Novas

17-09-2021 -
17-09-2021 -
Benestar e igualdade

Concentración de condea e rexeitamento polo asesinato por violencia machista na Coruña

Dende a Concellaría de Igualdade do Concello de Fene, convócase ao persoal do Concello, ao persoal político e a todas as persoas que desexen unirse, a unha concentración silenciosa, hoxe venres ás  12:00 h, na porta da Casa do Concello para manifestar públicamente a condea e rexeitamento polo ASASINATO POR VIOLENCIA MACHISTA  de Mónica Marcos ocorrido na cidade da Coruña.

Agradecemos de antemán a vosa asistencia como xesto de condea, repulsa e solidariedade.
Ver máis
15-09-2021 -
15-09-2021 -
Fene ao día

5 persoas perceptoras da RISGA reforzan desde hoxe a limpeza viaria municipal

O Concello de Fene puxo en marcha a comezos do verán os programas de emprego PEL Reactiva, financiado pola Deputación da Coruña, e APROL Rural -cunha achega da Xunta-, a través dos que se promove a mellora da empregabilidade de persoas que, por distintas circunstancias, teñen dificultade para atopar un traballo. Entre os dous plans facilítaselles un emprego temporal a 10 mulleres e homes desenvolvendo tarefas no departamento de Servizos e na biblioteca. A eles e elas únenselles desde hoxe outras cinco persoas perceptoras da Renda de Inserción Social de Galicia que durante os próximos nove meses reforzarán a limpeza municipal.
Ver máis
15-09-2021 -
15-09-2021 -
Cultura

Fene abrirá en outubro o prazo de inscrición para as escolas culturais de música

A Concellería de Cultura publica a normativa xeral de matriculación para as escolas culturais municipais de piano-solfexo e guitarra, dirixidas a nenos/as a partir de cinco anos e poboación en xeral. Atendendo aos protocolos Covid, as persoas que desexen anotarse en calquera das dúas actividades, deberán solicitar cita previa do 1 ao 4 de outubro nos teléfonos 981 492 804 ou 607 626 812, de 8:30 e as 14:00. Unha vez solicitada a cita, presentaranse nas dependencias administrativas do Pavillón “A Xunqueira” de San Valentín no día e hora sinalados, tendo en conta que os días 5 e 6 de outubro realizaranse as inscricións para os residentes en Fene e o día 7 para a totalidade da poboación. Este novo curso das escolas culturais de música do Concello de Fene prolongarase dende o luns 18 de outubro de 2021 ao 31 de maio de 2022. A incorporación farase no primeiro día fixado para cada actividade.
Ver máis
13-09-2021 -
13-09-2021 -
Cultura

Cambio no horario da Biblioteca, Museo do Humor e Casa da Cultura de Fene

Co fin das vacacións escolares , a concellería de Cultura informa do cambio de horario da Casa da Cultura de Fene (Biblioteca Municipal, aula de estudo, Museo do Humor e sala de exposicións temporais) reanudando o horario habitual de inverno:
Casa da Cultura e Museo do Humor: de luns a venres, de 10.00 a 13.00 horas e de 16.00 a 21.00 horas, e os sábados, de 10.00 a 13.00 horas.
Biblioteca Municipal: de luns a venres de 16:00 a 21:00. Sábados de 10:00 a 13:00
Ver máis
13-09-2021 -
13-09-2021 -
Cultura

Cándido Pazó trae a Fene o seu espectáculo "Como dicía o outro"

Cándido Pazó visita Fene para presentarnos un espectáculo de narración oral con misturas de humor, emoción, imaxinación e memoria. Un monólogo cómico no que se enfían historias que se xestionan sobre a marcha, segundo o ambiente, o público, as circunstancias do día. En resumo, contos e lerias para tódolos públicos.
A actuación será no Local Social do ACRD O Pote de Maniños o venres, 17 de setembro de 2021 ás 21.00 horas
Un espectáculo dirixido a tódolos públicos con entrada de balde sen reserva até completar aforo
Ver máis
08-09-2021 -
08-09-2021 -
Fene ao día

