Novas

18-11-2021 -
18-11-2021 -
Cultura

O CMI Unidade de Fene acolle este sábado a entrega do XXXIV Premio Pérez Parallé, certame organizado coa colaboración do Concello

O gañador do Premio Nacional de Poesía Xosemaría Pérez Parallé 2021, Anxo Mena, recibirá  este sábado o premio polo seu libro Alimentar canarios con ovos da casa, obra seleccionada entre as 57 que se presentaron ao concurso este ano. A entrega terá lugar na sede do CMI Unidade de Fene a partir das 20 horas e contará coa actuación da Rondalla Estrelecer.



Ver máis
18-11-2021 -
18-11-2021 -
Fene ao día

Fene consegue tres Flores de Honra no certame Vilas en Flor, en recoñecemento do seu compromiso cos espazos verdes

Este mércores entregáronse na localidade ourensá de Allariz os galardóns do certame Vilas en Flor organizado pola Fundación Juana de Vega para premiar aquelas actuacións desenvolvidas por municipios de menos de 40.000 habitantes en relación co paisaxismo e coa integración das árbores, plantas e flores nas súas tramas urbanas. No seu segundo ano de participación, o Concello de Fene recolleu tres Flores de Honra, unha máis que en 2020, ano en que se estreou no concurso.
Ver máis
17-11-2021 -
17-11-2021 -
Benestar e igualdade

Ponte ao día de maneira cómoda e segura no manexo do teu móbil

O Concello de Fene a través da Concellería de Benestar Social e Igualdade está a organizar unha actividade denominada “INICIACIÓN AS NOVAS TECNOLOXÍAS”, “Ponte ao día de maneira cómoda e segura no manexo do teu móbil”.
Actividade orientada principalmente as persoas maiores, pero pode acudir calquera persoa que precise este tipo de apoio no uso das novas tecnoloxías.
O taller realizarase ao londo dunha semana, 1 hora diaria, no que as persoas aprenderan a optimizar os recursos do seu móbil.
Datas: Días 29 e 30 de novembro e 1, 2 e 3 de decembro entre as 10:00 e as 11:00 horas na aula da Casa da Cultura de Fene.
O período de inscrición estará aberto até o 26 de novembro ás 14:00 horas e pode facerse por teléfono (981342607) ou tamén directamente no Centro de Servizos Sociais.
Ver máis
16-11-2021 -
16-11-2021 -
Fene ao día

Abre o prazo de solicitude das axudas correspondentes ao Plan Complementario do Concello de Fene adherido á financiación para a reactivación económica e social

Coa publicación no Boletin Oficial da Provincia das bases da convocatoria das axudas ao plan complementario do Concello de Fene adherido á financiación para a reactivación económica e social, dende o mercóres 17 ao venres 19 de novembro poden presentarse as solicitudes no Concello de Fene. O obxeto destas bases é regular as axudas a conceder polo Concello de Fene, adherido ao Fondo de finaciamento promovido pola Deputación da Coruña, aprobadas coa finalidade de impulsar a actividade económica e o emprego no seu termo municipal e contribuir a paliar na medida do posible os danos derivados da pandemia da Covid-19, nas microempresas e autónomos/as.
Ver máis
16-11-2021 -
16-11-2021 -
Cultura

A compañía Berrobambán Teatro visita fene para FACER MEMORIA

Este mércores, 17 de novembro, bota a andar no Concello de Fene o proxecto `Facer memoria´, impulsado por Berrobambán Teatro e a Concellería de Cultura de Fene, coa colaboración da Rede de Dinamización Lingüística da Xunta de Galicia e as sociedades O Pote de Maniños, Agarimo de Sillobre e AVV San Xurxo de Magalofes. Facer Memoria é un espectáculo-encontro entre a narradora oral Paula Carballeira e a veciñanza destas tres parroquias de Fene “no que esvaemos os límites entre o palco e o patio de butacas, dándolle voz tamén ás lembranzas do público. E así, entre contos e conversas, intentaremos facer memoria. Dándolle a cada lembranza a importancia que merece.”. As citas serán con entrada libre o mércores 17, ás 19 horas, na ACRD O Pote de Maniños; e o xoves 18, ás 17 horas na SCRD Agarimo de Sillobre, e ás 19 horas na AVV San Xurxo de Magalofes.
Ver máis
15-11-2021 -
15-11-2021 -
Benestar e igualdade

