Novas

06-10-2021 -
06-10-2021 -
Fene ao día

O que debes saber do Bulling para no caer nas súas poutas

O Concello de Fene a través da Concellería de Benestar Social e Igualdade está a organizar unha Conferencia denominada “O que debes saber do Bulling para no caer nas súas poutas” que será impartida polo psicopedagogo Emilio Tresgallo, profesional con ampla experiencia no ámbito educativo e especificamente nos casos de acoso escolar. O obxecto desta iniciativa é concienciar á poboación e aos profesionais do eido educativo da problemática que está nestes momentos a ser unha verdadeira lacra social e que causa moito sufrimento as persoas que o padecen.
Ver máis
05-10-2021 -
05-10-2021 -
Museo do Humor Xaquín Marín

Exposición do pintor J.M. Pereiro na Casa da Cultura de Fene

A Casa da Cultura de Fene acollerá durante o mes de outubro unha exposición de óleos do pintor fenés J.M. Pereiro. A mostra inaugúrase este venres, 8 de outubro, ás 19.30 horas na sala de exposicións temporais da Casa da Cultura (Avda. De Conces, 20-22) e poderá visitarse ata o vindeiro día 30. Horario de visitas: de luns a venres, de 10.00 a 13.00 horas e de 16.00 a 21.00 horas, e os sábados, de 10.00 a 13.00 horas. Domingos e festivos, pechado.
Ver máis
04-10-2021 -
04-10-2021 -
Deporte

O Memorial Adolfo Ros Volta á Ría celebrarase o 12 de decembro

O Memorial Adolfo Ros Volta á Ría celebrarase o vindeiro 12 de decembro. Así o confirmaban o pasado venres os concellos organizadores, Fene, Ferrol, Narón e Neda, que xa traballan na que será a XXXV edición da media maratón. Unha cita deportiva na que se lembra a memoria de Adolfo Ros, falecido o 18 de agosto de 1985 cando, nun acto de auténtico heroicismo, tentaba rescatar a varios bañistas en perigo na praia de Doniños
A semana pasada a casa consistorial de Neda, municipio no que recae este ano a dirección da organización, acollía unha primeira reunión entre os concelleiros de Deportes para marcar as liñas de traballo, que continuarán agora de forma periódica. Despéxanse así as dúbidas sobre a súa celebración, suspendida en 2020 pola situación sanitaria derivada da covid-19.

Tras analizar a evolución da situación, os catro concellos acordaban retomar o memorial, concentrando todos os esforzos organizativos no capítulo de seguridade e prevención, e comezando o traballo pola elaboración dos protocolos que rexirán o seu desenvolvemento.
Ver máis
04-10-2021 -
04-10-2021 -
Cultura

Continúa o prazo de inscrición para piano-solfexo e guitarra

Tal e como vimos informando, as persoas que desexen anotarse en calquera das dúas actividades, deberán solicitar cita previa do 1 ao 4 de outubro nos teléfonos 981 492 804 ou 607 626 812, de 8:30 e as 14:00.

Unha vez solicitada a cita, presentaranse nas dependencias administrativas do Pavillón “A Xunqueira” de San Valentín no día e hora sinalados, tendo en conta que os días 5 e 6 de outubro realizaranse as inscricións para os residentes en Fene e o día 7 para a totalidade da poboación. Este novo curso das escolas culturais de música do Concello de Fene prolongarase dende o luns 18 de outubro de 2021 ao 31 de maio de 2022. A incorporación farase no primeiro día fixado para cada actividade.
Ver máis
04-10-2021 -
04-10-2021 -
Cultura

Xela Arias. Liberdade, solidariedade e amor pola lingua

O ciclo de "Ler conta Moito" arrinca o día 7 de outubro coa actuación: "Xela Arias. Liberdade, solidariedade e amor pola lingua" do grupo Polo Correo do Vento, onde o colectivo pontevedrés pon música, narra e ofrece ilustracións realizadas por Tania Solla, sobre a biografía da escritora nada en Sarria. 

A actuación será ás 18.00 h na Casa da Cultura (Salón de Actos) e está dirixida a nenos e nenas maiores de 5 anos.

As persoas interesadas poden reservar praza  presencialmente na Biblioteca ou a través do teléfono 981 34 23 02. 
 