Fene completa o acondicionamento dos centros do ensino xusto a tempo para o inicio do curso

A Concellaría de Ensino de Fene acaba de rematar os traballos de mantemento que habitualmente se desenvolven nos centros de ensino durante o verán co obxectivo de que todo estea listo para o comezo do curso. De acordo coa relación enviada polos equipos directivos de cada colexio, o Concello levou adiante nas últimas semanas pintados de aulas, reparacións de humidades e tamén tarefas de acondicionamento en patios e zonas axardinadas, que supuxeron un investimento aproximado de 4.000 euros. Só quedaría pendente un arranxo puntual na cuberta da cociña da escola infantil A Galiña Azul -dependente do Consorcio Galego de Servizos de Igualdade e Benestar- para corrixir un problema de filtracións que o Concello agarda subsanar en cuestión de días.
 
Ver máis
08-09-2021 -
08-09-2021 -
Cultura

Fene conmemora os 25 anos de literatura do escritor e xornalista Ramón Loureiro

A concellería de Cultura de Fene e o Club de Prensa de Ferrol organizan a presentación do novo libro de Ramón Loureiro, Las máscaras del fin del mundo. O acto, no que ademais do autor intervirán a presidenta do Club de Prensa, Xulia Díaz Sixto, o poeta e editor, Xulio López Valcárcel, a profesora Esperanza Piñeiro de San Miguel e o alcalde de Fene, Juventino Trigo Rey, terá lugar o vindeiro xoves, 23 de setembro, ás 20:00 h nas instalacións do CMI Unidade de Fene. Para asistir, é imprescindible reservar praza antes das 12:00 horas do 21 de setembro no correo electrónico cultura.deportes@fene.gal ou no teléfono 981 340 366.
Ver máis
07-09-2021 -
07-09-2021 -
Fene ao día

Aberto o prazo para participar nunha limpeza colaborativa na praia de Maniños que organiza a concellería de Medio Ambiente

No marco do proxecto "LIBERA, unidos contra a basuraleza (residuos abandonados na naturaleza)”, a concellería de Medio Ambiente de Fene promove unha nova recollida colaborativa que terá lugar o domingo 19 de setembro a partir das 11.00 horas na praia de Maniños. As persoas que queiran participar nesta acción -que ten como obxectivo “liberar a natureza do lixo que outros tiraron e non retiraron"- poden apuntarse enviando  un correo electrónico co nome completo e un teléfono de contacto a marta.pereiro@fene.gal
Ver máis
07-09-2021 -
07-09-2021 -
Cultura

Baobab Teatro trae a Fene este domingo os seus Contos para un caldiño

O local social da SCRD Agarimo de Sillobre acolle este domingo, ás 13.00 horas, o espectáculo familiar “Contos para un caldiño”, da compañía Baobab Teatro. Trátase dun espectáculo de contos moi divertido e participativo, recomendado para nenos/as a partir de 3 anos e familia. A entrada será de balde até completar o aforo.
Ver máis
06-09-2021 -
06-09-2021 -
Fene ao día

Fene non cobrará as terrazas en 2022

O pleno municipal celebrado o pasado xoves levaba entre os seus puntos a proposta da alcaldía para modificar a ordenanza fiscal nº 22, reguladora da taxa pola ocupación de terreos de uso público por mesas e cadeiras, tribunas, tablados e outros elementos análogos, coñecida comunmente dentro e fóra de Fene como "ordenanza das terrazas" que grava anualmente a instalación destes equipamentos nas beirarrúas. O Concello xa acordara suspender o cobro para o período abril-decembro do ano pasado e agora volve facelo con efectos para o 2022, de cara a facilitar a recuperación económica da hostalaría, un dos sectores máis afectados pola pandemia. O asunto foi apoiado polos catro grupos municipais.
Ver máis
1 2 ...85 86 8788 89 ...321 322 >>