Novas

27-10-2021 -
27-10-2021 -
Cultura

A lúa vai encuberta, de Manuel María, chega a Fene da man das compañías Incendiaria e A Quinta do Cuadrante

O local da SCRD Agarimo de Sillobre acollerá o domingo 14 de novembro ás 19 horas a representación de “A lúa vai encuberta”, montaxe gañadora do II Certame Manuel María de Proxectos Teatrais. A peza está protagonizada polos actores Melania Cruz e Tito Asorey (director da obra), da compañía A Quinta do Cuadrante, e Vanesa Sotelo e Davide González, da plataforma artística Incendiaria. O prazo de reserva de entradas para asistir á función abrirá o martes 2 de novembro ás 9.00 horas e prolongarase até as 12.00 horas do venres día 12, por correo-e (cultura.deportes@fene.gal), whatsapp 607 625 357 ou teléfono 981 34 03 66. Función organizada pola Concellería de Cultura de Fene, coa colaboración de Agarimo de Sillobre, e subvencionada pola Deputación da Coruña.
Ver máis
26-10-2021 -
26-10-2021 -
Fene ao día

Remata o aglomerado de dúas pistas municipais con cargo ao Plan de Mellora de Camiños da AGADER

O Concello de Fene volveu acollerse este ano ás axudas da Axencia Galega de Desenvolvemento Rural para a reparación de camiños polos que se sirvan explotacións e parcelas agrícolas. O coñecido como "plan de camiños" da AGADER supuxo unha achega próxima aos 43.400 euros, cos que se lles deu unha nova capa de aglomerado a dúas pistas situadas en Sillobre que suman algo máis de 400 metros de trazado.
Ver máis
25-10-2021 -
25-10-2021 -
Museo do Humor Xaquín Marín

Volve o Novembro, Mes do Humor ao Museo do Humor de Fene

Duarte  Galván,  Marita  Martínez  e  Avelino  González  serán  os  protagonistas dunha nova edición do ciclo de monólogos que a Concellería de Cultura de Fene organiza para conmemorar o aniversario do Museo do Humor (inaugurado o 24 de novembro de 1984). O Novembro, mes do humor botará a andar o venres 5 de novembro con Duarte Galbán e o espectáculo Vello aos vinte e pico. O día 12 actuará Marita Martínez e o 19 de novembro pechará o ciclo con Avelino González. Todas as funcións serán ás 20 horas no salón de actos da Casa da Cultura de Fene, con entrada balde pero con aforo limitado. Reserva de entradas a través do correo cultura.deportes@fene.gal,  por  whatsapp  607  625  357  ou  no  teléfono  981  340 366, indicando o nome e apelidos das persoas que queiran asistir e un teléfono de contacto.  
Ver máis
25-10-2021 -
25-10-2021 -
Fene ao día

Ampliación de horarios e servizo especial de transporte ao cemiterio municipal no Día de Todos os Santos e Día de Defuntos

Con motivo do Día de Todos os Santos e o Día de Defuntos, o Concello de Fene informa da ampliación de horarios do cemiterio municipal, así como da posta en marcha dun servizo de transporte especial.
 
Isto é, dende o día 26 de outubro e até o 2 de novembro o cemiterio permanecerá aberto ao público ao mediodia de maneira ininterrompida.

O horario nas instalacións municipais será, para o 1 de novembro, de 8 a 22 horas, e o  2 de novembro, de 9 a 20 horas. Por mor da situación sanitaria da COVID19 infórmase que se NON se oficiará misa.

Por outra banda, o servizo de transporte especial realizarase conforme ás seguintes datas e horarios:

31 de outubro, en horario de tarde
1 de novembro, e o día 2 de novembro, horario de mañá e de tarde.

No horario de mañá, a saída está prevista do cuartel da Garda Civil ás 10 horas e o regreso estímase ás 12 horas. No horario de tarde, a saída, do mesmo punto, será ás 16 horas e o regreso ás 18 horas. Námbolos dous casos, o autobús realizará o percorrido e paradas habituais.
 
COVID 19: Dende o Concello recordan a obriga de non acudir ás instalacións se se teñen síntomas ou se se tivo contacto con casos sospeitosos ou positivos. Tamén se insiste na obrigatoriedade do uso da máscara e da hixiene de mans, así como na observancia das instrucións do persoal municipal ao cargo das instalacións.
 
