) e o Museo do Humor de Fene Xaquín Marín abrirán de luns a venres, de 10:00 a 13:00 horas e de 16:00 a 21:00 horas, e os sábados de 10:00 a 13:00 horas. Pola súa banda, a Biblioteca Municipal abrirá de luns a venres, de 16:00 a 21:00 horas, e os sábados de 10:00 a 13:00 horas.

Domingos e festivos, a Casa da Cultura de Fene permanecerá pechada. 
Ver máis
08-09-2023 -
08-09-2023 -
Cultura

Abre o prazo de solicitude das Axudas o Bono Bús Estudiantil

O Concello de Fene publica no BOP do 08/09/2023 o extracto da convocatoria do Bono Bus 2023/2024.  O prazo para entregar as solicitudes para o servizo de transporte e para a axuda económica será de 10 días naturais contados a partir de mañá.

O programa, que como novidade este ano incorpora a axuda tamén aos estudantes de formación profesional en centros públicos da cidade da Coruña, ten como obxectivo “facilitar o desprazamento diario de luns a venres no traxecto Fene-A Coruña-Fene para o estudantado fenés universitario e de FP durante o curso 2023-2024”
Ver máis
06-09-2023 -
06-09-2023 -
Museo do Humor Xaquín Marín

O Museo do Humor Xaquín Marín festexa o 40º aniversario da revista Can sen dono

A finais de 1982, na contorna do Primeiro Seminario Galego do Humor, celebrado no Museo Carlos Maside de Sada, e baixo o acubillo de Isaac Díaz Pardo, un grupo de debuxantes de Vigo presentaba o proxecto editorial dunha revista galega de humor que se ía denominar “Can sen dono”. A publicación foi unha realidade en 1983, ano no que ve a luz o seu número cero, coa dirección de Pepe Carreiro, coordinación de Gogue e edición de Antón Mascato. Desde esta data ate 1989 (e con 23 números publicados e catro extraordinarios), máis de medio cento de humoristas gráficos e tamén algúns humoristas literarios chegaron a participar nesta revista satírica galega que agora, corenta anos despois, o Museo do Humor Xaquín Marín se dispón a homenaxear. Este venres 8 de setembro, ás 20 horas, inaugúrase a exposición “40º aniversario da revista Can sen dono”, promovida polo museo e a Concellería de Cultura de Fene, coa colaboración da Biblioteca de Galicia (Xunta de Galicia). 
Ver máis
06-09-2023 -
06-09-2023 -
Fene ao día

O Concello de Fene ven de publicar as bases para alumnado e profesorado do Obradoiro de emprego INICIA VII

Sobre o proceso de preselección do alumnado traballador, dicir que o Concello de Fene é o órgano responsable de tramitar unha oferta de emprego pola especialidade no Servizo Público de Emprego de Galicia (SEPG), para logo proceder á selección definitiva das persoas candidatas a través do órgano de selección. Bases e anuncio no BOP aquí  
Sobre o proceso de selección persoal do persoal directivo, docente e administrativo de apoio, aclarar que se realiza mediante convocatoria pública. Así, as persoas que desexen participar deberán presentar instancia segundo o modelo que figura nas bases. O prazo de presentación de instancias é de tres (3) días hábiles, contados a partir do seguinte ao da publicación do anuncio da convocatoria no BOP (publicación no BOP do 06/09/2023). Bases e anuncio no BOP aquí 
Ver máis
05-09-2023 -
05-09-2023 -
Cultura

Axudas do Bonobús Universitario 2023-24

A Concellería de Cultura do Concello de Fene ven de informar que nos vindeiros días publicarase no Boletín Oficial da Provincia (BOP) as bases da convocatoria de subvencións ao transporte de estudantes universitarios e de formación profesional que cursen estudos en centros públicos da cidade da Coruña durante o curso 2023.

O programa, que como novidade este ano incorpora a axuda tamén aos estudantes de formación profesional en centros públicos da cidade da Coruña, ten como obxectivo “facilitar o desprazamento diario de luns a venres no traxecto Fene-A Coruña-Fene para o estudantado fenés universitario e de FP durante o curso 2023-2024”. Para información ou consultas relacionadas coa subvención do Bonobús, a veciñanza pode chamar ao teléfono 981 340 366 ou contactar no mail cultura.deportes@fene.gal.
Ver máis
04-09-2023 -
04-09-2023 -
Benestar e igualdade

Curso de defensa persoal para mulleres e nenas adolescentes

A Concellería de Igualdade do Concello de Fene, a través do Servizo Municipal de Atención á Muller, pon en marcha de novo DOUS CURSOS DE DEFENSA PERSOAL PARA MULLERES, un dirixido a maiores de idade e outro para nenas e adolescentes a partir de 12 anos. Ambos terán unha duración de outubro 2023 a xuño de 2024, en sesións de hora e media, dous días á semana.
Ver máis
01-09-2023 -
01-09-2023 -
Fene ao día

A vindeira semana publicaranse as bases para alumnado e profesorado do Obradoiro de emprego INICIA VII que comezará a finais do mes de setembro

O Concello de Fene xunto cos de Ares, Mugardos e Cabanas impartirá, a partir de setembro de 2023, cunha duración dun ano, o obradoiro de emprego INICIA VII subvencionado pola Consellería de Promoción de Emprego e Igualdade, co apoio financeiro da Unión Europea a través do FSE e do SEPE a través do Programa operativo de emprego xuvenil.

Desde o inicio da súa participación no obradoiro dual de emprego, o alumnado-traballador será contratado pola entidade promotora na modalidade de contrato para a formación e aprendizaxe, polo que percibirá unha retribución equivalente ao 100% do salario mínimo interprofesional incluída a parte proporcional dunha paga e media extraordinaria.
Ver máis
01-09-2023 -
01-09-2023 -
Benestar e igualdade

Despedida despois dunhas Vacacións en Paz

O alcalde de Fene, Juvetino José Trigo Rey, acompañado de integrantes da corporación municipal, persoal de SOGAPS e da familia acolledora, despediron no Salón de Plenos Municipal á nena sahariana que pasou o verán cunha familia de Fene. Acollida grazas ao programa Vacacións en Paz que pon en marcha cada ano a entidade Solidariedade Galega co Pobo Saharaui.
Dende o Concello, aproveitaron o acto para animar ás familias a acoller menores saharianos para o vindeiro ano.
Ver máis
1 2 ...30 31 3233 34 ...319 320 >>