 
 
Ver máis
01-10-2021 -
01-10-2021 -
Cultura

Contos para bebés con Rilo e Penadique na Biblioteca Municipal de Fene

O dúo formado pola mugardesa Vero Rilo e Sonsoles Penadique volve a Fene este sábado para participar no ciclo de actividades de outono que se está a desenvolver na biblioteca municipal Xosemaría Pérez Parallé. A cita, prevista en dúas funcións -a primeira de 11.30 a 12.00 e a segunda de 12.30 a 13.00 horas- encádrase no programa FalaRedes 2021, da Secretaría Xeral de Política Lingüística. O espectáculo, titulado “Derriba da lúa”, vai dirixido a nenos/as de 0 a 4 anos. Para asistir, cómpre reservar praza no teléfono 981 34 23 02. Aforo limitado a 10 nenos/as máis un/ha acompañante, en cada quenda.
Ver máis
01-10-2021 -
01-10-2021 -
Fene ao día

A Concellería de Turismo amosa na SCRD Agarimo a exposición do I Concurso de Fotografías do Camiño Inglés

A mostra, organizada pola Asociación de Concellos do Camiño Inglés coa colaboración da Asociación de Promoción do Camiño Inglés, consta de 21 fotografías, as 3 gañadoras do certame e 18 finalistas. Esta exposición inaugurouse en xuño nas instalacións da Autoridade Portuaria de Ferrol, coincidindo coa celebración do evento “Primavera no Camiño” e, posteriormente, iniciou a súa itinerancia por algúns dos concellos que conforman o Camiño Inglés.
No concello de Fene amósase dende hoxe nas instalacións da Sociedade Agarimo de Sillobre e poderá visitarse até o vindeiro 14 de outubro en horario de 9.30 a 14.00 e de 16.00 a 22.00 horas, de luns a domingo.
Ver máis
29-09-2021 -
29-09-2021 -
Fene ao día

O Concello demanda o reforzo urxente do transporte metropolitano

A posta en marcha do Plan de Transporte Metropolitano acometida pola Xunta o ano pasado supuxo unha reestruturación completa do mapa de concesións de todo o país. As zonas distribúense entre grandes empresas e unións temporais doutras máis pequenas para atender tanto o transporte de viaxeiros como o transporte escolar. No caso de Fene o servizo adxudicóuselle á UTE Hércules Norte -operado por Monbús e outras- e o cambio trouxo, de momento, máis problemas que beneficios, como por exemplo que parte do alumnado do instituto de Barallobre quede en terra porque o bus é moi pequeno -ademais de deixar a rapazada a 800 metros do centro- ou que ocorra o mesmo no traxecto Ferrol-Coruña nas horas de maior demanda, ademais dos retrasos que acumula a liña de primeiras horas da mañá. A situación obedece, segundo o Concello, á falla de capacidade da concesionaria para atender en tempo e forma as necesidades de persoas traballadoras e estudantes. Por este motivo, desde o Goberno local demándase a intermediación da Consellaría de Infraestruturas e Mobilidade, ademais de instar á empresa adxudicataria do transporte metropolitano a que cumpra coas condicións do servizo.
Ver máis
28-09-2021 -
28-09-2021 -
Deporte

Horarios de adestramento dos pavillóns polideportivos municipais

A Concellería de Deportes publica os horarios de adestramento dos pavillóns polideportivos municipais de "A Xunqueira" en San Valentín e de "O Ramo" en Barallobre durante a tempada 2021/2022.

Unha vez rematado o prazo de solicitudes de adestramento nos pavillóns polideportivos municipais do Concello de Fene para equipos de fóra do concello, asociacións e particulares; achégase o horario de adestramento, confeccionado segundo as solicitudes recibidas e o Regulamento de Réxime Interior de Instalacións Deportivas do concello.

Como noutros anos, os ocos que queden libres poden ser solicitados ao longo da tempada no telf. 981.49.28.04 da administración do pavillón da Xunqueira.
É importante resaltar a obriga de extremar as medidas preventivas ante posibles contaxios da COVID 19, para iso elaboráronse protocolos específicos que complementan as medidas sanitarias establecidas.
Ver máis
28-09-2021 -
28-09-2021 -
Cultura

Música, teatro e narración oral no outono cultural da Biblioteca Municipal de Fene

O espectáculo de Carlos Quintá “Un rei e outros animais” inaugura este xoves o ciclo de actividades de outono que organiza a Concellería de Cultura de Fene na biblioteca municipal Xosemaría Pérez Parallé. O programa inclúe cinco propostas dirixidas ao público infantil e familiar, as dúas primeiras organizadas no marco do programa FalaRedes 2021, da Secretaría Xeral de Política Lingüística, e as tres restantes no de Ler conta moito, da Consellería de Cultura, Educación e Universidade.

Para abrir o ciclo, este xoves, 30 de setembro, ás 18.00 horas, actuará no salón de actos da Casa da Cultura o músico e manipulador de monicreques Carlos Quintá co espectáculo “Un rei e outros animais”. Nesta primeira función, os nenos e nenas contarán e cantarán historias e pezas da tradición galega e outras de nova creación, todas protagonizadas por animais, coa axuda de xoguetes sonoros e monicreques variados. Entrada libre até completar aforo.
Ver máis
1 2 ...83 84 8586 87 ...321 322 >>