Ver máis
22-10-2021 -
22-10-2021 -
Cultura

O vindeiro luns abre o prazo de solicitude de axudas a entidades sen fins de lucro do Concello de Fene

Coa publicación no Boletín Oficial da Provincia do extracto das bases reguladoras da convocatoria de subvencións, en réxime de concorrencia competitiva, a entidades sen fins de lucro para o ano 2021, do luns 25 de novembro ao luns 8 de novembro ás 14.00 horas permanecerá aberto o prazo de solicitude destas axudas que teñen como finalidade: contribuír ao normal funcionamento do tecido asociativo (gasto corrente); mantemento de instalacións, así como a realización de actividades de carácter cultural, deportivo, educativo, de defensa dos dereitos da veciñanza e gastos de funcionamento. A contía que destina o Concello de Fene a esta convocatoria é de 105.800 €, incrementándose o importe máximo de subvención por entidade no caso das deportivas e culturais.
Ver máis
21-10-2021 -
21-10-2021 -
Fene ao día

O Concello asesora ás entidades para afrontaren a nova normalidade

Semella que pouco a pouco imos avanzando cara a unha nova normalidade que nos seguirá esixindo tomar certas precaucións para evitarmos repuntas da pandemia. A Xunta avanzou que en cuestión de días se desactivará a situación de emerxencia sanitaria e que mesmo poderían eliminarse as cabidas e outras restricións para certas actividades. Con todo, a incerteza sobre o futuro pesa, e moito, e a día de hoxe ninguén pode certificar que á volta dunhas semanas vaiamos estar como antes de marzo do 2020. Así as cousas, o Concello de Fene convocou esta semana a todas as entidades veciñais do municipio para facilitarlles pautas xerais que lles permitan retomar o seu pulso normal coas máximas garantías de seguridade. Nunha xuntana celebrada o pasado martes no salón de plenos, á que asistiron o alcalde e a concelleira de Seguridade, achegóuselles ás sociedades información sobre como aplicar os plans de continxencia contra a Covid19 e, ademais, o Goberno local tamén adquiriu o compromiso de proporcionarlles documentación de guía adaptada ás súas necesidades.
Ver máis
19-10-2021 -
19-10-2021 -
Benestar e igualdade

Fene súmase ao movemento do comercio xusto

O comercio xusto chega a Fene da man de Solidariedade Internacional de Galicia coa fin de seguir espallando a súa mensaxe: promover unhas relacións comerciais máis xustas entre países, respectando os dereitos humanos. No marco da campaña "Aquí e Acolá O Xusto", nesta fin de semana realizarase en Fene a feira "Comercio Con Sentido", de produtos de comercio xusto. A cita terá lugar na Praza Verde (avd. Marqués de Figueroa, Perlío, Fene) o domingo 24 de outubro, entre as 11h e as 14h.
Ver máis
18-10-2021 -
18-10-2021 -
Cultura

Leo Leiño na Casa da Cultura de Fene

Aberto o prazo de reserva  para a derradeira función do ciclo “Ler conta moito” da Biblioteca Municipal de Fene. Para esta última sesión, a contacontos Leo Leiño propón un espectáculo, dirixido a nenos/as de 6 a 14 anos, “cheo de maxia e ilusión pola rota xacobea”. Reserva de praza na propia biblioteca ou no teléfono 981 342302 en horario de tarde (luns-venres) ou de mañá (sábados).
Ver máis
14-10-2021 -
14-10-2021 -
Fene ao día

Os traballadores de Electro Rayma solicitan o apoio do Concello de Fene para desbloquear unha situación que ameaza 150 postos de traballo na comarca

Traballadores e representantes do comité de empresa de Electro Rayma reuníronse esta mañá cos grupos municipais feneses para expoñerlles a situación que atravesa a empresa e solicitarlles o seu apoio de cara a desbloquear unha difícil situación económica que ameaza a continuidade de 150 postos de traballo na comarca. Segundo explicaron, ao parecer a firma naronesa ten pendentes de cobrar 4,7 millóns de euros debido ao desacordo de Navantia en canto aos sobrecustes dos traballos efectuados nos AOR australianos. Unha débeda que se tería traducido en impagos a Facenda -cos conseguintes embargos que lle impiden á empresa optar a novos contratos públicos-, pero tamén nos primeiros impagos de salarios aos traballadores. Así as cousas, a representación laboral solicitou o apoio da corporación fenesa e doutros concellos para exercer presión política de cara a que Navantia e Electro Rayma "senten falar" e atopen unha solución negociada á actual situación.
Ver máis
13-10-2021 -
13-10-2021 -
Fene ao día

O Concello de Fene abre o prazo de solicitude das axudas do Bonobús Universitario 2021-22

Coa publicación no Boletín Oficial da Provincia das bases da convocatoria de subvencións ao transporte de estudantes universitarios/as que cursen estudos nos campus da Coruña durante o curso 2021-2022, dende o xoves 14 ao sábado 23 de outubro poden presentarse as solicitudes no Concello de Fene. O programa ten como obxectivo “facilitar o desprazamento diario de luns a venres no traxecto Fene-A Coruña-Fene para o estudantado universitario fenés nun campus da cidade de A Coruña durante o curso 2021-2022”. Para información ou consultas relacionadas coa subvención do Bonobús Universitario, a veciñanza pode chamar ao teléfono 981 340 366.
Ver máis
1 2 ...82 83 8485 86 ...321 322 >>