Novas

08-02-2023 -
08-02-2023 -
Deporte

Artes Marciais Fene organiza, coa colaboración da AD Judo Ferrolterra e do Concello, unha fin de semana adicada ao judo en Fene

O pavillón da Xunqueira de San Valentín acolle este sábado a xornada “Deporte en idade escolar -Xogade”, da Xunta de Galicia, evento no que tomarán parte ao redor de douscentos judokas de distintos clubes das comarcas de Ferrolterra, Lugo e Santiago. 
Tamen este sábado terá lugar en San Valentín a Liga Galicia Rías Altas de judo, na que tomarán parte clubes de Ferrolterra, Coruña, Arteixo, Bergantiños, Santiago, Lugo, A Estrada e Cambre, entroutros. A competición comenzará as 15:30h coa recepción e pesaxe de judokas
 
Ver máis
08-02-2023 -
08-02-2023 -
Fene ao día

Avanzan os labores de limpeza e reparación de beirarrúas

A Concellaría de Servizos de Fene emprendeu a comezos de ano os traballos de revisión e reparación da rede municipal de beirarrúas, principalmente naquelas zonas de paso peonil fóra do casco urbano. Neste sentido os labores están centrándose, en primeiro lugar, nunha limpeza en profundidade da súa superficie para, deseguido, repoñer enlousados rotos ou soltos. A medida que se van desenvolvendo as obras, a brigada municipal -complementada con dúas empresas- tamén se está ocupando de renovar a sinalización horizontal e de substituír outros elementos danados que van aparecendo, como son papeleiras, bancos ou amarres de colectores. O investimento neste repaso xeral ao concello aproxímase aos 20.000 euros.
Ver máis
07-02-2023 -
07-02-2023 -
Museo do Humor Xaquín Marín

O Concello de Fene abre o prazo para participar no XXVII Concurso de Humor Gráfico “Curuxa do Humor”

Trala publicación do extracto das bases no Boletín Oficial da Provincia do martes 7 de febreiro, o Concello de Fene informa da apertura do prazo para presentar obras a unha nova edición dos “Premios Curuxa” do Museo do Humor Xaquín Marín. As persoas interesadas en participar poderán entregar ou remitir os seus debuxos ao Rexistro Xeral do Concello (Praza do alcalde Ramón José Souto González, s/n, 15500 Fene, A Coruña) até o vindeiro 31 de maio. Como principal novidade, nesta edición, os Premios Curuxa inclúen una nova categoría, amais da "Curuxa", para maiores de 25 anos, e da "Curuxa Nova", para persoas de 16 a 25 anos. Trátase da categoría “Caricatura” na que poderán participar debuxantes a partir dos 16 anos.
Ver máis
07-02-2023 -
07-02-2023 -
Fene ao día

Concentración de condea e rexeitamento polo asesinato por violencia machista en Baiona

Dende a Concellaría de Benestar e Igualdade do Concello de Fene, convócase para hoxe martes 7 de febreiro de 2023 ao persoal do Concello, ao persoal político e a todas as persoas que desexen unirse, a unha concentración silenciosa ás 12:00 h na porta da Casa do Concello para manifestar públicamente a condea e rexeitamento polo ASASINATO POR VIOLENCIA MACHISTA DE BEATRIZ LIJÓ GESTEIRA de 47 anos e veciña de Baiona (Pontevedra)

Beatriz foi brutalmente asasinada pola súa ex parella este domingo no seu domicilio en Baiona en presenza dos seus dous fillos de 7 e 9 anos de idade, vítimas da violencia vicaria exercida polo seu pai e pagando coa súa vida a discriminación e a desigualdade que padecemos todas as mulleres polo mero feito de ser mulleres.