15 de novembro, Día Mundial sen Alcohol

Coincidindo coa conmemoración do Día Mundial sen Alcohol, a concellería de Benestar Social e Igualdade de Fene lembra que, en colaboración coa agrupación de Concellos de Mugardos e Neda, está a desenvolver un proxecto de prevención de condutas aditivas no que se enmarca o programa de información e sensibilización, subvencionado pola Consellería  de Sanidade. Entre as mensaxes que se pretenden trasladar á veciñanza a respecto desta cuestión é que "a baixa percepción do risco que existe na cidadanía sobre o consumo de substancias e comportamentos adictivos é un dos factores que máis está a influir no consumo, de aí que adquiran sentido aquelas actuacións encamiñadas a mellorar a información rigurosa e axeitada sobre as drogas. Información que axude a entender as características xerais deste fenómeno, as súas implicacións na sociedade e a desterrar prexuizos, asi como a establecer un maior coñecemento nesta materia".
Ver máis
15-11-2021 -
15-11-2021 -
Museo do Humor Xaquín Marín

Avelino González pecha este venres o Novembro, mes do humor, do Museo do Humor de Fene

Xa esta aberto o prazo de reserva de invitacións para o espectáculo Contos que foron chistes que o monologuista e actor Avelino González ofrecerá este venres, 19 de novembro, a partir das 20.00 na Casa da Cultura de Fene. A función encádrase no Novembro, mes do Humor que a Concellería de Cultura está a desenvolver ao redor da conmemoración do aniversario do Museo do Humor. O ciclo, que comezou o pasado 5 de novembro con Duarte Galbán e continuou o día 12 con Marita Martínez, pecha esta semana con Avelino González sobre o escenario. A función será con entrada de balde e aforo limitado. Reserva de entradas a través do correo cultura.deportes@fene.gal, por whatsapp 607 625 357 ou no teléfono 981 340 366, indicando o nome e apelidos das persoas que queiran asistir e un teléfono de contacto.
Ver máis
12-11-2021 -
12-11-2021 -
Cultura

Anxo Mena obtén a XXXII edición do Premio Nacional de Poesía Xosemaría Pérez Parallé

Anxo Mena, nado en Carral en 1982 obtivo a XXXIV edición do Premio Nacional de Poesía Xosemaría Pérez Parallé, que convoca o Círculo Mercantil e Industrial-Unidade de Fene, co apoio do Concello de Fene. O xurado escolleu o libro de Mena, titulado Alimentar canarios con ovos da casa de entre 57 obras presentadas a concurso este ano.
Ver máis
11-11-2021 -
11-11-2021 -
Fene ao día

O Concello  finaliza a reparación das rúas dos Muíños e Doutor Francisco Malvar Vázquez

Hai escasos días e dentro do prazo de execución proposto pola empresa adxudicataria, remataron as obras de reparación das rúas Muíños e Doutor Francisco Malvar Vázquez, en pleno casco urbano de Fene. Os traballos consistiron na renovación das canalizacións soterradas da auga e o saneamento  na rúa Muíños e no posterior aglomerado de ambos eixos, situados nunha das zonas máis densamente poboadas do concello ademais de servir de conexión entre Naturais de Fene e a rúa da Fraga. O consistorio recepcionará as obras nos próximos días.
Ver máis
10-11-2021 -
10-11-2021 -
Benestar e igualdade

Senta e sente, sube ás miñas rodas, unha actividade para concienciar sobre as barreiras arquitectónicas

A Concellería de Benestar Social e Igualdade organiza, coa colaboración da asociación sociocultural ASCM, a actividade `Senta e sente, sube ás miñas rodas´coa que se pretende concienciar aos políticos, profesionais e á poboación en xeral das dificultades que as persoas en cadeira de rodas están a sufrir no seu día a día pola existencia de múltiples barreiras arquitectónicas na rúa que son un impedimento de cara a lograr a súa plena inclusión. A actividade, que se desenvolverá o venres 19 de novembro entre as 10:00 e as 13:00 horas, terá como punto de partida a Praza do alcalde Ramón José Souto González. Nela, os/as participantes realizarán dous percorridos en cadeira de rodas polas rúas de Fene. E, no caso de choiva, farase un itinerario alternativo. 
Ver máis
1 2 ...80 81 8283 84 ...321 322 >>