Novas

21-06-2024 -
21-06-2024 -
Deporte

Fin de curso nas escolas municipais de piscina

A Concellería de Deportes organiza unha festa acuática para despedir o curso nas escolas municipais de piscina.
Será o vindeiro sábado, 22 de xuño, nas instalacións de Centieiras e poderá asistir o alumnado das escolas municipais matriculado no mes de xuño en natación para bebés, 1ª infancia ou natación infantil (iniciación e perfeccionamento).
Ver máis
21-06-2024 -
21-06-2024 -
Fene ao día

San Xoán 2024

O Concello de Fene recibiu ao redor de 280 comunicacións para realizar luminarias nas noites San Xoán e San Pedro. As persoas interesadas que aínda non o comunicaron teñen de prazo ata hoxe 21 de xuño ás 14.00 h.
Ver máis
20-06-2024 -
20-06-2024 -
Deporte

Trinta aniversario do Día do Deporte na Rúa

A Concellería de Deportes de Fene ultima a organización do seu 30º Día do Deporte na Rúa que se celebrará o domingo 7 de xullo co obxectivo de promocionar, un ano máis, o deporte e a diversión en familia. A xornada, que incluirá múltiples actividades deportivas e de lecer para todos os públicos, desenvolverase de 10.30 a 14.00 horas na avenida do Tarrío, rúa San Salvador e arredores do CCRD de Perlío. En caso de choiva, trasladarase ao interior do pavillón A Xunqueira de San Valentín.
Ver máis
20-06-2024 -
20-06-2024 -
Cultura

O ciclo "Xullo, mes da patria” trae este ano a Fene a Caamaño&Ameixeiras e Grande Amore

Cunha festa infantil a cargo de La Guagua botará a andar o venres 5 de xullo, ás 18.00 horas, o ciclo “Xullo, mes da Patria”, organizado pola Concellería de Cultura de Fene. Nesta primeira cita, dirixida aos máis pequenos da casa, haberá inchables, xogos de auga e animación na Praza do alcalde Ramón José Souto González, escenario de boa parte das actividades. Ese mesmo día pola mañá, a partir das 10.00 horas, repartiranse na Casa da Cultura de Fene as invitacións para asistir ao espectáculo que ofrecerá o monologuista Carlos Blanco o mércores 10. Entregaranse dúas entradas por persoa adulta até completar o aforo.
Ver máis
19-06-2024 -
19-06-2024 -
Benestar e igualdade

A área de Benestar e igualdade abre o prazo de inscrición nas actividades de ocio de verán

O CPI A Xunqueira acollerá os días 25 e 27 de xuño unhas xornadas lúdicas-educativas orientadas á rapazada, con idades comprendidas entre os 9 e os 16 anos. Actividade enmarcada no programa de  Reforzo educativo +Ocio da área de Benestar e Igualdade do Concello de Fene.
 
 
Ver máis
19-06-2024 -
19-06-2024 -
Fene ao día

O Concello de Fene celebrará a diversidade na Semana do Orgullo

O Concello de Fene, a través da área de igualdade, vén de presentar a axenda de actividades coa que celebrará a Semana da Diversidade Afectivo Sexual, arredor da conmemoración do Día do Orgullo LGBTIQ+ (28 de xuño).

Co obxectivo de dar visibilidade a esta xornada reivindicativa, o Concello de Fene pendurará na Praza do Concello as sete bandeiras que representan aos colectivos gai, lésbico, transxénero, bisexual, asexual, pansexual e intersexual durante toda a semana.
Ademais, organizouse a divulgación de catro pílulas informativas a través de Radio Fene, que se emitirán ás 11h entre o luns 24 e o xoves 27 de xuño.
Ver máis
18-06-2024 -
18-06-2024 -
Benestar e igualdade

O espazo de encontro entre mulleres INDIRA 2023-24 chega ao seu fin

Coincidindo co peche do programa, que finalizou cunha última sesión o pasado mércores 12 de xuño, a Concellería de Servizos Sociais anuncia unha nova convocatoria de INDIRA, actividade que se retomará no mes de outubro, abríndose o prazo de inscrición para as mulleres interesadas en participar tralo verán, no mes de setembro. Indira é un “espazo de encontro e crecemento no que compartir, experimentar, crecer xuntas, relaxarse, e onde permitirse ser muller e desfrutar de selo”.
Ver máis
18-06-2024 -
18-06-2024 -
Cultura

O sábado 22 de xuño cambia o horario da Biblioteca, Museo do Humor Xaquín Marín e Casa da Cultura de Fene

Coa chegada do verán, a Concellería de Cultura informa do cambio de horario da Casa da Cultura de Fene (Biblioteca Municipal, aula de estudo, Museo do Humor Xaquín Marín e sala de exposicións temporais) que coincidirá, como é habitual, co comezo das vacacións escolares. Así, a partir do sábado 22 de xuño e até o vindeiro 10 de setembro (inclusive), o horario da instalación será de luns a venres, de 10.00 a 14.15 horas. Os sábados, domingos e festivos, a Casa da Cultura de Fene permanecerá pechada.
Ver máis
17-06-2024 -
17-06-2024 -
Deporte

O Concello de Fene abre a inscrición nas xornadas de mergullo para nenos/as e adultos/as

A Concellería de Deportes de Fene informa de que o prazo de inscrición nas xornadas de mergullo para nenos/as e persoas adultas abrirase mañá martes 18 de xuño. O programa, que impulsa o Concello, conta coa colaboración do Clube de Actividades Subacuáticas Nautilus.
 
Ver máis
17-06-2024 -
17-06-2024 -
Deporte

Fene estrea este domingo o seu programa de actividades deportivas de verán co Campionato de Fotografía Submarina

O Campionato de Fotografía Submarina de Fene (proba puntuable no Circuito Galego de Fotosub) desenvolverase na mañá do domingo 23 de xuño. Os/as participantes sairán en barco do Peirao de Barallobre ao redor das 9.00 horas e realizarán dúas inmersións: a 1ª, entre as 09.45 e as 11.00 horas, e a 2ª, entre as 11.30 e as 12.45 horas. Novamente, nesta edición o Concello de Fene oferta 10 prazas (adultos) para asistir de balde como espectador das inmersións dende a embarcación que servirá de apoio á proba. As persoas interesadas en apuntarse poderán facelo enviando un correo electrónico a cultura.deportes@fene.gal (no que indicarán nome e apelidos, data de nacemento, número de DNI e teléfono), antes do xoves 20 de xuño ás 15.00 horas.
Ver máis
1 2 ...12 13 1415 16 ...321 322 >>