Beatriz é a primeira vítima mortal da violencia machista en Galicia no 2023 sendo 8 as mulleres asasinadas en España no que levamos de ano (Fonte: MInisterio de Igualdade)

Agradecemos de antemán a vosa asistencia como xesto de condea, repulsa e solidariedade.
Ver máis
06-02-2023 -
06-02-2023 -
Cultura

A seguridade dos produtos cosméticos

A doutora en Farmacia Carmen García Jares é a nova convidada ao ciclo Contando Ciencia que continúa este xoves, 9 de febreiro, cunha conferencia sobre a Seguridade dos produtos cosméticos. O acto terá lugar no salón de actos da Casa da Cultura de Fene a partir das 19.30 horas, con entrada libre e de balde até completar o aforo. Carmen García Jares é catedrática de Química Analítica na USC. Realizou a súa formación postdoutoral no Institut d'Oenologie-Diréction Générale de la Concurrence, de la Consommation et de la Représsion des Fraudes (DGCCRF, Ministère de Finances, Bordeaux, Francia).
Ver máis
03-02-2023 -
03-02-2023 -
Deporte

En marcha os traballos de reparación e acondicionamento da cuberta do pavillón da Xunqueira

A Concellería de Deportes investirá 33.000 no amaño da cuberta do pavillón de San Valentín co obxectivo de poñer fin ás filtracións de auga que estaban a deteriorar a pista e que, á súa vez, podían supoñer un perigo para os usuarios e usuarias da instalación. As tarefas, contratadas á empresa Instalaciones Deportivas Gallegas S.L. e executadas por Alumatic Norte, consisten no cambio de parafusos desgastados e na suxeición das pranchas da cuberta, así como no cambio dalgunhas delas nas zonas máis deterioradas. (aproximadamente 40 metros cadrados). Os traballos comezaron a pasada semana, coincidindo coa melloría do tempo.
Ver máis
26-01-2023 -
26-01-2023 -
Cultura

Fene vai de entroido

Abre o prazo de inscrición para as comparsas que queiran participar no desfile e festival que terá lugar na Praza do alcalde Ramón José Souto González o mércores 22 de febreiro, no marco do Entroido fenés. As agrupacións interesadas en anotarse poderán facelo até as 14.00 horas do mércores 15 de febreiro no Rexistro Xeral do Concello e optar ás axudas que establece o Concello de Fene (bases publicadas nos enlaces achegados) para fomentar a participación da veciñanza nos actos do Entroido.
Ver máis
26-01-2023 -
26-01-2023 -
Fene ao día

Costas e o Concello colaborarán na reparación

Os temporais de vento e chuvia das últimas semanas provocaron ducias de incidencias en toda a comarca e, no caso de Fene, as máis reseñables foron o rebordamento do Cádavo e a caída de árbores e pólas en distintos puntos do territorio. Porén, malia termos un tempo máis calmado, os efectos de tanta auga como caeu seguen deixándose notar. E para exemplo o desprendemento de terra que se produciu hai escasos días na ribeira de San Valentín, interrompendo o paso pola pasarela de madeira e incluso danando a súa  estrutura. A reparación, pendente de cuantificar, será asumida pola Demarcación de Costas, mentres que o Concello se fará cargo da corta de varias árbores que ameazan con caer sobre o paseo.
Ver máis
25-01-2023 -
25-01-2023 -
Benestar e igualdade

Espazo de Encontro e Apoio Emocional Entre Mulleres

A Área de Benestar Social e Igualdade do Concello de Fene abre o prazo de inscrición no proxecto INDIRA. Un proxecto por e para todas as mulleres de Fene que desenvolvese a través de encontros semanais, nos que abordaranse diferentes temas e actividades relacionados cas relacións persoais, autocoidado, sexualidade e saúde feminina, intelixencias múltiples, emocións, violencia de xénero, etc.
Ver máis
24-01-2023 -
24-01-2023 -
Fene ao día

Prevención de condutas aditivas no obradoiro de emprego

No marco do proxecto de prevención de condutas aditivas que a Concellería de Benestar Social e Igualdade de Fene desenvolve, conxuntamente coa agrupación de concellos de Neda e Mugardos, o alumnado-traballador do obradoiro dual de emprego Reinicia IX asistiu nos últimos días a dúas sesións informativas sobre as adiccións, consumo de substancias e comportamentos aditivos. O obxectivo de ditas accións formativas, foi “informar para axudar a entender as características xerais das condutas aditivas, as súas implicacións na sociedade e desterrar prexuízos, así como establecer un maior coñecemento nesta materia”. O proxecto encádrase no programa “Non pasa nada, pasa algo?”, subvencionado pola Consellería de Sanidade.
Ver máis
1 2 ...84 85 8687 88 ...137 138 >>